Sikaraya 5:8 - Udél Dwata: Gna Kesfasad ne Lomi Kesfasad

⁸ Yó mon yóm hógów Dwata gel stulón do, “Yó boluyen yóm libun yó, Hono Salà.” Ominen tmulud du elem abì yóm libun yó ne ominen bud smefeng du.

Sikaraya 5:8 Referans Kwoze

1 Tisalunika 2:16

Bud lu se hemseng kum bè yóm gel ktolok me bè yó kem dumu tau là Ju le yóm lan le gewà gu lem hatay. Bè nim nmò le ni gónón deng tmakas Dwata. Ne ni, deng nô ta le ne yóm ktafaken kul.

Matyu 23:32

Yó ne, henfu ye yóm nmò tehe nbut yó kem tehe fù ye, yóm là deng gdeng le du.

Sikaraya 5:7

Yóm abì yó, wen tey tinggà blat sefengen ne bè yóm ktukéhen du yóm hógów Dwata yó, tonu yóm libun myón lemen.

Kem Udél Hlalak Tehe Selumun 5:22

Yóm tau gel mò sidek deng gfét lem salà ne. Yóm salaen henged fét mgen du.

Kem Lingón 38:4

Denge kmifus lem salà, ne là bud gbeku mbô du yóm alì ksidek keblaten.

Tekang Kbuten 15:16

Okóm yó kem sfuhem yó, yó he kulék le edini bè yóm benwu ni ke deng fat bud lugod le bè yó, abay se là tagad hdóhu kul he yó kem tau Amurayt menwu bè yóm benwu ni. Yó he kehdóhu kul ke sok deng gulé yóm sidek nmò le, ne là gbeku du ke là tnafaku kul.”

Amus 8:5

Gel hendem ye, “Hyu ke géhél deng yóm kestifun tekuy bè yóm lomi bulón ni anì géhél tekuy bud hembalù halay. Hyu ke géhél deng yóm Kdaw Kehegnô anì géhél tekuy bud hembalù. Omin tekuy hol hebtes du yóm hbalù tekuy ne gmantang tekuy bè yóm gantang kmulang ne tmimbang tekuy bè yóm timbang lemugì.