Sikaraya 6:1 - Udél Dwata: Gna Kesfasad ne Lomi Kesfasad

¹ Ominu bud mkay ketngelu, tonu yóm fat klitun tók dyol kudà hewà lem blóng yóm lewu kem bulul hono tembaga futì.

Sikaraya 6:1 Referans Kwoze

Danyél 8:22

Yóm fat kem hangahen alì móntóng ktegen, yó kem tles mteg bè gónón tehe mteg yóm hanga bong deng tfok, hnigaden yóm kólólen bè fat yóm klamang benwu nogot yó kem tau Grik ne fat se tau hol geta mogot kul, okóm laen dù bélê le ke tô gemsenged yóm kun kfasang yóm hol gna tau hol geta mogot kul.

Ifisus 1:11

Bè kdéen nmò Dwata, sal lemwót bè kun kmò kehedem du ne bè kun katul du. Deng néléken tekuy mò kun tau hlanen bè yóm deng kessotu tekuy bè Krays, yakà yó du hol kóyóen bélê tekuy. Tódô lemwót bè hol kbuten kehedemen mò du ni kem ni.

Kul Nmò 4:28

Bè yóm kessatul le du yóm yó, Dwata, ne yóm kdê nmò le bè Jisas, yó se deng gónón dohò yóm deng tehe oluhem du, deng hlanem bè kóm kóyô ne kóm kfasang.

Sikaraya 6:5

Bnalaen o, monen, “Lu se yóm fat kem lenos gu bè longit. Deng le mdà bè solu yóm Dwata mogot yóm klamangen benwu ne lemwót le bè yó mógów ebè klamangen benwu na le e nmò yóm hmò Dwata kul.

Sikaraya 5:1

Bud nkayu bè yó ketngelu, tonu yóm klatas lenulun deng mból móyóng te kmawang.

Danyél 4:35

Kdê yó kem tau talak tonok, le hilu he yóm kul kegbek ke hesengedem bè yóm kun. Wen kegbeken mò du yóm kun kóyô lem blóng yó kem hógówen gu bè longit, dalang se bè kdê yó kem tau nô dini talak tonok. Laen dù gembek hemseng du ne laen kô dù mlos smólók du yóm kun nmò ke mon le, ‘Na, tedum nmoem ni du?’

Danyél 4:15

Okóm tebel ye bè tonok tuhoden ne hol benkes ye bala tók ne tembaga futì buten. Tódô bayà ye bè yó lem bnes anì sónmoen wos bè amù ne anì slomong bè yó kem ógóf lem bnes.

Isaya 43:13

Ou se yóm Dwata, laen dù sónen yóm keDwatahu. Laen dù tau gembek gewà lem kfasangu. Ne laen se dù gembek temles du yóm dou nmò.”

Kem Udél Hlalak Tehe Selumun 21:30

Là kóen lemyu senta Dwata yóm khulung tau hedem duhen yóm khulungen temnef ne khulungen hmau.

Kem Lingón 36:6

Yóm kóm ktedeng, hol lómón kbegelen yó kem bulul lembang. Yóm kukum tedeng nwitem, hol lómón kngelemen mohin. Tey gel kesgifaem kul, Dwata, yóm kdéen tau kkólen bè yóm kdéen ógóf.

Kem Lingón 33:11

Okóm yó kem kun gel atul Dwata, laen kô dù sónen. Ne laen kô dù sónen snéen yóm gel nmoen.

1 Samwél 2:8

Nkayen gu lem kfung yó kem tau élél, nwahen lu gu desenfól yó kem tau laen dù kwa le. Suen lu bè gónó le myón yó kem ngà tau hol geta, bè yóm gónó le myón yó kem tau nadat. Yakà ke Dwata du funen yó kem tud blóngón tonok ne tahen gónón hyón du yóm klamang benwu.

Ifisus 3:11

Yóm nmò Dwata yó, deng eles hendemen ne ekni lemwót bè hol tekang kbuten, ne tódô hlanen bè yóm gónó tekuy mogot Krays Jisas.

2 Bok Kem Tau Hol Geta 6:17

Omin Ilaysa mni bè Dwata, monen, “Ó Dwata, hol htonem bè yóm tau tóbóng lówóhu yó kem mofin kum.” Tahu se, hton Dwata du, ne tódô tonen se yó kem bulul hmilol kul deng tódô tfeng kudà ne klitun tók hono ofi.