Sikaraya 7:3 - Udél Dwata: Gna Kesfasad ne Lomi Kesfasad

³ Ne wen snólók le bè yó kem tau gel blóng ebè yóm sana Dwata laen dù là gbeken du ne bè yó kem tugod Dwata bè yó. Yó snólók le, “Tódô henlel me kô langag ne fasting bè yóm glimuhen bulón bud kehtulón du nawa yóm tehe kegbà yóm Gónô Dwata, lómón yóm deng gel nmò me lem yóm hilu halay?”

Sikaraya 7:3 Referans Kwoze

Sikaraya 8:19

“Yóm kfasting gel nmò ye bè gfaten bulón ne bè glimuhen bulón duhen ke bè ghituhen bulón ne bè gesfoloen bulón, là bud nmò ye du ne. Yóm gel kestifun ye bè kfasting ye yó ne bè klangag ye, angat baling kdaw kehligal ye mò kem bong kem tau bè Juda. Yó gónóm mon, henlom ye nawa yóm ktahuhen ne yóm gónón menek nawa ye.

Malakay 2:7

Yó kem tau gel blóng ebéléu, hyu ke hol tngón le yóm dou kóyô ne ke hol tolok le bè yó kem tau. Ke wen tau móyô temngón du yóm hlau Dwata bélê le gónón smólók, abay se lu hógów yóm Dwata laen dù là gbeken du.

1 Kurin 7:5

Yó gónóm mon, yu kem tau syehen, hol ye gel steneb stungô. Són yó dé gónó ye là stungô ke wen kdaw blay ye ke Dwata anì laen dù hmala kuy bè yóm kni ye béléen. Okóm eles sentngón ye gna, omin ye bud stungô kogolen. Ke ni se nmò ye, laen dù lan Seitan smindil kuy lemwót bè yóm là kegbek ye mafas nawa ye.

Matyu 9:15

Ne bnalà Jisas lu, bede hningónen, monen, “Ke wen mò ken, là gbek le du ke là gbót le mken yó kem tau hol bak mulu yóm igoen tolo nô bélê le yóm logi myehen. Okóm angat wen kdawen tódô kwa le du bélê le yóm logi myehen. Yó he kton ye kul fasting.”

Sikaraya 7:5

“Snólók ye yó kem dumu ye bè yó ne yó kem tau gel blóng ebéléu, mon ye mò kul, ‘Bè yóm hitu folò halay ye nô bè yóm benwu gónó le megef kuy, mò kmoen se yóm gel kfasting ye ne klangag ye bè yóm glimuhen bulón ne bud bè yóm ghituhen bulón, ou kô yóm gel hendem ye?

Hagay 2:11

monen, “Ni snólóku bè yó kem gel demsù ebéléu, monem mò kul.

Juwél 2:17

Yó kem tau gel blóng ebè Dwata, mdà le lem blóng yó kem tau ne yóm gónó demsù ebè Dwata igò le mkik. Yó hni le, mon le, “Ó Dwata, hol knoduhem mi yó kem tauhem. Béem nmò mi tau mò sendekà yó kem tólóng tau bè dumu benwu ke mon le, ‘Na, nô se Dwata le du? Déke là gbeken tmóbóng kul.’ ”

Husiya 4:6

Yó gónó le gotu meglà yó kem tauhu abay se là kô tngón le do. Kuy salà se yó yu kem tau gel blóng ebéléu, abay se deng mom yu kembê do. Duhen ni, kenbéu yu se kuy ke tô ye bud semblóng tau ebéléu. Lemwót bè yóm deng kekbê ye yó kem hlauhu kuy, angat bud kenbéu lu se do yó kem ngà ye.

Kehedem Tau Tmolok 3:4

Wen se kdaw mkik ne wen se kdaw kmuli. Wen se kdaw langag ne wen se kdaw madal.

Dwata 33:10

Angat lu fen tmolok yó kem kóm tau anì nimón le yó kem hlauhem kul. Bud lu snéen demsù bè yóm gónó gel demsù ebéléem.

Isra 3:10

Timbow deng gotu deng kmò le begelen yóm Gónô Dwata yó, lemwót yó kem tau gel blóng ebè Dwata lesek le yóm nes gel lesek le bè yóm keseblóng le tau ebè Dwata, mogot le féw ne mdà le bè yóm kul gónó mdà mféw. Lemwót se kul yó kem sfu Libay lemwót bè tbong Asaf, bud le mdà bè yó snéen, sendofì le yóm kul gel nuni. Tey kdóyón le ke Dwata, tódô lolò le yóm hlolò bè yóm tehe kun kdaw Dabid.

Sikaraya 7:4

Ne yó udélen ebéléu yóm Dwata laen dù là gbeken du mò balà yóm snólók le yó koni, monen,