7 Yóm abì yó, wen tey tinggà blat sefengen ne bè yóm ktukéhen du yóm hógów Dwata yó, tonu yóm libun myón lemen.
Bud snólóku, “Boluyen yó du?” Bnalaen ou, monen, “Yó se abì. Ne tódô hnok lemen yó kem salà yóm kdéen tau bè klamang yóm benwu ni.”
Yó mon yóm hógów Dwata gel stulón do, “Yó boluyen yóm libun yó, Hono Salà.” Ominen tmulud du elem abì yóm libun yó ne ominen bud smefeng du.
Tahu se, ominen mudél yóm tau smakay kudà hulô mdà lem blóng yó kem koyu mirtol, monen, “Lu se yó kem dók Dwata mò na a hmalak temngel yóm klamang benwu.”