Sikaraya 8:22 - Udél Dwata: Gna Kesfasad ne Lomi Kesfasad

²² Bè yó kem kdaw yó, tey dê kem tau lemwót bè yó kem tólóng benwu alì mbegel, mógów ebè Jirusalim na le e nebel yóm Dwata laen dù là gbeken du, anì nuyagen lu.

Sikaraya 8:22 Referans Kwoze

Sikaraya 8:21

Yó angat udél yó kem tau lem yóm sotu syudad ebè yó kem dumu tau bè yóm dumu syudad, angat mon le, ‘Mógów tekuy ebè Jirusalim na tekuy mni bè Dwata anì tnóbóngen tekuy. Hnebel tekuy yóm Dwata laen dù là gbeken du.’

Deng Hegfan 21:24

Yóm kun layag yóm syudad yó, gotu hlayagen yó kem tau bè klamangen benwu. Ne kdéen tau hol geta bè klamangen benwu, gotu nit le elemen yóm kul kendengen mò blay le du.

Deng Hegfan 15:4

Uu se yóm kum gónó mogot, laen kô dù tau ke là knikò le kóm, duhen ke là dóyón le kóm. Tek sónen uu yóm laen dù belenen. Angat le gotu mógów ebéléem yó kem tau bè klamangen benwu na le e dóyón uu, abay se deng gotu gfan bè kdéen tau ne yóm tey ktedengen yóm kóm nmò.”

Isaya 25:7

Ne angat tódô gotu heknasen yóm klangag lemobun eta yóm kdê tauhen bè klamangen benwu.

Glasya 3:8

Deng tehe eles tulón Dwata bè Sulaten ekni yóm angat ktedeng ktonen kul yó kem tau là Ju le lemwót bè yóm kehtahu le béléen. Deng tehe tulón Dwata ke Abraham se yóm Tulón Hyu yó, yó monen, “Hlanu béléem yóm angat któbóngu yóm kdéen tau bè klamangen benwu.”Ne tahu se, hentahu Abraham yóm tulón Dwata du yó, ne tey któbóng Dwata du lemwót bè yóm kehtahuhen. Dalang se nim kmoen ni, yóm kdéen tau hemtahu, tey któbóng Dwata kul lómón se yóm tehe któbóngen ke Abraham.

Hagay 2:7

Angat genbau kdéen dumu benwu. Ne yóm kdê kendengen le, gotu nit le ebè ni mò heklóón yóm dou Gónô. Angat tódô hnok kendengen lem yóm dou Gónô.

Mika 4:3

Ke wen gónó le seglius yó kem benwu lembang bè klamangen benwu, Dwata se angat kmukum kul. Lemwót bè yóm kkukumen kul, tódô mulék hsól le dadu yó kem sudeng le ne yó kem buyus le, ne kem bangkung le. Laen dù bud benwu sgida ne laen kô dù bud htolok sendalù.

Jirimaya 4:2

ne ke tek són bè dou boluy gónó ye hlan du ke wen safà ye ne ke nbut ye mò du yóm hyu, là mò ye kéng ne ndà ye yóm kukum tedeng, ke yó se nmò ye, yu se gónóhu hlan du yóm któbóngu yóm kdéen tau bè klamangen benwu ne angat le mógów ebéléu yó kem tau yó na le e dóyón yóm dou boluy.”

Isaya 55:5

Ne ni, bud yu angat tminok yó kem tólóng tau bè dumu benwu. Tehe là tngón le kuy, okóm ni ne tódô le kendel sut bélê ye anì gomong le bélê ye. Ou se yóm Dwata gónó ye mogot yu kem tau Israél yóm Dwata laen kô dù belenen. Angat gotu hdohou ni kem ni. Angat tey kadat le kuy yóm kdéen tau ne angat hegetahu yu.”

Isaya 2:2

Bè hulin kdaw, yóm bulul gónón mdà yóm dou Gónô alì bong muhen bè kdéen ne hol gónón kmulu yóm kdéen. Ne angat le gotu solo edu yó kem tau bè klamangen benwu.

Isaya 2:3

Ne yó angat mon le, “Lemwót tekuy ne mneged ebè yóm bulul Dwata, hlós tekuy ebè Gónô yóm Dwata yó kem tau Israél. Angat toloken tekuy yóm kun kóyô bélê tekuy ne angat lolò tekuy yó kem lan hloloen tekuy. Abay se yóm kun tolok Dwata, bè Jirusalim gónón lemwót. Bè yó gónón gel mudél ebè yó kem kun tau, bè yóm bulul gel boluy le du Sayun.”

Isaya 49:6

Bud mon Dwata mò dou, “Uu yóm mò tóbóng lówóhu, ni wen tey bong sigangu tahem mkay senta yóm gnan. Là són du yóm bud kulék kegeta yó kem dù tau Israél yóm hmou kóm, okóm nmou uu layag bè yóm kdéen tau bè klamangen benwu anì wen lan le gewà.”

Isaya 49:22

Yó udélen ebè yó kem tauhen yóm Dwata hol dandónen geta gónó le mogot, monen, “Olohu kmobil yó kem dumu benwu anì tódô nwit le lu mulék elem blóng ye yó kem ngà ye.

Kem Lingón 68:30

Nudélem yó kem benwu hohonem. Hol lómó kmò le, lómón yó kem ógóf lóbô nô lem teblow, ne hol lómón kmò le yó kem safì tudu mung bè yó kem ngà safì. Hol heglaanem yó kem tau bè dumu benwu wen gel hbayad le kum. Gotu senklahem lu yó kem tau bè yó kem benwu alì móyô mò gida.

Mika 4:2

Tey dê but tau angat mógów ebè yó, yó udél le, “Lemwót tekuy ne mneged eta yóm bulul Dwata, mógów tekuy etu bè Gónô yóm Dwata yó kem tau Israél. Bè yó gónón tmolok du tekuy yóm kun kóyô anì lolò tekuy yóm kun lan.” Abay se bè yó kem kdaw yó, lemwót bè Jirusalim yóm kun tolok Dwata ne yóm kun udél.

Sikaraya 14:16

Ne yó kem dù tau mowil bè yó kem benwu hmohon yóm benwu Jirusalim, angat le mneged ebè Jirusalim bè ket halay na le e tmaba ebè yóm Hol Geta, duhen yóm Dwata laen dù là gbeken du ne mung le bè yóm Kehligal bè Slung.Yóm benwu là mnegeden ebè Jirusalim ne là tmabahen ebè yóm Hol Geta duhen yóm Dwata laen dù là gbeken du, laen dù kulón ebè benwu le.