Sikaraya 7:4 - Udél Dwata: Gna Kesfasad ne Lomi Kesfasad

⁴ Ne yó udélen ebéléu yóm Dwata laen dù là gbeken du mò balà yóm snólók le yó koni, monen,

Sikaraya 7:4 Referans Kwoze

Isaya 10:16

Yó angat nmò yóm Dwata laen dù là gbeken du, angat wen des hwiten ebè yó kem tau mabù tilob kken le mò tmafak kul. Hol lómón ke wen ofi senflós mken lem lówó le.

Sikaraya 7:3

Ne wen snólók le bè yó kem tau gel blóng ebè yóm sana Dwata laen dù là gbeken du ne bè yó kem tugod Dwata bè yó. Yó snólók le, “Tódô henlel me kô langag ne fasting bè yóm glimuhen bulón bud kehtulón du nawa yóm tehe kegbà yóm Gónô Dwata, lómón yóm deng gel nmò me lem yóm hilu halay?”

Sikaraya 7:5

“Snólók ye yó kem dumu ye bè yó ne yó kem tau gel blóng ebéléu, mon ye mò kul, ‘Bè yóm hitu folò halay ye nô bè yóm benwu gónó le megef kuy, mò kmoen se yóm gel kfasting ye ne klangag ye bè yóm glimuhen bulón ne bud bè yóm ghituhen bulón, ou kô yóm gel hendem ye?