Sikaraya 8:3 - Udél Dwata: Gna Kesfasad ne Lomi Kesfasad

³ Ne ni bud udél Dwata, monen, Angate semfulék ebè Bulul Sayun, angate nô bè Jirusalim. Ominen yó angat taba le yóm Jirusalim, Syudad Teneb. Ne yó angat taba le yóm kun bulul yóm Dwata laen dù là gbeken du, Bulul Dwata.

Sikaraya 8:3 Referans Kwoze

Sikaraya 1:16

Yó gónóm mon, yó bud udél Dwata, monen, Denge bud mulék ebè Jirusalim lanu kmodu yó kem dou tau. Angat bud tenlob le yóm dou Gónô bè yó, dalang se yóm dou syudad, angat bud hdà le. Yóm Dwata laen dù là gbeken du nim mudél ni.’

Deng Hegfan 21:3

Ne tódô gungolu se yóm mudél lemwót bè yóm bangkù gónón myón yóm fen kmamal, hgelen udélen, monen, “Ngem yóm kun gónó nô Dwata, deng eles nô lem blóng kem tau ne. Angat tódô hlós nô bélê le, ne lu se baling kem kun tau. Là kóen na a bud skó bélê le ne, yakà du se kul Dwata.

Kulasi 2:9

Bè yóm tehe kbalingen tau Krays, nô béléen yóm hol kun kmò Dwata.

2 Kurin 6:16

Ne sotuhen, laen kô dù gónó le segmung yóm kun gónô Dwata ne yó kem dwata kéng. Kaem tekuy se yóm kun gónô gónóhen nô yóm Dwata laen dù tul katayen. Hol lómón yóm tehe mon Dwata ekni, yóm monen, “Angate tendo nô bélê le yó kem dou tau, ne hol lem blóng le gónóhu nô. Ne ou se baling hol kul Dwata, ne lu se baling hol dou tau.”

Kun Snulat Jan 14:23

Bnalà Jisas, monen, “Yó se tau kembong nawa dou, nimónen yóm dou tolok. Tey angat kbong nawa Mà du snéen kun, ne angat me tódô setnù béléen lewu me Mà.

Kun Snulat Jan 1:14

Yóm Udél yó koni, deng baling tau, ne mnô bélê tekuy. Laen kô dù sónen yóm klinggel nawahen ebè tau, ne hono tahu yóm gel tulónen kul. Deng hyu na me ton se yóm kegeta deng blay Maen du, yóm kegeta hol knóón bè yóm Ngaen tek sotu.

Juwél 3:17

Yó bud udél Dwata, monen, “Bè yóm kdaw yó angat tngón ye ou se yóm sana kuy Dwata hol gónó mogot. Nóe bè Sayun yóm bulul deng htólóngu mò dou. Angat tey mólós yóm Jirusalim ne là kô bud gundug le du yó kem sendalù lemwót bè tólóng benwu.

Jirimaya 33:16

Bè yóm kdaw yó angat gewà yóm benwu Juda ne angat menek yóm syudad Jirusalim. Ne yó angat tendo mon yó kem tau nô lemen, ‘Dwata se yóm mit tekuy tedeng.’ ”

Jirimaya 31:23

Yó udél yóm Dwata laen dù là gbeken du yóm Dwata yó kem tau Israél, monen, “Bè yóm bud kwitu kul semfulék yó kem tauhu, yó bud mon yó kem tau bè Juda ne bè yó kem syudaden, ‘Dwata he hol muyag du yóm kun bulul bè Jirusalim yóm hol kun gónó nô.’

Isaya 1:26

Angat wen he kem tau tedeng knawa le bud blayu kuy mò malak kuy ne mò hmau kuy, hol lómón yó kem tau gna tehe gel malak kuy. Ne ominen yó he angat bud taba le yóm syudad Jirusalim, Benwu Tedeng Knawa Kem Tauhen, ne Benwu Teneb Klolò Le ke Dwata.”

Deng Hegfan 21:27

Okóm là kóen gusek bè yó yóm là mólósen, duhen yóm tau gel mò yóm gónón hemyak knô, ne yóm tau gel mò kéng. Són olo gusek, són yó kem tau deng gsulat boluy le bè yóm bok lowil, duhen yóm kun bok yóm Ngà Ubiha.

