Sikaraya 7:2 - Udél Dwata: Gna Kesfasad ne Lomi Kesfasad

² Yó gónó Dwata bud mudél lanen wen kem tau dók yó kem tau bè Bétél ebè Gónô Dwata. Yó tau dók le, duhen le Sarisér ne Regim-mélék, mung kul yó kem tau le anì hegfi le bè Dwata.

Sikaraya 7:2 Referans Kwoze

Sikaraya 8:21

Yó angat udél yó kem tau lem yóm sotu syudad ebè yó kem dumu tau bè yóm dumu syudad, angat mon le, ‘Mógów tekuy ebè Jirusalim na tekuy mni bè Dwata anì tnóbóngen tekuy. Hnebel tekuy yóm Dwata laen dù là gbeken du.’

Jirimaya 26:19

Bè yóm tehe kungol Hisikaya du dalang se yó kem tau bè Juda yóm tulón Mika kul yó, hnatay le kô Mika? Là gi. Deng le mom likò ke Dwata ne gotu kó le yó kem sidek deng gel nmò le, gotu le bud tmaba ebè Dwata ne hkodu le béléen yóm kdê le. Ne yó gónó Dwata là dmohò du yóm tô keglaen kul. Ne ni, ke hnatay tekuy Jirimaya ten-geed tekuy mit keglà bè kut knô.”

1 Bok Kem Tau Hol Geta 13:6

Yó mon yóm tau hol geta bè yóm tau Dwata, “Ni hkoduhe béléem, mnihi do bè yóm sana kóm Dwata hol gónó mogot anì bud mulék hyu nim sigelu.” Tahu se, mni bè Dwata yóm tau Dwata yó, ne mulék hyu se yóm sigel yóm tau hol geta yó.

1 Samwél 13:12

yó mon nawahu, ‘Angat nundug le o bè ni bè Gilgal yó kem Flistin yó lelu là deng mni tóbóng bè Dwata he do.’ Ne yó gónów tódô mubug knóu demsù ebè Dwata.”

Sikaraya 6:10

“Mógówi etu bè tu kem tau negef lomi kól gu bè Babilun, bè le Hilda ne bè Tubidya ne bè Jidaya, nô le bè gónô Jusaya ngà Sifanaya. Wen tey blówón bukay ne tahu blówón nwit le, basa hwit yó kem tau negef tolo tebel bè Babilun.

Isaya 60:7

Gotu nwit le ebéléem yó kem ubiha lemwót bè benwu Kidar ne Nibaot mò dsù ye ebè Dwata mò gónó ye hefligal du. Angat tey keheklóón Dwata du yóm Gónóen mkay senta yó hem gna kmoen du.

Isra 6:10

Yó gónóhu hmò du kuy nim ni anì gbek le demsù du bè yóm Dwata bè longit yó kem dsù hol nóyóen, anì yó homong hni le o bè yóm kul Dwata dalang se yó kem ngau logi anì nuyagen mi.

Kehewà 32:11

Okóm tey kehkodu Musis bè Dwata yóm hol gónón mogot, monen mò du, “Ó Dwata, moen du ke alì gedlug kebutem kul yó kem tauhem deng hewaem gu bè Idyip? Yóm kegewà le yó mlan bè yóm alì kegbekem ne tey kgisem.