Sikaraya 7:12 - Udél Dwata: Gna Kesfasad ne Lomi Kesfasad

¹² Yóm kehedem le, hol lómón kgelen botu anì là gungol le du yó kem hlau yóm Dwata laen dù là gbeken du, duhen yó kem dumu udélen hlanen bè Tulusen ebè yó kem tehe tugoden ekni. Yó se gónón alì lembut kul yóm Dwata laen dù là gbeken du.”

Sikaraya 7:12 Referans Kwoze

2 Tutul Israél 36:16

Okóm deng mom hennê le yó kem tugod Dwata yó kem tau, là kô hnungol le kul, mom knuli le lu, efet là bud gbek Dwata hembala nawan, ne laen kô dù bud lan le gewà bè yóm kebuten kul.

Kul Nmò 28:27

Abay se ni kem tau ni, là móyô le dmalang. Deng mom nseng le klingu le. Deng le mom hidong. Ke bê le nmò yóm yó, dilô le yóm gel ton le, ne glileb le lanen yóm gel gungol le, ngangen ne efet le semfulék ebéléu, mon Dwata, ne gotu le baling bud hyu.’ ”

Isikél 36:26

Angat wen lomi nawa blayu kuy ne suu bélê ye yóm óyô mò du yóm hyu. Kóhu bélê ye yóm nawa kembel, tlesu du yóm nawa gulit.

Kem Lingón 50:17

Yakà deng kenbê ye du yó kem dou hlolò kuy, ne là kô hnungol ye du yó kem dou udél ebélê ye.

Mark 4:12

‘Anien he ke gel ton le, là kô dilô le du. Baluen he ke gel gungol le, là kô glileb le du. Ke yó dum glileb le, kaem semfulék le ebè Dwata, ne hnifóten bélê le yó kem salà le.’”

Matyu 13:15

Abay se là móyô le dmalang ni kem tau ni, deng mom nseng le klingu le, deng le mom hidong. Ke bê le nmò yó dum yó, dilô le yóm gel ton le ne glileb le lanen yóm gel gungol le. Ngangen ne efet le mimón béléu,’ mon Dwata, ‘ne gotu hnifótu yó kem salà le.’

Isikél 2:4

Hono kem tau mgel kulu. Okóm hógówu uu ebélê le nam e tulón kul, monem, ‘Ni se udélen ebélê ye yóm sana Dwata hol dandónen geta.’

Isaya 6:10

Omin Dwata bud mon du mò do, “Yó kem tau alì mgel kulu le yó, henbalingem lu tau là hulungen hedem. Hol hbokongem lu, hol hbutóem lu anì là getnef le du lanen yóm ton le ne yóm gungol le. Abay se ke getnef le, déke beklil le ebéléu na le e hkó béléu salà le.”

2 Pitér 1:21

Abay se yóm tehe eles gel tulón le yó, là kóen lemwót bè kehedem tau, okóm bè Dwata gónóhen hol lemwót, yóm Tulusen fen hemlan du bélê le bè yóm kehtugod Dwata du kul.

Kun Snulat Luk 8:12

Yóm lan gónón e gdek yó kem dumu bnék sohulen, duhen yó kem tau hmungol yóm Udél Dwata, okóm tódô sut Seitan, mom nwahen bélê le yóm udél deng gungol le yó anì là dog le hemtahu, ne anì là gewà le lem salà le.

Sikaraya 7:7

Yóm udélu ebélê ye ni, bud ni se udél tehe htugodu yó kem gna tugodu ekni bè yóm kdaw tehe alì kwen tau sebwól bè Jirusalim ne bè yó kem benwu lemnek bè Juda. Dalang se bè Négéb ne bè yó kem but henfek bè Juda, hono kem benwu tehe tey wen tauhen.’ ”

Jirimaya 26:19

Bè yóm tehe kungol Hisikaya du dalang se yó kem tau bè Juda yóm tulón Mika kul yó, hnatay le kô Mika? Là gi. Deng le mom likò ke Dwata ne gotu kó le yó kem sidek deng gel nmò le, gotu le bud tmaba ebè Dwata ne hkodu le béléen yóm kdê le. Ne yó gónó Dwata là dmohò du yóm tô keglaen kul. Ne ni, ke hnatay tekuy Jirimaya ten-geed tekuy mit keglà bè kut knô.”

2 Tutul Israél 36:13

Sotuhen, mom natuen Nibukadnisar yóm tau hol geta bè Babilun, igoen tehe hsafà du hlanen bè boluy Dwata anì là smonolen. Tey mgel kuluhen nim Sidikaya ni, là kóen móyô semfulék ebè Dwata yóm sana kul Dwata hol gónó mogot yó kem tau Israél.

Isaya 46:12

Hol hnungol ye ou yu kem tau mgel kulu. Ofo kuy ke tolo mima he yóm kegmò ye bè yó kem hohon ye.

Kehewà 7:13

Bede ke Faro, sana tolo tey kgel kuluhen. Là kô nan e hnungol kul le Musis ne Aron, hol lómón yóm deng mon Dwata.

Jirimaya 7:20

Duhen ni, ni se udél yóm Dwata hol dandónen geta, monen, “Tódô koku eta nim benwu ni yóm tey lebutu. Koku eta yó kem dou tau ne eta yó kem ógóf le. Bud koku eta yó kem koyu ne eta yó kem hulu. Nim lebutu ni, hol lómón ke mkal dilóf ofi ne laen kô dù tau gembek hmatay du.”

Jirimaya 17:23

okóm là kô le hmungol ne là kô nimón le do. Tey mgel kulu le, là kô kenmón le du yóm hlolou kul ne là kô le medlà ke wen tafaku kul.

Jirimaya 42:21

Nim kemdaw ni deng gotu tulónu kuy se yóm hol udélen ebélê ye yóm sana kut Dwata hol gónó mogot, okóm là kô nimón ye du. Yóm là kimón ye nim kmoen ni, hol mkél bè yóm tehe gna là kimón ye.

Sikaraya 1:2

Yó mon Dwata mò du, “Ou se yóm Dwata tehe alì lembut yó kem tehe fù ye.