Sikaraya 7:5 - Udél Dwata: Gna Kesfasad ne Lomi Kesfasad

⁵ “Snólók ye yó kem dumu ye bè yó ne yó kem tau gel blóng ebéléu, mon ye mò kul, ‘Bè yóm hitu folò halay ye nô bè yóm benwu gónó le megef kuy, mò kmoen se yóm gel kfasting ye ne klangag ye bè yóm glimuhen bulón ne bud bè yóm ghituhen bulón, ou kô yóm gel hendem ye?

Sikaraya 7:5 Referans Kwoze

Sikaraya 1:12

Bè yóm kungolen du yóm tulón le du yó, yó nmoen mni bè Dwata, monen, “Ó Dwata, yóm Dwata laen dù là gbeken du, deng hitu folò halayen ni ne yóm tendo kebutem du yóm syudad Jirusalim ne yóm benwu Juda. Kegenen de yóm alì kebutem ni efet bud knoduhem lu?”

1 Kurin 10:31

Yó balau du yóm yó, nô kihu nmò tekuy, senged se bè kken tekuy duhen ke bè kinum tekuy, hol gel hlan tekuy bè yóm gónón megdóyón Dwata.

Sikaraya 7:6

Ne ni kmoen ni bè yóm gel kehligal ye mken ne minum bè dou Gónô, ou kô hendem ye bè yóm kestifun ye yó? Là. Là kô ou du yóm hendem ye, són kuy knô.

Sikaraya 7:3

Ne wen snólók le bè yó kem tau gel blóng ebè yóm sana Dwata laen dù là gbeken du ne bè yó kem tugod Dwata bè yó. Yó snólók le, “Tódô henlel me kô langag ne fasting bè yóm glimuhen bulón bud kehtulón du nawa yóm tehe kegbà yóm Gónô Dwata, lómón yóm deng gel nmò me lem yóm hilu halay?”

Kulasi 3:23

Balù kihu nmò ye, hol hotu ye nawa ye mò du, hol lómón ke bè gónó tekuy mogot yóm gónó ye mò du, là bè tau du.

2 Kurin 5:15

Du se matay bè kdéen tau anì yó, yóm kdê tekuy hanà tolo mowil, là kô bud lolò tekuy du ne yóm knóyô tekuy, són yóm kun knóyô Krays yóm lolò tekuy. Yakà bélê tekuy du gónón lemwót matay ne gónón bud mowil gu lem hatay.

Matyu 23:5

Tódô kdê yóm nmò le, són hnebel le yóm ksalù tau kul. Ngem dé kbongen yóm Udél Dwata snulat bkes bè uyó le ne bè sigel le, lel le tey htahà hlumfung bè kilil nes le.

Matyu 6:16

“Bè yóm gel kfasting ye,” mon Jisas, “bê ye dnalang yóm kul kmò yó kem tau hemtedeng knô. Là kô le hgifat anì dilô tau bélê le yóm kfasting le. Tódô tulónu kuy ktahuhen, deng gotu guta le ne kul ofol yó kem tau yó bè yóm kdóyón tau kul.

Matyu 6:5

Ke mni ye bè Dwata,” mon Jisas, “bê ye dnalang kul kmò yó kem tau hemtedeng knô. Tey le móyô mdà mni bè Dwata lem gónó le gel stifun ne gu bè kilil lan bè gónón wen anì ton tau lu. Tódô tulónu kuy ktahuhen, deng gotu guta le ne kul ofol yó kem tau yó bè yóm kdóyón tau kul.

Matyu 6:2

Duhen yó, ke wen blay ye bè yóm tau élél, bê ye abay hegfan lómón yóm kul gel nmò yó kem tau hemtedeng knô. Tey gel kehegfan le du bè gónó le gel stifun ne gu bè lan bè gónón wen. Yó gónó le gel mò du anì dóyón tau lu. Tódô tulónu kuy ktahuhen, deng gotu guta le ne kul ofol yó kem tau yó bè yóm kdóyón tau kul.