Deng Hegfan 21:10

Tahu se. Lemwót bè yóm knóen béléu yóm Tulus Dwata, tódô niten ou etu bè yóm tey bulul geta. Ne toloken do Jirusalim, yóm benwu gónóhen nô Dwata, tódô htuntun gu bè Dwata bè longit.

Juwél 3:21

Angat gotu bnelesu yó kem dou tau deng hnatay yó kem hohon le. Là gbeku du ke là hnatayu kul yó kem tau tehe mò du bélê le. Ou se Dwata, angat nô bè Jirusalim lem blóng yó kem dou tau.”

Isaya 65:25

Yó kem ógóf lóbô lem bnes ne yó kem ngà ubiha, angat le tódô gotu segbót mken. Yó kem liyun, angat le baling mótób lómón safì. Ne yó kem ulal, laen dù bud knikoem bélê le ne. Bè yóm dou bulul Sayun yó, laen dù bud hemsidek tau bè yó ne laen kô dù bud sidek bè yó snéen.”

Isaya 60:14

Yó kem ngà logi yó kem tau tehe hemgnok kóm, angat le mógów ebéléem na le e heglaan béléem, yó se mò lan le hol hegfan du yóm kadat le kóm. Kdê yó kem tau tehe kemhisik kóm, angat tey keheglaan le béléem. Yó angat boluy le kóm, ‘Syudad Dwata.’ Sotu bud kboluy le kóm, ‘Sayun, syudad yóm kul Dwata yó kem tau Israél yóm Dwata laen dù belenen.’

Isaya 12:6

Yu kem tau menwu bè Sayun hol ye mensag dé, hol ye lemingón yakà teyen geta yóm Dwata yó kem tau Israél. Hol du se yóm Dwata laen kô dù belenen ne tódô henek nô lem blóng yó kem tauhen.” Là gomongen bè nili yóm tsaptér 13. Bè yóm tsapter ni htulón Dwata ke Isaya bè yó kem tau yóm angat kegbaen yóm benwu Babilun. Nélék Dwata yó kem tau Mid mò hemdeng gembà du. Laen dù kô kodu le ni kem tau ni. Monen bè bérs 19-22, “Babilun yóm benwu alì heklóón senta yó kem dumu benwu, angat gebà lómón yóm tehe benwu Sodom ne Gomora ne là buden gebtik. Balù hilu bud lugod sut, okóm yóm benwu Babilun laen kô dù tau bud menwu du. Balù yó kem tau menwu mógów là kô le móyô kmamfù du. Ne yó kem tau mentey ubiha là móyô le nô bè yó kifu. Yó kem ógóf lem bnes temles nô bè yóm syudad gbà yó. Deng eles lenidan ne yóm kdaw Babilun. Deng móyón kól ne yóm udas kegbaen.”

Isaya 11:9

Bè yóm bulul Sayun yó yóm kun bulul Dwata, là kô wen tonem fen hemsidek bè yó, tódô hono hyu kdéen. Bè klamang yóm benwu yó, laen kô dù tau tonem là temngón ke Dwata. Yóm ketngón le ke Dwata tódô lengeben yóm klamang benwu le, hol lómón yóm mohin tódô tfeng él. Là gomongen bè nili yóm bérs 10 kól bè 16. Yó htulón Dwata ke Isaya bè ni kem bérs ni, yóm kmoen bè yóm kdaw deng monen yó koni, yóm gotu bud kógów yóm kdéen but tau talak tonok ebè yóm ból tehe Dabid, duhen yó yóm Misaya, yakà teyen knóón yóm kun benwu. Yó monen bè bérs 11-13, “Bè yóm kdaw yó, ni se yóm gewuhen dulék bud kehfulék Dwata ebè benwu le yó kem tau dù tebel. Gotu bud sentifunen lu yó kem tau Juda deng sekla ebè són tonok. Ominen yó he tódô lana yóm ksélés nawa yó kem tau Israél ne yó kem tau Juda. Là bud le sfatay ne honon lu. Gotu senlomong le yóm kdê sendalù le,” ne gotu nundug le yó kem benwu lenwóten fi dmata kdaw kól desdef. Gotu nwa le kdê kem tonok bè yó kem tau bè Idom ne Muab ne Amun.

Isaya 1:21

Tehe yu ekni tey le teneb lemolò ke Dwata yó kem tau menwu bè Jirusalim. Okóm là ne ni, deng tey dê dwata kéng lolò le, hol le mkél bè yóm libun hdóyón. Yó kem tau tehe menwu bè yó hono kem tau tedeng knawa le. Okóm ni, són tau monok tebel du.

