Sikaraya 8:13 - Udél Dwata: Gna Kesfasad ne Lomi Kesfasad

¹³ Ó kem tau bè Juda ne kem tau bè Israél, bè kton le kuy yó kem tau bè tólóng benwu, yu se yó kem tau deng henmulà Dwata. Okóm ni, là ne. Lenwau yu ne hlanu bélê ye yóm któbóngu yó kem dumu tau. Yó gónóm mon, bê ye abay hlikò, hol hgel ye nawa ye, henlel ye mò du yóm dou Gónô.

Sikaraya 8:13 Referans Kwoze

Sikaraya 8:9

Ni se bud udél yóm Dwata laen dù là gbeken du, monen, Hol ye hekgis mò nmò anì deng yóm dou Gónô. Deng hónô gungol ye udél le ebélê ye yó kem tugodu bè yóm tehe kmò ye yóm mò hembegel yóm dou Gónô.

Sifanaya 3:20

Bè yóm kdaw yó, angat sentifunu yu ne bud nitu yu semfulék ebè yóm sana kuy benwu. Htótólu yu bè klamang benwu talak tonok ne ya tey kdóyón le kuy bè yóm bud khuléku du ebélê ye yóm tey kehyu klowil ye. Angat hol kuy mata se mton du nim ni. Ou se Dwata nim mudél ni.”

Kem Lingón 72:17

Yake laen dù kmifót du boluy yóm tau hol geta bélê me, ne anì laen dù tul sónen yóm któtólen, lómón yóm klaen dù tul són yóm nóng kdaw. Yóm kdéen dumu benwu, yake gotu le mni bè Dwata anì tnóbóngen lu, lómón yóm gel któbóngen yóm tau hol geta bélê me.

1 Kurin 16:13

Hol ye tendo eles temgama. Hol hbegel ye kehtahu ye. Bê ye hegdolol nawa ye, hol ye setgel.

Jirimaya 29:18

Tahu se, wen gida hwitu elem blóng le ne hbelu yóm tey bitil bong ne wen tey des hgefetu ebélê le ne gotu senklahu lu bè klamang benwu. Ket benwu gónów e semkla kul, gotu henmulà le lu yó kem tau fun benwu ne senkbê le lu, lel le semdekà kul.

Hagay 2:19

Anien ke laen dù bud halay ye ne anien ke là deng le mungu yó kem grép ye ne yó kem koyu fig ye ne yó kem koyu ulib ye ne yó kem dumu koyu mungu ye, tódô lenwóten ni ne yóm któbóngu kuy.”

Danyél 9:11

Tódô kdê me tau Israél, là kô nimón me du yó kem hlauhem, deng mom knogol me lel me là móyô hmungol kóm. Yó gónóm mon, lemwót bè yóm deng kegsalà me béléem, deng gotu kokem eta me yóm tey tafak ne yóm kukum mget deng snulat bè Hlau Musis.

Jirimaya 24:9

Angat tey wen hlayam hwitu elem blóng le. Ne kdê yó kem dumu tau bè klamangen benwu, angat le gotu likò bè yóm kton le kul. Balù kihu benwu gónów e hógów kul, laen kô dù tau bud madat kul. Angat sendekà le lu ne senkbê le lu ne tendo henmulà le lu.

Tekang Kbuten 26:4

Angat hwenu bólem, lómón kwen le blotik bè longit. Angat gotu blayu kul yóm klamang yóm benwu Kanan ni. Ne angat mlan bélê le gónóhu tmóbóng yóm kdéen but tau bè klamangen benwu.

Jirimaya 42:18

Ni se udél yóm Dwata laen dù là gbeken du, yóm Dwata yó kem tau Israél, monen, ‘Deng koku eta yó kem tau bè Jirusalim yóm tey sidek kebutu kul. Hol lómón yó se angat bud nmou bélê ye ditu bè Idyip. Yó kem tau nô bè yó, angat baling kenhisik le yu, lel le hemmulà kuy lel le semlón kuy. Ne là kô bud ton ye du ne yóm kuy benwu.’

Kem Lingón 79:4

Deng hennê le mi yó kem tólóng benwu hmilol, knuli le mi, lel le semdekà kum.

Isikél 37:11

Yó bud udél Dwata ebéléu, monen, “Ó Tau Tonok, ni kem tiol nii hnigaden yóm kdéen tau Israél. Yó tendo gel mon le, ‘Yóm klowil tekuy yóm kmoen ni, hol lómón ke tiol deng legen, laen dù bud nefet nawa tekuy ne, ne laen dù bud gónón e kól yóm klowil tekuy elem hulin kdaw.’