Sikaraya 8:19

“Yóm kfasting gel nmò ye bè gfaten bulón ne bè glimuhen bulón duhen ke bè ghituhen bulón ne bè gesfoloen bulón, là bud nmò ye du ne. Yóm gel kestifun ye bè kfasting ye yó ne bè klangag ye, angat baling kdaw kehligal ye mò kem bong kem tau bè Juda. Yó gónóm mon, henlom ye nawa yóm ktahuhen ne yóm gónón menek nawa ye.

Jirimaya 25:11

Yóm klamang yóm benwu yó gotu msulék gebà, laen dù bud menwu du. Yó kem tau Israél ne yó kem tau menwu hmilol kul, botong hitu folò halay le kegen le nô lem hólól yóm tau hol geta bè Babilun.

2 Bok Kem Tau Hol Geta 25:23

Deng wen kem kmandér bè yó kem sendalù Juda deng hebnos mung kul kem sendalù le. Tikóng gungol le yóm deng kéléken ke Gidalaya mò gubérnor bè Juda yóm tau hol geta bè Babilun, gotu le mógów ebè Gidalaya bè Mispa, mung kul yó kem tau nalak le. Yó boluy le Ismaél ngà Nitanaya, ne Juhanan ngà Kariya, ne Siraya ngà Tanhumét yóm tau lemwót bè Nitufa, ne Jasanaya ngà yóm sotu tau lemwót bè Maka, ne kdê yó kem tau nalak le, gotu mung kul.

Isaya 43:23

Là dog ye mit ebéléu yó kem ubiha hkekeb ye mò blay ye do. Là dog nadat ye do ke hlan ye bè yó kem dumu gel dsù ye. Là kô henblatu du nawa ye ke hol benlay ye o mò basa ye do. Laen kô gónó ye tmakas béléu ke lemwót bè tendo knihu bélê ye insinsu mò ntem ye ebéléu.

Isaya 58:3

Mom yó udél le yó kem tau yó, mon le, “Moen de ke fasting tekuy ke là se ton Dwata du? Moen de ke là mken tekuy ke là se kenmón Dwata du?” Yó balà Dwata kul, monen, “Bè hol ktahuhen, bè yóm udas ye fasting, kulel kmò ye du yóm gónó ye mebel filak ne wen sidek nmò ye bè yó kem tau mò nmò bélê ye.

Jirimaya 29:10

“Bè ktahuhen, na ye na hitu folò halay he nô bè Babilun. Kogolen bè yó, bud nwitu yu semfulék ne nmou bélê ye yó kem hyu deng fasadu kuy.

Jirimaya 52:12

Bè yóm gesfoloen syóm halay bud limu bulón bud sfolò kdaw deng kegen Nibukadnisar kmamal bè Babilun, gdek bè Jirusalim Nibusaradan, yóm kmandér bè yó kem sendalù Nibukadnisar.

Danyél 9:2

bè yóm tanay halay kogoten yó, ou se Danyél hemnagì du yóm udél Dwata deng hsulaten yó kem tugoden. Wen tonu bè yóm kun snulat Jirimaya yóm sotu tau tugod yóm sana kum Dwata hol gónó mogot. Yó tonu hitu folò halayen deng kegenen gbà yóm benwu Jirusalim.

Sikaraya 7:4

Ne yó udélen ebéléu yóm Dwata laen dù là gbeken du mò balà yóm snólók le yó koni, monen,

2 Bok Kem Tau Hol Geta 25:25

Okóm bè yóm ghituhen bulón bè yóm halay yó, mógów ebè Mispa Ismaél yóm ngà Nitanaya témê Ilisama, tbong tau hol geta se kun, ne wen sfolò tauhen mung du. Hnatay le Gidalaya, gomong hnatay le yóm kdê tau nô béléen, kem tau Juda ne kem tau Babilun.