Sikaraya 8:16 - Udél Dwata: Gna Kesfasad ne Lomi Kesfasad

¹⁶ Okóm ni mò hol nmò ye, ke wen gel tulón ye bè kem dumu ye, són tulón ye yóm tahu. Bè gónô skukum, hol hentedeng ye kkukum ye anì menek nawa ye.

Sikaraya 8:16 Referans Kwoze

Ifisus 4:25

Duhen yó, hol bê tekuy abay bud mò kéng sen. Tódô gel tulón tekuy yóm ktahuhen bè kem dumu tekuy hemtahu, abay se deng kuy ssotu bè kun lówó Krays.

Sikaraya 7:9

“Ni se udél yóm Dwata laen dù là gbeken du. Hol nwit ye yóm kukum tedeng. Hegfan ye yóm kkodu ye yó kem dumu ye.

Kem Lingón 15:2

Yó olo knóón, són yóm tau tendo mimón ke Dwata, ne laen dù belenen yóm gel nmoen, ne hono tahu yóm gel btang bè sumóngen, laen kô dù bool kestulónen,

Sikaraya 8:19

“Yóm kfasting gel nmò ye bè gfaten bulón ne bè glimuhen bulón duhen ke bè ghituhen bulón ne bè gesfoloen bulón, là bud nmò ye du ne. Yóm gel kestifun ye bè kfasting ye yó ne bè klangag ye, angat baling kdaw kehligal ye mò kem bong kem tau bè Juda. Yó gónóm mon, henlom ye nawa yóm ktahuhen ne yóm gónón menek nawa ye.

Isaya 9:7

Angat sónmoen tendo temnù yóm kfasangen mogot tau ne angat senflósen menek yóm benwu nogoten. Du se mò tles Dabid bè yóm tehe kogoten benwu. Yóm kmò kogoten tau angat hlanen bè yóm tey kukum tedeng nwiten. Ni se angat kmoen lemwót bè kbuten kól bè hol sónen. Hol nô bè nawa Dwata mò du yóm kdéen ni yóm Dwata laen dù là gbeken du. Là gomongen bè nili yóm bérs 8 kól bè 21. Yó tulónen bè ni, yóm htulón Dwata ke Isaya bè yó kem tau Israél menwu fi bwak ne ebè yó kem tau Israél menwu lem syudad Samarya yóm yê yó kem syudad bè benwu le. Yó mon Isaya bè bérs 13, “Kogol yóm kdê tafak ni, ewenem sana là kehegsel yó kem tau ne là kô le mulék ebè yóm Dwata laen dù là gbeken du.” Mom yó udél yó kem dù tebel, mon le, “Deng tey kegbà nim benwu tekuy, okóm bud hol hbegel tekuy hemdà du mkay senta yóm gnahen.” Yó balà Dwata du yóm alì keheklabak le yó, duhen yóm bud kehwiten du elem blóng le yó kem benwu hohon le mò gemlà kul. Monen bè bérs 14-16, “Tek olo sendawen gemlà du Dwata yó kem gel malak bè Israél ne yó kem tugod Dwata gel mò kéng. Yakà yó kem malak bè Israél yóm mit kul meglà yó kem tau.”

Kem Udél Hlalak Tehe Selumun 12:19

Laen kô dù tul sónen yóm udél tahu, okóm yóm udél kéng tek likóten.

Kem Udél Hlalak Tehe Selumun 12:17

Yóm tau gel mutóm yóm ktahuhen sal tahu ke wen tifuen, okóm yóm tau tmifù kéng smukat nmoen.

Deng Hegfan 21:8

Okóm yó kem tau likò lemolò do, ne yó kem tau là hemtahu le béléu, yó kem tau ssamuk honon lu, ne yó kem tau monok, ne yó kem tau mò samuk, ne yó kem tau smalig bè imò, ne yó kem tau hemtahu bè dwata kéng, ne kdéen tau mò kéng, angat le gógów elem lanaw ofi yóm kdê le, yóm ofi wen kbudahen tendo seflós dmilóf. Yóm lanaw ofi yó, yó se yóm mon le gewuhen dulék matay tau.”

