Sikaraya 8:21 - Udél Dwata: Gna Kesfasad ne Lomi Kesfasad

²¹ Yó angat udél yó kem tau lem yóm sotu syudad ebè yó kem dumu tau bè yóm dumu syudad, angat mon le, ‘Mógów tekuy ebè Jirusalim na tekuy mni bè Dwata anì tnóbóngen tekuy. Hnebel tekuy yóm Dwata laen dù là gbeken du.’

Sikaraya 8:21 Referans Kwoze

Sikaraya 7:2

Yó gónó Dwata bud mudél lanen wen kem tau dók yó kem tau bè Bétél ebè Gónô Dwata. Yó tau dók le, duhen le Sarisér ne Regim-mélék, mung kul yó kem tau le anì hegfi le bè Dwata.

Husiya 6:3

Tey hyu dé ke hol tngón tekuy Dwata. Henlel tekuy hloni ebéléen anì hol tngón tekuy. Ke yó nmò tekuy, angat dohò yóm kehegfanen bélê tekuy lómón kdohò kebtù mata kdaw ke hlafus ne lómón kdohò yóm kulón bè bulón mò hulu.”

Kem Lingón 103:22

Hol dóyón ye Dwata, yu kem deng dlimunen, balù kihu gónó ye nô bè klamangen yóm knamalen. Ne hol dóyónu Dwata se dou.

Sikaraya 8:22

Bè yó kem kdaw yó, tey dê kem tau lemwót bè yó kem tólóng benwu alì mbegel, mógów ebè Jirusalim na le e nebel yóm Dwata laen dù là gbeken du, anì nuyagen lu.

2 Tutul Israél 11:16

Bè klamang Israél, yóm tau hol nô bè nawahen lemolò ke Dwata yóm Dwata yó kem tau Israél, mung le bè yó kem sfu Libay ebè Jirusalim, bè yó gónó le demsù ebè Dwata yóm Dwata yó kem tehe fù le.

Isaya 2:3

Ne yó angat mon le, “Lemwót tekuy ne mneged ebè yóm bulul Dwata, hlós tekuy ebè Gónô yóm Dwata yó kem tau Israél. Angat toloken tekuy yóm kun kóyô bélê tekuy ne angat lolò tekuy yó kem lan hloloen tekuy. Abay se yóm kun tolok Dwata, bè Jirusalim gónón lemwót. Bè yó gónón gel mudél ebè yó kem kun tau, bè yóm bulul gel boluy le du Sayun.”

Jirimaya 31:6

Angat bud kól yóm kdawen angat bud tmaba yó kem tau mentey gu ta yó kem bulul lemnek bè Ifraim. Yó taba le, mon le, ‘Géhél ye ne mneged tekuy ebè Jirusalim, tmaba tekuy ebè yóm sana kut Dwata hol gónó mogot.’ ”

Kun Snulat Jan 1:37

Bè yóm kungol le du yó kem lewu gel lemolò ke Jan yóm monen yó koni, tódô le kendel mung huli ke Jisas.