Kem Lingón 44:16

lemwót bè yóm udél le tendo hemyak dou ne hemnê dou yó kem hohonu móyô meles dou.

Dwata 28:37

Yó kem tau nô bè yó kem benwu angat gónó Dwata e semkla kuy yó, tey sidek ketnga le bè yóm kton le du yóm tey gfà ye. Ne yó nmò le bélê ye, tey kehlowon le kuy ne tey kesedekà le kuy.

Glasya 3:14

Yó gónó Krays msok tekuy gu lem hatay mò gónón dohò yóm tehe fasad Dwata ke Abraham bè yóm khomong któbóngen yóm kdéen tau là Ju le. Yó gónóm mon, lemwót bè yóm kehtahu tekuy bè Krays gónó Dwata bemlay du tekuy yóm kun Tulus, yóm tehe fasaden tekuy.

Sikaraya 9:13

Yóm benwu Juda, lómón ke bohohu. Yó hanaku, duhen Israél ne yó sudengu, duhen Jirusalim. Lu se hesfatayu ebè yó kem tau Grik.”

Sikaraya 1:19

Snólóku yóm hógów Dwata gel stulón do, “Boluyen se yó du?” Bnalaen se ou, monen, “Yó kem hanga yó, hnigad le yó kem benwu alì mfasang fen semkla yó kem tau bè benwu Juda ne bè benwu Israél ne bè Jirusalim.”

Jirimaya 33:24

“Deng gungolem kô yóm gel mon yó kem dumu tau? Yó mon le, ‘Igò Dwata se deng mélék yó kem tau Juda ne yó kem tau Israél, mom tódô bayaen lu.’ Tey khisik le kul yó kem dou tau ne là bud dilô le kul sotu but benwu.

Jirimaya 26:6

ke henlós ye yóm là kimón ye, angat genbau yóm Gónóu ni hol lómón yóm tehe kegbau bè Silu, yóm benwu tehe gna gónó ye tmaba ebéléu. Ke deng ton yó kem dumu tau bè klamang benwu yóm angat kegbau yóm Jirusalim ne ke wen henmulà le, angat mon le, hol mkél bè Jirusalim he yóm ktafak Dwata kóm.’ ”

Mika 5:7

Ominen lemwót yó kem dù mowil bè yó kem tau Israél menwu lem blóng yó kem tólóng benwu, hol lómón kmò le ke amù hwit Dwata ebè yó kem dumu tau, duhen ke kulón mò hméfê bnes. Són Dwata snalig le, là kô le smalig bè tau.

Isaya 43:28

Ne yó kem tau gónó ye kmulu, mom nmò le yóm gónón là bud mólós yóm dou Gónô. Yó gónóm mon, deng genbau klowil le yó kem dou tau Israél. Tódô bayau lu ne yó kem dou tau bè yóm alì sidek kehyak le kul.”

Isikél 34:26

Tendo nuyagu lu yó kem dou tau ne suu lu hilol yóm dou bulul, bè yó gónóhu tmóbóng kul. Hkulónu elem benwu le bè yóm kdaw wen mu le du. Bud lómón yó se angat tendo kehkulónu du ebélê le yóm tóbóngu kul.

Hagay 2:5

Bè yóm tehe kehewà yó kem fù ye gu bè Idyip, tehe fasadu kul yóm tendo eles knóu bélê le. Senged se nim kmoen ni, elese tendo gel nô bélê ye. Yó gónóm mon, hol bê ye abay hlikò. Là buden legen ne yóm angat ksinsigu longit ne tonok ne mohin.

Sikaraya 8:15

Duhen ni, bê ye abay hlikò, deng hendemu ne yóm któbóngu yó kem tau bè Jirusalim ne yó kem tau bè Juda ne là kô bud tenlesu du hendemu.

Sikaraya 14:11

Ne bè Jirusalim angat gónó le henek nô yó kem tey tau wen ne laen kô dù bud gemlà kul ne.

Dwata 26:19

Ke yó se nmò ye, hegetahen yu senta yó kem dumu but tau deng nifilen ne tey kegdóyón yóm boluyen lemwót bélê ye. Yu se yó kem hol kun tau Dwata, lómón yóm deng fasaden kuy.”

Sifanaya 3:16

Bè yóm kdaw yó, yó angat mon le ebè yó kem tau nô bè Jirusalim, “Bê ye abay bud hlikò, kem tau bè Sayun ne bê ye abay hlingay.