Sikaraya 4:2 - Udél Dwata: Gna Kesfasad ne Lomi Kesfasad

² Bud snólóken o, “Tedu se tonem ni du?” Bnalau se, monu, “Yó tonu, sotu gónó hemyón solok hono tahu blówón, nô tahen yóm tukung bong gónó hemsù hnolo. Hilol kilil yóm tukung bong yó, wen hitu tukung lemnek myón du, bede hono solok ne ket solok wen hitu sumóngen mò gónón mlan sembwanen.

Sikaraya 4:2 Referans Kwoze

Deng Hegfan 4:5

Ne là skasen tendo smilà lemwót bè yóm bangkù gónón myón yóm fen kmamal, sen-gengen se lemungkul ne lemték. Ne wen hitu solok lómón tô solok lunay tonu tendo lemtom bè solu yóm gónón myón yóm fen kmamal. Yó hnigaden yóm hitu solok lemtom yó, duhen yóm hitu kay kfasang yóm Tulus Dwata.

Deng Hegfan 1:12

Ominu beklil bè yó naw e hnénég yóm le mudél ebéléu. Ne tódô tonu se yó kem hitu solok sedà, bede hono blówón.

Sikaraya 5:2

Bud snólóken o yóm hógów Dwata gel stulón do, “Tedu se tonem?” Bnalau se, monu, “Klatas lenulun deng mból móyóng te kmawang, dô syóm mitru ktahaen ne fat mitru sóól klamangen.”

Deng Hegfan 1:20

Wen hnigaden ni kem hitu blotik nogotu bè sigel kwananu ni, ne yó kem hitu solok blówón sedà ni. Yó hnigaden ni kem hitu blotik ni, duhen yó kem hitu gel malak yó kem tau hemtahu bè yó kem hitu simbahan monu yó koni. Ne yó hnigaden ni kem hitu solok blówón sedà ni, duhen yó kem tau hemtahu bè yó kem hitu simbahan yó.”

2 Tutul Israél 13:11

Ket hlafus ne kimel demsù le ebè Dwata yó kem dsù hkekeb le ne mtem ebéléen yóm insinsu tilob boohen. Lu fen hemsù yóm mambang ta yóm lemisa hono tahu blówón. Ne ket kifu le hemtom yó kem solok tahu blówón nô bè yóm gónó le hemsù kul. Tendo lolò me kum yóm hloloen kum yóm sana kum Dwata hol gónó mogot, okóm kuy fen knogol ye.

1 Tutul Israél 28:15

Tulónen ke Selumun snéen kbong yóm tahu blówón mò hmoen gónón myón solok mung du kem soloken hono tahu blówón, ne kbong yóm blówón bukay hmoen gónón myón solok bud mung du kem soloken hono tahu blówón. Ni kem solok ni, sal stólóng mu le du lem Gónô Dwata.

Kehedem Tau Tmolok 12:6

Tahu se, hol hentulónem nawa yóm Dwata tehe mifil kóm, bè yóm hanà tolo klomihem tau. Hol hendemem gu laanen là deng htó yóm kedina blówón bukay, ne là dengen btang yóm tukung tahu blówón nféten. Béem nangat ke deng btù yóm sakub él bè kokol, ne ke deng btù yóm lebwón gónóhem gel hemsù él.

Jirimaya 24:3

Yó udél Dwata ebéléu, monen, “Tedu se tonem du, Jirimaya?” Bnalau se monu, “Bungu fig. Wen se hyu mken du ne wen se là hyuhen.”

Amus 7:8

Ne snólók Dwata o, monen, “Amus, tedu se tonem?” Bnalau se, monu, “Tuntun.” Omin Dwata bud mon du mò do, “Ngem, nim tuntun ni mò lanu milô yó kem tauhu Israél. Ke là tedengen yóm ktonu kul, angat dohò yóm ktafaku kul.