Kem Lingón 48:1

Tey geta yóm Dwata, knóón hol sendóyón bè yóm kun syudad yóm Dwata tekuy ta yóm kun bulul.

Isaya 8:18

Ni ou, mung do yó kem ngà deng blay Dwata do. Yóm klowil me hol lómón ke tulón gdek lem blóng yó kem tau Israél, yóm tulón hwit yóm Dwata laen dù là gbeken du, yóm Dwata myón bè yóm gónón kmamal bè bulul Sayun.

Isaya 32:16

Hono tedeng nmò yó kem tau bè klamang yóm benwu ye ne tedeng se yóm kukum nwit le.

Jirimaya 26:18

“Bè yóm kdaw tehe kogot Hisikaya yóm benwu Juda, wen sotu tugod Dwata boluyen Mika lemwót bè Murisit. Wen tulónen yó kem tau bè Juda, monen, ‘Ni se udél yóm Dwata laen dù là gbeken du, monen, yóm Bulul Sayun, angat dnadu le hol lómón kdadu le yóm tonok gónó le gel mò hulu. Ne yóm syudad Jirusalim, angat gotu gbà. Yóm tfusù bulul gónón mteg yóm Gónô Dwata nim kmoen ni, angat baling dlag.’

Danyél 9:16

Ó Dwata, lemwót bè yóm tey kehyu yóm tehe gel któbóngem kum, yó gónó me mni béléem anì béem bud lenbut ne yóm syudadem Jirusalim yóm kóm bulul. Lemwót bè yó kem salà me ne salà yó kem tehe fù me but gónó le alì hemnê yóm benwu Jirusalim ne yó kem tauhem yó kem tau menwu hmilol kum.

Mika 4:1

Bè yó kem hol són kdaw, angat tey tótól bè klamangen benwu yóm bulul gónón nô yóm Gónô Dwata. Bè yó gónó le tmaba Dwata yó kem tau bè klamangen benwu.

Sifanaya 3:13

Yó kem dù tau Israél tebel yó, là kô le mò sidek bè kem dumu le, là kô le mò kéng ne là kô le smukat. Tey menek klowil le ne menek ktungô le ne laen kô dù bud tau hmikò kul.”

Sikaraya 8:16

Okóm ni mò hol nmò ye, ke wen gel tulón ye bè kem dumu ye, són tulón ye yóm tahu. Bè gónô skukum, hol hentedeng ye kkukum ye anì menek nawa ye.

Sikaraya 8:19

“Yóm kfasting gel nmò ye bè gfaten bulón ne bè glimuhen bulón duhen ke bè ghituhen bulón ne bè gesfoloen bulón, là bud nmò ye du ne. Yóm gel kestifun ye bè kfasting ye yó ne bè klangag ye, angat baling kdaw kehligal ye mò kem bong kem tau bè Juda. Yó gónóm mon, henlom ye nawa yóm ktahuhen ne yóm gónón menek nawa ye.

Sikaraya 12:6

Bè yóm kdaw yó, yó kmou yó kem tau malak bè Juda hol lómón ke bala ofi nô lem luduk koyu ne lómón ke dilóf ofi mken lami. Gotu kenen kdéen benwu hmilol du. Okóm kul yó kem tau bè Jirusalim tódô le henek, laen kô dù hemen le.

Kem Lingón 2:6

Yó udélen ebélê le, “Ngem yóm tau deng kenbê ye mò mogot kuy, deng hyónu bè yóm dou bulul Sayun mò mogot benwu.”

Jirimaya 14:9

Moen de ke laen dù gmoem, lómón yóm sendalù là gbeken du tmóbóng? Uu se hol nô bélê me, Dwata, ne mi se yó kem kóm tau. Hol béem abay tódô bayà mi.”

Sikaraya 14:10

Yóm klamangen tonok lenwóten bè Giba fi bwak Juda efet kól bè Rimun fi leged Jirusalim, angat gotu sendatalen. Okóm yóm syudad Jirusalim, sana kdaen bè yóm kun gónó mdà malù geta. Yó klamangen, lenwóten bè Tikeb Bindyamin efet kól ditu bè yóm tehe gna tikeb ne efet kól ditu bè Tikeb Sokok ne bud lenwóten bè Gónô Tahà Hananél efet kól ditu bè gónó le gel mò tifas grép bè gónô yóm tau hol geta.