Sikaraya 7:9 - Udél Dwata: Gna Kesfasad ne Lomi Kesfasad

⁹ “Ni se udél yóm Dwata laen dù là gbeken du. Hol nwit ye yóm kukum tedeng. Hegfan ye yóm kkodu ye yó kem dumu ye.

Sikaraya 7:9 Referans Kwoze

Mika 6:8

Là kem tau, là kóen na a hligal du. Deng tulón Dwata tekuy yóm hyu béléen. Yó hol nóyóen bélê tekuy ke nmò tekuy yóm tedeng ne ke hol tekuy hulung kmodu ne ke hol tekuy heglaan béléen. Là gomongen bè nili yóm bérs 9 kól bè bérs 16. Yó tulónen bè ni kem bérs ni yóm gotu bud klista Dwata salà yó kem kun tau. Tey wen kendengen le mlan bè gel ksukat le dumu le tau. Gel le tmimbang lemugì ne là tódóen ke wen bentes le, gel gnaga nwa le kimu kem dumu le ne tey dê he dumu nmò le là hyuhen. Lemwót bè yóm nmò le yó, yó gónó Dwata eles tmulón du kul yóm angat ksulék keglaen kul dalang se yóm benwu le.

Kem Udél Hlalak Tehe Selumun 21:3

Tey hyu nawa Dwata du yóm tedeng ne yóm là kkihu senta yóm gel dsù ebéléen.

Jirimaya 7:5

Són gónóhu kmodu kuy ke kó ye yóm sidek nô lem hendem ye ne yóm sidek gel nmò ye. Knoduhu yu ke tedeng nmò ye bè yó kem dumu ye tau.

Kun Snulat Jan 7:51

“Bè yóm hlau tekuy, là kô tódô kendel tnafak tekuy du yóm tau ke là na tekuy hlan du bè kukum anì hnungol tekuy udélen, ne anì tngón tekuy yóm deng nmoen.”

Kun Snulat Luk 11:42

Angat tey tafak ye yu kem Farisi. Balù yó kem som lemnaw ye, sana keblay ye ke Dwata yóm gesfoloen. Okóm deng mom knogol ye yóm ktedeng kmò bè kem dumu ye, ne yóm kbong nawa ye ke Dwata. Tey hyu se yóm gel keblay ye yóm gesfoloen, okóm bê ye abay mom knogol yó dum hol bong muhen.

Matyu 23:23

Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Balù yó kem som lemnaw ye, sana keblay ye ke Dwata yóm gesfoloen. Okóm deng mom knogol ye yó kem hlau bong muhen, duhen yóm hlau bè ktedeng kmò, ne bè keskodu, ne bè kessalig. Laen dù gónón sidek yóm keblay ye ke Dwata yóm kun ólól, okóm bê ye klifót yó dum hol bong muhen.

Sikaraya 7:7

Yóm udélu ebélê ye ni, bud ni se udél tehe htugodu yó kem gna tugodu ekni bè yóm kdaw tehe alì kwen tau sebwól bè Jirusalim ne bè yó kem benwu lemnek bè Juda. Dalang se bè Négéb ne bè yó kem but henfek bè Juda, hono kem benwu tehe tey wen tauhen.’ ”

Amus 5:24

Okóm yó hol nóyóu bélê ye ke henlel ye mit du yóm kukum tedeng. Kehlingónu du yóm kehyuhen yóm kukum tedeng nwit ye yó, hol lómón yóm él tódô senflósen mlel.

Jirimaya 7:23

Okóm yó hol hlolou kul, monu mò kul, ‘Hol nimón ye ou anì ou se mò kuy Dwata ne yu se mò dou tau. Hol lolò ye yóm deng monu mò kuy anì hyu kógów klowil ye.’

Hlolò 19:15

Ke wen knukum ye, hol nfi ye yóm tahu ne yóm tedeng. Bê ye nfi yóm tau élél ke là tahuhen yóm ndaen. Ne bê ye abay nfi se yóm tau wen boluyen ke là tahuhen se yóm kun ndà.

Kun Snulat Jan 7:24

Bê ye tódô kendel hendeng kun kmò yóm sotu tau ke là deng hol hennagì ye du. Na ye hol hnénég dé yóm kmoen anì tedeng kmò kehedem ye du.”

2 Samwél 9:7

Okóm yó udél Dabid ebéléen, monen, “Hol béi abay hlikò. Yó gónóhu hangay kóm anì wen lanu hegfan du béléem yóm kehyu kmò lemwót bè yóm deng tehe fasadu ke maem Junatan. Bud huléku ebéléem yóm kdê tonok tehe nfun téméem Sol, ne tódói nô béléu bè ni bè gónô bongu.”

Job 6:14

Bè nim tey gbunuu ni tey hyu ke wen kem weu hemyu nawaw, okóm kuy mom dnelem ye o. Bè nim nmò ye béléu ni laen kô dù klikò ye ke Dwata yóm Dwata alì gembek.

Jirimaya 22:3

Ni se udél Dwata ebélê ye, monen, hol bê ye abay kmihu, nmò ye yóm tedeng. Tnóbóng ye yó kem tau deng wen hennagaw le bélê le. Lenwà ye yó kem tau hen-gnok lem hólól yó kem tau hemgnok kul. Tenflok ye ne yóm kmò ye sidek. Bê ye abay hensidek yó kem tólóng tau nô lem blóng ye kkólen bè yó kem ngà hikit ne yó kem libun bolu. Bê ye abay hnatay yó kem tau laen dù salà le.

Isikél 18:8

Ke wen hutóngen, là kô nan e hngà du. Gel hlayuk bè yóm là tedengen ne tedeng kkukumen kem dumun.

Sikaraya 7:8

Yó bud udél Dwata ebè Sikaraya, monen,

Job 31:20

sal gel dóyón le o bè yóm nes gel blayu kul, yóm nes mfól lemwót bè bul yó kem dou ubiha anì là bud le tnaw.