Sikaraya 4:7 - Udél Dwata: Gna Kesfasad ne Lomi Kesfasad

⁷ Baluen ke kbongen bulul he tô hemseng ke Sirubabél, botong sentunalu. Ominen yó, du hemsù du yóm hol són botu mò hdeng yóm dou Gónô ne yóm igoen mò du, angat le gotu mensag yó kem tau, yó tendo sensulit mon le, ‘Hol dóyón tekuy Dwata yóm deng kdeng yóm kun Gónô.’ ”

Sikaraya 4:7 Referans Kwoze

Sikaraya 4:9

“Kun tdok Sirubabél se tehe mbut mò du yóm mò hembegel yóm dou Gónô ne angat bud kun tdok snéen hemdeng du. Ke sok deng nim ni, bè yó gónó ye temngón du yóm hógów do ebélê ye, yóm Dwata laen dù là gbeken du.

Mika 4:1

Bè yó kem hol són kdaw, angat tey tótól bè klamangen benwu yóm bulul gónón nô yóm Gónô Dwata. Bè yó gónó le tmaba Dwata yó kem tau bè klamangen benwu.

Kem Lingón 118:22

Yóm botu tehe senkbê yó kem tau hdà gónô, ofo kul ke botu laen dù muhen, anì monem, hol botu bong muhen bè kdéen mò hembegel yóm gónô hdà le.

Kem Lingón 114:4

Yó kem bulul, gotu le hkak lómón ke hkak yó kem ubiha logi, dalang se yó kem bulul lemnek, gotu le hkak lómón ke hkak kem ngà ubiha.

1 Pitér 2:7

Yóm botu monen yó, alì bong muhen bélê ye, yu kem tau hemtahu. Okóm bè kem tau là hemtahuhen, wen monen bè Sulat Dwata, yó monen, “Wen botu deng senkbê yó kem tau hemdà gónô, ofo kul ke laen dù muhen. Igoen són yó yóm botu bong muhen bè kdéen.”

Kul Nmò 4:11

Du se yóm gónón e gbak yóm tehe mon Dwata bè sulaten, yóm monen, ‘Wen botu deng senkbê yó kem tau hemdà gónô, ofo kul ke laen dù muhen. Anì monem tek sónen yó se yóm botu mò hembegel du yóm gónô hdà le.’

Isaya 41:15

Yó angat kmou kuy, hol lómón ke yu yóm karas lomi alì telem nihihen. Gotu knaras ye yó kem bulul, gotu hensidek ye lu. Ngang ye mò kul efet le baling kfung.

Kem Lingón 114:6

Moen de, kem bulul, ke hkak ye lómón kem ubiha logi? Moen de kuy du, kem bulul lemnek, ke hkak ye lómón kem ngà ubiha?

Sulat Pol Ebè Yó Kem Tau Hemtahu Bè Rom 11:6

Tódô lemwót bè kun nawa Dwata gónón mélék kul, là kóen lemwót bè yóm kul gel nmò. Ke yó gónó Dwata mélék kul lemwót bè yóm gel nmò le, là kô gbek tekuy moluy du tóbóng yóm nmò Dwata yó.

Mika 1:4

Yó kem bulul gónón mlan yó, gotu le mnò laan tihen hol lómón ke tolu mnò lem ofi ne tódô molo ebè datal lómón ke él molo gu lem bulul.

Isaya 28:16

Ne ni se udél yóm Dwata hol dandónen geta gónó tekuy mogot, monen, “Wen yó kem botu alì mbegel mò gónón myón yóm beng deng suu bè Sayun mò hol hembegel du yóm Gónô angat hdau bè yó. Wen sotu botu suu bè yó mò hdengen ne wen snulatu du yóm monen, ‘Yóm tau mbegel kehtahuhen, hanayen nawahen.’

Deng Hegfan 16:20

Bè yóm linol bong yó, gotu le lana yó kem hungul te mohin ne yó kem kdéen bulul, là kô bud tonem kul.

Ifisus 2:20

Bè yóm deng kehtahu ye, lómón ke deng ye baling ngom bè yóm gónô hdà Dwata. Yó heheken yóm gónô yó, duhen yó kem aposol ne yó kem tehe tugoden. Bede yó hol tud blóngónen, duhen Krays Jisas.

