Sikaraya 6:5 - Udél Dwata: Gna Kesfasad ne Lomi Kesfasad

⁵ Bnalaen o, monen, “Lu se yóm fat kem lenos gu bè longit. Deng le mdà bè solu yóm Dwata mogot yóm klamangen benwu ne lemwót le bè yó mógów ebè klamangen benwu na le e nmò yóm hmò Dwata kul.

Sikaraya 6:5 Referans Kwoze

Deng Hegfan 7:1

Kogolen bè yó, tódô tonu fat bè yó kem gel hógów Dwata gu bè longit, mdà le bè fat sokok tonok. Yó nmò le, fen henseng le yóm kógów lenos anì là tagaden mbel e talak tonok na a talak mohin ne ebè yó kem koyu.

Hibru 1:14

Okóm kul yó kem gel hógówen, mò kmò le se kul du? Lu se yóm mtulus tóbóng lówó Dwata. Gel dóken lu mò fen tmóbóng yó kem tau angat gmuta du yóm klowil laen dù sónen.

Hibru 1:7

Ne yó fen udél Dwata gbak ebè yó kem gel hógówen, yó monen, “Yó kem gel hógówu gu bè longit, gbeku hembaling kul lenos duhen ke dilóf ofi.”

Isikél 37:9

Omin Dwata mon du mò do, “Ó Tau Tonok, mudéli ebè lenos, monem, ‘Ó lenos, ni se udél yóm sana Dwata hol dandónen geta. Mbel ye edini gu bè yóm fat kem gónó ye gu mbel ne ye e myuf ebè ni kem lówó deng matay nii anì bud le mowil.’ ”

Matyu 24:31

Ne angat tey uni féw bong gu bè longit mò ilô yóm kehewóten yó kem hógówen gu bè longit mò na a semtifun yóm kdéen tau deng nélék Dwata bè klamangen benwu.”

Sikaraya 4:14

Ominen mon du mò do, “Yó hnigaden nim ni, duhen yóm lewu kem tau deng nélék Dwata mò tóbóng lówóhen, yóm Dwata mogot yóm klamangen benwu.”

Danyél 7:10

Wen ofi tendo mlel bè soluhen lómón klel él. Botong hilu katihen yó kem gel hógówen nô bè yó ne là gsóhem du katihen yó kem tau mdà bè soluhen. Nbuten bè yó kmukum ne lennal le bè yó se yó kem bok.

Danyél 7:2

Bè yóm kifu yó wen hton Dwata béléu, ou se Danyél hol mton du yóm tey mohin bong ne yóm hol yéen lenos bong mbel gu bè yóm fat gónón gu mbel nan e sentbulù yóm tey mohin bong yó.

Isaya 54:5

Yóm Dwata tehe dmimun kóm, hol lómó kmoen ebéléem hol lómón ke du yóm tuha logihem. Yó kun boluy, duhen yóm Dwata laen dù là gbeken du. Angat lenwaen uu yóm Dwata yó kem tau Israél yóm laen dù belenen. Du se yóm hol kmamal yóm klamangen.

Kem Lingón 68:17

Kewót Dwata bè Bulul Sinay, mung du yó kem klitun tók là bud gsóhem du hilu libuhen, tódô hlós ebè yóm kun Gónô bè Bulul Sayun.

Job 1:6

Sotu kdaw bè yó, gotu le stifun bè solu Dwata yó kem hógówen nô bè longit ne mung bélê le bè yó Seitan.Snólók Dwata Seitan,

1 Bok Kem Tau Hol Geta 22:19

Omin Mikaya bud mon du, “Ni hol hnungol ye yóm udél Dwata. Tonu Dwata myón bè yóm gónón myón kmamal bè longit, mdà klohoken yóm kdê gel hógówen, wen se fi bè kwananen, ne wen se fi bè iwóngen.

Kun Snulat Luk 1:19

Ne bud mudél ebéléen yóm hógów Dwata, monen, “Ou se Gabrél. Gele mdà bè solu Dwata ne du yóm hógów do mò na a tmulón du kóm nim Tulón Hyu ni.

Matyu 18:10

“Hyu ke béen abay wen hen-gnok ye bè ni kem ngà nii. Tódô tulónu kuy, eles wen yó kem hógów Dwata tendo gel nô bè Mà bè longit fen gel semgyok kul.

Sikaraya 4:10

Hol bê ye abay senlón ke udì yóm ton ye mò buten, yakà hligal Dwata du bè yóm ktonen du yóm kbut kehdà ye du yóm kun Gónô, hligal bè yóm ktonen yóm tuntun nogot Sirubabél. Yóm hitu solok hnigaden yóm hitu mata Dwata, gotu tenngelen yóm klamangen.”

Kem Lingón 148:8

Senged se yóm ksilà ne bulók kulón ne kulón ne kem lobun, balù yóm tey lenos bong gel mimón du yóm dók Dwata, hol gel dóyón ye Dwata se kuy.

1 Bok Kem Tau Hol Geta 19:11

Yó mon Dwata mò du, “Hwai dé ne mdai bè soluhu ta bulul.” Ne igoen mdà bè yó Ilaydya, mius se Dwata, ne tódô sut se yóm tey lenos bong gónón mluy ne tbó yó kem botu. Okóm là kóen nô bè yóm lenos yó Dwata. Kogol yóm lenos, sut se yóm tey linol, okóm bud là nóen bè yóm linol yó Dwata.

Juswa 3:11

Ngem bè yóm kifal ye Él Jurdan eles tukô gna kuy yóm Slungan Fasad yóm Slungan yóm sana kuy Dwata hol gónó mogot mfun yóm klamangen.

Sikaraya 6:1

Ominu bud mkay ketngelu, tonu yóm fat klitun tók dyol kudà hewà lem blóng yóm lewu kem bulul hono tembaga futì.