Sikaraya 6:11 - Udél Dwata: Gna Kesfasad ne Lomi Kesfasad

¹¹ Nwahem yóm hwit le yó ne nmoem kuruna. Ominem smuub du bè kulu Jéswa yóm geta bè yó kem gel blóng ebè Dwata yóm Jéswa ngà Jihusadak.

Sikaraya 6:11 Referans Kwoze

Sikaraya 3:1

Omin yóm hógów Dwata gel stulón do hton du dou yóm geta bè yó kem gel blóng ebè Dwata boluyen Jéswa, mdà bè solu yóm hógów Dwata. Bè kwanan yóm hógów Dwata yó, mdà bè yó Seitan ne tey dê tifuen ke Jéswa.

Kem Lingón 21:3

Deng hnódóhem bè yóm kuléken, mung du yóm tey tóbóng, ne wen kuruna nmò le bè tahu blówón suubem bè kuluhen.

Deng Hegfan 19:12

Hol lómón ke dilóf ofi yóm lem matahen. Ne tey dê kuruna bè kuluhen. Ne wen boluy deng snulat bè lówóhen, okóm laen dù temngón du lanen yóm boluy yó, tek són du.

Sikaraya 3:5

Ominu mon du, “Ke yó dum hyu béléem, yake benlay ye yóm ulew là nusingen snéen.” Tahu se, ulew le du yóm là nusingen ne hesek le du yóm nes lomi yóm igoen mdà bè yó yóm hógów Dwata yó koni.

Hagay 1:1

Tehe yu ekni, wen tau hol geta kmamal bè Pérsya boluyen Daryus. Bè yóm hol tanay kdaw bè gnemen bulón bè yóm gewuhen halay kmamal bè yóm benwu yó, wen udél Dwata hlanen bè yóm sotu tugoden boluyen Hagay. Yóm udélen yó, hwiten ebè yóm gubérnor bè prubinsya Juda boluyen Sirubabél yóm ngà Syaltil logi ne ebè yóm geta bè yó kem gel demsù ebè Dwata boluyen Juswa ngà Jihusadak.

Hibru 2:9

Okóm deng ton tekuy Jisas. Bè yóm tehe knóen te tonok, hlun heglaan Dwata bè yó kem gel hógówen gu bè longit anì fen na a matay bè kdéen tau. Yó se mò lan Dwata tmóbóng kul. Okóm ni kmoen ni, deng ton tekuy yóm tey kehegeta Dwata du, ne yóm tey kadat le du lemwót bè yóm keglayamen bè yóm katayen bélê tekuy.

Hagay 1:14

Yó nmò Dwata, gotu gendufen kdéen tau anì mò le nmò bè Gónóen. Gendufen Sirubabél yóm gubérnor bè Juda ne Juswa yóm tau geta bè yó kem gel demsù ebè Dwata, dalang se yóm kdéen tau deng mulék gu bè Babilun. Tódô nbut le mò nmò bè yóm kun Gónô Dwata yóm Dwata laen dù là gbeken du, yóm Dwata hol kul gónó mogot.

Hagay 2:4

Okóm ni, béen abay sidek kegnóm ye du. Tódô henlel ye mò nmò, yakà tendohe eles nô bélê ye.

Isra 3:2

Lemwót Jéswa yóm ngà Jihusadak, mung du yó kem dumuhen blóng ebè Dwata ne Sirubabél yóm ngà Syatil, mung du yó kem kun dumu setwoli, gotu sentóbóng hdà le yóm gónó le gel demsù ebè yóm sana kul Dwata yó kem tau Israél. Yó gónó le mò du anì bud dsù le bè yó yóm dsù hkekeb le ebè Dwata, tódô lolò le yóm hlau tehe snulat Musis yóm tau Dwata.

Deng Hegfan 6:2

Tahu se. Wen kudà bukay tonu, ne wen tau smakay tahen kmulóng boho. Wen kuruna blay le du, ne ominen yó tódô lemwót mit sfatay bè yó kem hohonen, bede laen kô dù gmò le béléen.

2 Samwél 12:30

Nwa Dabid yóm kuruna nô bè kulu yóm kul dwata boluyen Molék. Yóm kuruna yó, nmò le gu bè tahu blówón, botong tlu folò limu kilu keblaten, ne wen kem botu sminang mebtes heklóón le du, ne sù le te kulu Dabid. Tey wen negef Dabid bè yóm syudad yó.

Sikaraya 6:14

Lemwót yóm kuruna yó, sù ye lem yóm Gónô Dwata mò gónó ye hemtulón kul nawa le Hilda ne Tubidya ne Jidaya ne Jusaya ngà Sifanaya, yó kem tau gónón gu lemwót.