Sikaraya 5:6 - Udél Dwata: Gna Kesfasad ne Lomi Kesfasad

⁶ Bud snólóku, “Boluyen yó du?” Bnalaen ou, monen, “Yó se abì. Ne tódô hnok lemen yó kem salà yóm kdéen tau bè klamang yóm benwu ni.”

Sikaraya 5:6 Referans Kwoze

Amus 8:5

Gel hendem ye, “Hyu ke géhél deng yóm kestifun tekuy bè yóm lomi bulón ni anì géhél tekuy bud hembalù halay. Hyu ke géhél deng yóm Kdaw Kehegnô anì géhél tekuy bud hembalù. Omin tekuy hol hebtes du yóm hbalù tekuy ne gmantang tekuy bè yóm gantang kmulang ne tmimbang tekuy bè yóm timbang lemugì.

Hlolò 19:36

Timbangem yóm timbang là kmulangen ne yóm btes tahu btes. Ou se yóm sana kuy Dwata hol gónó mogot yóm deng mit kuy hewà gu bè Idyip.

Sikaraya 5:7

Yóm abì yó, wen tey tinggà blat sefengen ne bè yóm ktukéhen du yóm hógów Dwata yó, tonu yóm libun myón lemen.

Amus 8:4

Ni mò hol hnungol ye, yu kem tau gel hemgnok yó kem tau élél ne gembà klowil yó kem tau laen dù kwa le lem nim benwu ni.

Amus 8:6

Hebtes tekuy yóm halay wen bolen kafa. Nmò tekuy hesek yóm tau mutóng là gbeken mayad, yóm tau mutóng tek sbotù blówón bukay ne snilas.”

Sifanaya 1:9

Tahu se, angat tnafaku yóm kdéen tau deng lemolò du yóm kul gel lolò yó kem tau là deng temngón dou, kkólen bè yó kem tau gel mnagaw ne gel monok, gel hennok le yóm gónô amo le yóm gel hennagaw le.”