Sikaraya 5:11 - Udél Dwata: Gna Kesfasad ne Lomi Kesfasad

¹¹ Bnalaen ou, monen, “Nwit le ebè Babilun na le e hemdà béléen gónô ditu. Ke deng kehdà le du yóm gónóen, wen gónó le hemyón du bè yó lemen yóm abì yó ne bè yó hlós gónón nô.”

Sikaraya 5:11 Referans Kwoze

Tekang Kbuten 11:2

Tódô le menwu mógów lan le fi dmata kdaw efet le gefet bè yóm tey datal lamang bè Babilun, ne bè yó gónó le menwu.

Danyél 1:2

Yó nmò Dwata, blayen Jihuyakim elem hólól Nibukadnisar. Yóm kulék Nibukadnisar ebè Babilun wen nwiten bè yó kem kimu mebtes nô lem Gónô Dwata, kem kimu deng hetfing le ebè Dwata ne suen lem gónô yóm kun dwata hentahu bè Babilun, bè yóm gónó le gel hemyu yó kem alì mebtes.

Tekang Kbuten 14:1

Wen fat kem tau hol geta mogot benwu na a mit sgida bè yóm limu kem tau hol geta. Yó boluy yó kem fat tau hol geta yó, Amrafél yóm tau hol geta mogot yóm benwu Babilun, ne Ariyok yóm tau hol geta mogot benwu Ilasar, ne Sidurlamér yóm tau hol geta mogot benwu Ilam, ne Tidal yóm tau hol geta mogot benwu Guyim. Yó nmò le, na le e gnida yó kem limu dumu tau hol geta. Yó boluy le, Bira yóm tau hol geta mogot benwu Sodom, ne Birsa yóm tau hol geta mogot benwu Gomora, ne Sinab yóm tau hol geta mogot benwu Adma, ne Simébér yóm tau hol geta mogot benwu Sibuyim, ne yóm tau hol geta mogot benwu bè Bila, yóm benwu bud bnoluy le Sur.

Jirimaya 29:28

Deng wen sulat Jirimaya ebélê me kem tau negef bè Babilun, tulónen kum yóm na me kegen bè ni. Na me na hdà gónô bè ni kun, abay se na me legen bè ni, na me mulu yóm koyu mungu kun mò ken me hulin kdaw.’ ”

Kun Snulat Luk 21:24

Angat wen se bélê le matay bè bak sudeng. Ne wen se bélê le kenfô le mò nit le ebè yó kem dumu benwu mayuk. Ne angat tódô genlà le Jirusalim yó kem tau là Ju le efet kól bè yóm kdaw keteflok Dwata kul.”

Husiya 3:4

Yó hnigaden yóm udél Husiya ni, nahen hol legen he bè yó kem tau Israél yóm klaen dù tagad tau hol geta bélê le duhen ke ngà tau hol geta mò malak kul. Nahen hol legen he yóm klaen dù bélê le bud demsù ebè Dwata ne laen se dù bud botu hdà le mò gónó le tmaba ebè yó kem dwata kéng gel tnaba le. Laen se bud dù tau blóng ebè Dwata ne balù yó kem dwata lennged, laen dù bud tonem lem blóng le.

Dwata 28:59

angat tnafak Dwata yu dalang se yó kem ngà ye. Tafaken kuy yó kem des là mkóhen ne yó kem des alì leed mógów lem benwu.

Sikaraya 5:10

Ominu smólók yóm hógów Dwata gel stulón do, “Gónó le e mit du du tum abì tu koni?”