Sikaraya 7:10 - Udél Dwata: Gna Kesfasad ne Lomi Kesfasad

¹⁰ Bê ye abay hen-gnok yó kem libun bolu ne yó kem ngà hikit, dalang se yó kem tau milo elem blóng ye ne yó kem tau élél. Hol bê ye abay mò atul sidek ebè kem dumu ye.

Sikaraya 7:10 Referans Kwoze

1 Jan 3:15

Yóm tau ke tendo mutó nawahen kem dumuhen, lómón ke deng monok. Ne tódô tngón ye là kô gutahen du klowil laen dù sónen yóm tau monok.

Sulat Jim 5:4

Ngem yó kem sukéy tehe là hsut ye du bè yó kem tau mò nmò bélê ye, yó se yóm fen kmamo kuy bè Dwata. Hnungol ye dé yóm keslón le kuy yó kem tau mò nmò bélê ye. Deng gefet bè Dwata, yóm gónó mogot hol mfasang bè kdéen yóm ktaba le ebéléen.

Isaya 1:23

Yó kem tau malak kóm hono tau kmogol ke Dwata, swè le bè yó kem tau mnagaw. Sal gel henmóyô le yóm filak gel blay le kul mò wa nawa le dalang se yó kem dumu gel blay le kul. Ke wen senkukum le, là kô nfi le kul yó kem ngà hikit ne là kô hnungol le du ke wen klamo yó kem libun bolu.

Kem Lingón 72:4

Yake hol nfihen yó kem tau élél, ne tnóbóngen yó kem tau laen dù gónó le ma, anì laen dù gmò le bélê le yó kem tau hemgnok kul.

Kem Lingón 21:11

Baluen ke wen sidek atul le etahem, laen kô gónón e kól yóm atul le yó.

1 Kurin 6:10

Ne yó kem tau mnagaw, là kô le gmung bè yó kem tau nogot Dwata, ne yó kem tau seglom, ne yó kem tau gel hlengel, ne yó kem tau gel sidek kbak le ebè kem dumu le, ne yó kem tau tódô gel temsob ma.

Matyu 23:13

Bud mudél Jisas, monen, “Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Lómón ke deng mom kendadu ye yóm bak dól bè yóm kogot Dwata tau. Là se kô ye dog gusek kuy, ne deng mom henseng ye yó kem tau móyô mung.

Malakay 3:5

Yó udél yóm Dwata laen dù là gbeken du, monen, “Angate sut elem blóng ye naw e knukum yu. Ne henmung tenksiu yó kem tau demwata ne yó kem tau mdà yehen ne yó kem tau tmifù kéng ne yó kem tau là tedeng ksukéy le yó kem tau mò nmò bélê le, ne yó kem tau hen-gnok le yó kem libun bolu ne yó kem ngà hikit ne yó kem tólóng tau menwu lem blóng ye. Tenksiu yó kem tau mò du yóm yó abay se hono tau laen dù klikò le dou,” udél yóm Dwata laen dù là gbeken du.

Sikaraya 8:17

Bê ye abay mò atul sidek ebè kem dumu ye. Ne hol tenflok ye yóm gel smafà là tahuhen. Abay se ni kem kdéen ni, tey kekbéu du,” mon Dwata.

Amus 4:1

Ni mò hnungol ye, yu kem libun bè Samarya, kem libun alì mabù lómón tô safì alì metlomò bè benwu Basan. Yu se yó kem libun alì hemsidek yó kem tau wen gónó le élél ne hemgnok yó kem tau laen dù gónó le ma. Són yó nmò ye gel dók ye tuha logi ye, gel mon ye, “Budi mit ebélê me yóm mò ninum me.”

Jirimaya 18:18

Ne yó udél yó kem tau, mon le, “Yake mebel tekuy lan anì teflok yóm gel tulón Jirimaya. Laen kô dù mu tekuy du yóm gel tulónen. Deng wen kut tau blóng ebè Dwata nô bélê tekuy ne wen se kem kut tau temngón ne wen se kem kut tugod ebè Dwata nô bè ni. Laen kô mu tekuy du yóm toloken tekuy ne ke hnauhen tekuy ne ke tô wen tulónen tekuy. Mò tekuy tulón gbak etahen, bê tekuy abay kenmón yó kem gel monen.”

Kem Udél Hlalak Tehe Selumun 6:18

Gfaten yóm tendo hemdem matul mò sidek. Glimuhen yóm tendo módód mò sidek.

Kem Udél Hlalak Tehe Selumun 3:29

Béi mò atul sidek bè yóm dumuhem sebét, yakà uu du yóm snaligen.

Kem Lingón 140:2

yó kem tau sónmò le matul mò sidek lem hendem le, ne lenulus le kdaw tendo mò sidek.

Dwata 27:19

‘Hol tnafak Dwata yóm tau ke nongoen yó kem tau milo elem blóng le, ne yó kem ngà hikit, ne yó kem libun bolu.’ Ne kdéen tau gotu hem-el du, mon le, ‘Tahu yó.’

Kem Lingón 36:4

Là kô le gtungô ke kifu, són natul le yóm sidek bud nmò le. Laen kô dù hyu du yóm gel nmò le. Là kô knogol le du yóm sidek.

Jirimaya 7:6

Tenflok ye ne smukat yó kem tólóng tau nô lem blóng ye dalang se yó kem ngà hikit ne yó kem libun bolu. Tenflok ye ne hmatay kul yó kem tau laen dù salà le. Tenflok ye ne tmaba ebè yó kem dumu dwata, abay se yó yóm hemsidek knô ye.

Isikél 18:12

gel hen-gnoken yó kem tau élél ne là dog gel huléken yóm kimu sandà le béléen, gel tmaba ebè yó kem dwata kéng ne tendo gel slomong bélê le mò yóm gónó myak.