Sikaraya 7:7 - Udél Dwata: Gna Kesfasad ne Lomi Kesfasad

⁷ Yóm udélu ebélê ye ni, bud ni se udél tehe htugodu yó kem gna tugodu ekni bè yóm kdaw tehe alì kwen tau sebwól bè Jirusalim ne bè yó kem benwu lemnek bè Juda. Dalang se bè Négéb ne bè yó kem but henfek bè Juda, hono kem benwu tehe tey wen tauhen.’ ”

Sikaraya 7:7 Referans Kwoze

Jirimaya 17:26

Kdê yó kem tau lemwót hmilol Jirusalim, lemwót le bè yó kem benwu bè Juda ne bè Bindyamin, tau lemwót bè yó kem but bulul fi desdef ne bè yó kem bulul lemnek ne bè Négéb, angat le gotu mógów ebè ni mit le yóm dsù hkekeb le ebéléu, dalang se yó kem dumu gel dsù le. Mit le halay mò blay le do ne wen insinsuhen ne yóm dsù gónó le dmóyón do, nwit le ebè ni bè yóm dou Gónô.

Jirimaya 32:44

Okóm bè yóm hulin kdaw, bè tonok Bindyamin ne bè ni bè Jirusalim ne bè yó kem benwu bè Juda ne bè yó kem benwu lemnek lem bulul ne bè yó kem but bulul bè Juda ne bè Négéb snéen, angat wen bud sebli tonok du nmò le gónó fema ne denket le ne wen kem gemtanud du. Yakà wen he kdawen bud kehguléku klowil yó kem dou tau. Ou se Dwata nim mudél ni.”

Jirimaya 7:23

Okóm yó hol hlolou kul, monu mò kul, ‘Hol nimón ye ou anì ou se mò kuy Dwata ne yu se mò dou tau. Hol lolò ye yóm deng monu mò kuy anì hyu kógów klowil ye.’

Jirimaya 7:5

Són gónóhu kmodu kuy ke kó ye yóm sidek nô lem hendem ye ne yóm sidek gel nmò ye. Knoduhu yu ke tedeng nmò ye bè yó kem dumu ye tau.

Jirimaya 33:13

Angat tey bud kwen le yó kem ógóf le bè yó kem benwu lem bulul ne bè yó kem benwu bè but henfek bè Juda ne bè Négéb ne bè yóm tonok Bindyamin ne bè yó kem benwu lemnek hmilol Jirusalim ne kdê yó kem benwu bè Juda, angat tey ógóf wen nô du. Ou se Dwata nim mudél ni.”

Jirimaya 22:21

Yóm hanà tolo kegenem kwasa deng wen eles hetgamahu kóm, okóm là kô dog hnungolem dou. Tódô nbuten bè kegenem hanà ngà deng kem sana yó ne yóm kóm kmò, là kói móyô hmungol.

Isaya 55:3

Ni hnungol ye ou kem dou tau, géhél ye edini béléu. Géhél ye ne anì wen klowil ye. Wen fasad nmou bélê ye, yóm fasad laen dù sónen. Yó fasadu kuy ni, blayu kuy yóm tóbóng tehe fasadu ke Dabid.

Dwata 34:3

Bud toloken du yóm fi leged yóm tonok angat nfun Juda ne yóm datal lemwót bè Sur efet kól bè Jiriku, yóm syudad gónón nô yó kem tey lefò wen.

Sikaraya 7:6

Ne ni kmoen ni bè yóm gel kehligal ye mken ne minum bè dou Gónô, ou kô hendem ye bè yóm kestifun ye yó? Là. Là kô ou du yóm hendem ye, són kuy knô.

Sikaraya 7:8

Yó bud udél Dwata ebè Sikaraya, monen,

Sikaraya 7:12

Yóm kehedem le, hol lómón kgelen botu anì là gungol le du yó kem hlau yóm Dwata laen dù là gbeken du, duhen yó kem dumu udélen hlanen bè Tulusen ebè yó kem tehe tugoden ekni. Yó se gónón alì lembut kul yóm Dwata laen dù là gbeken du.”