1 Tisalunika 4:6

Kóyô Dwata ke là nulé ye du ni kem monu ni koni, anì laen dù gónó ye sgulé bè kem dumu ye. Deng tehe tulón me kuy se nim ni, ne deng tehe eles hetgama me kuy yóm ktafak yóm gónó tekuy mogot yó kem tau mò du.

Ifisus 4:17

Ni eles hetgamahu kuy hlanu bè boluy yóm gónó tekuy mogot. Bê ye abay bud nmò yóm kul gel nmò yó kem tau là tngón le ke Dwata. Yóm kul kehedem yó, laen kô gónón e kól.

Matyu 5:9

Tey kehyuhen bélê le kul yó kem tau ke hulung le semfyu kem dumu le, abay se angat bnoluy Dwata lu kem kun ngà.

Mika 6:8

Là kem tau, là kóen na a hligal du. Deng tulón Dwata tekuy yóm hyu béléen. Yó hol nóyóen bélê tekuy ke nmò tekuy yóm tedeng ne ke hol tekuy hulung kmodu ne ke hol tekuy heglaan béléen. Là gomongen bè nili yóm bérs 9 kól bè bérs 16. Yó tulónen bè ni kem bérs ni yóm gotu bud klista Dwata salà yó kem kun tau. Tey wen kendengen le mlan bè gel ksukat le dumu le tau. Gel le tmimbang lemugì ne là tódóen ke wen bentes le, gel gnaga nwa le kimu kem dumu le ne tey dê he dumu nmò le là hyuhen. Lemwót bè yóm nmò le yó, yó gónó Dwata eles tmulón du kul yóm angat ksulék keglaen kul dalang se yóm benwu le.

Amus 5:24

Okóm yó hol nóyóu bélê ye ke henlel ye mit du yóm kukum tedeng. Kehlingónu du yóm kehyuhen yóm kukum tedeng nwit ye yó, hol lómón yóm él tódô senflósen mlel.

Amus 5:15

Hol kenbê ye yóm sidek, ne hol henlom ye nawa yóm tedeng. Ne hol hentedeng ye kukum bè gónô skukum. Ngem, déke bud mulék kodu Dwata yó kem dù tauhen tolo mowil bè nim benwu ni, yóm Dwata laen dù là gbeken du.

Hlolò 19:11

Bê ye abay mnagaw. Bê ye abay smukat. Ne bê ye abay mò kéng.

Jirimaya 22:3

Ni se udél Dwata ebélê ye, monen, hol bê ye abay kmihu, nmò ye yóm tedeng. Tnóbóng ye yó kem tau deng wen hennagaw le bélê le. Lenwà ye yó kem tau hen-gnok lem hólól yó kem tau hemgnok kul. Tenflok ye ne yóm kmò ye sidek. Bê ye abay hensidek yó kem tólóng tau nô lem blóng ye kkólen bè yó kem ngà hikit ne yó kem libun bolu. Bê ye abay hnatay yó kem tau laen dù salà le.

Isikél 18:8

Ke wen hutóngen, là kô nan e hngà du. Gel hlayuk bè yóm là tedengen ne tedeng kkukumen kem dumun.

Sifanaya 3:13

Yó kem dù tau Israél tebel yó, là kô le mò sidek bè kem dumu le, là kô le mò kéng ne là kô le smukat. Tey menek klowil le ne menek ktungô le ne laen kô dù bud tau hmikò kul.”

Sikaraya 8:3

Ne ni bud udél Dwata, monen, Angate semfulék ebè Bulul Sayun, angate nô bè Jirusalim. Ominen yó angat taba le yóm Jirusalim, Syudad Teneb. Ne yó angat taba le yóm kun bulul yóm Dwata laen dù là gbeken du, Bulul Dwata.

Kem Lingón 34:15

Tendo gel knudung Dwata yó kem tau tedeng kmò le. Gel hnungolen yóm ktaba le ebéléen.