Kun Snulat Luk 20:17

Ne tódô tenngel Jisas lu, ne monen mò kul, “Tedu kmò keglileb ye du kuy yóm tehe mon Dwata bè sulaten, yóm monen, ‘Wen botu deng senkbê yó kem tau hemdà gónô, ofo kul ke laen dù muhen. Anì monem, tek sónen yó se botu alì bong muhen mò hbegel yóm gónô hdà le.’

Kun Snulat Luk 3:5

Sendatal ye tu kem gónón lebsong, ne sentunal ye tu kem bululen. Hentedeng ye tu kem gónón kigù, ne sentódô ye tu kem gónón sebesuk.

Matyu 21:42

Omin Jisas bud mon du mò kul, “Tahu se yóm mon ye. Deng gesfala ye kô kuy yóm tehe mon Dwata bè Sulaten, ‘Wen botu deng senkbê yó kem tau hdà gónô, ofo kul ke laen dù muhen. Anì monem, yó se yóm hol tahu botu mò hembegel du yóm gónô hdà le. Yó se yóm deng nmò Dwata, ne tey kehtaw tekuy du yóm nmoen yó.’

Jirimaya 33:11

gungol ye tau hligal ne kmuli. Bud gungol ye se yóm udél le hligal yó kem tau syehen. Bud gungol ye se yóm kehligal le semngal yó kem tau bè yóm kógów le ebè yóm dou Gónô lan le mit du yóm gel dsù le ebéléu mò gónó le dmóyón do. Yó angat sngal le, mon le, ‘Hol dóyón tekuy yóm Dwata laen dù là gbeken du, abay se tey hyu kmoen. Laen kô dù nan e són yóm kbong nawahen tau.’ Yakà angat bud hen-guléku du nim benwu ni lómón yóm gnan,” mon Dwata.

Mark 12:10

Omin Jisas bud mon du mò kul, “Deng hónô senfala ye se yóm tehe monen bè Sulat Dwata, yóm monen, ‘Wen botu deng senkbê yó kem tau hemdà gónô, ofo kul ke laen dù muhen. Anì monem, yó se yóm hol tahu botu mò hembegel yóm gónô hdà le.

Matyu 21:21

Mon Jisas mò kul, “Tódô tulónu kuy ktahuhen, ke wen kehtahu ye, ne ke là megewu nawa ye, gbek ye snéen mò du yóm nmou bè nim koyu ni. Là sónen du yó gbek ye, gbek ye snéen tódô mdók nim bulul nii anì mdó bè ni, ne mili elem mohin, botong tódô nimónen yu.

Hbakuk 3:6

Ke htengen mdà, botong megsinsig tonok. Gotu le kenkel yó kem tau bè klamangen benwu bè yóm ketngelen ebélê le. Yó kem bulul là sekna gotu le bugal ne gotu le sdatal yó kem bulul lemnek. Okóm laen kô tul konolen yóm kfasangen.

Isra 3:10

Timbow deng gotu deng kmò le begelen yóm Gónô Dwata yó, lemwót yó kem tau gel blóng ebè Dwata lesek le yóm nes gel lesek le bè yóm keseblóng le tau ebè Dwata, mogot le féw ne mdà le bè yóm kul gónó mdà mféw. Lemwót se kul yó kem sfu Libay lemwót bè tbong Asaf, bud le mdà bè yó snéen, sendofì le yóm kul gel nuni. Tey kdóyón le ke Dwata, tódô lolò le yóm hlolò bè yóm tehe kun kdaw Dabid.

Kem Lingón 84:11

Dwata se yóm hol mofin tekuy. Du se yóm hol dandónen geta alì minggel kmoen. Tey któbóngen tekuy mlan bè yóm hyu gel nmoen bélê tekuy, ne bè yóm kadaten tekuy. Là kô nalihen du yóm hyu ebè yó kem tau mò du yóm tedeng.

Sikaraya 4:8

Ominen wen bud udél Dwata ebéléu hlanen bè yóm hógówen yó, monen,