Sikaraya 4:14 - Udél Dwata: Gna Kesfasad ne Lomi Kesfasad

¹⁴ Ominen mon du mò do, “Yó hnigaden nim ni, duhen yóm lewu kem tau deng nélék Dwata mò tóbóng lówóhen, yóm Dwata mogot yóm klamangen benwu.”

Sikaraya 4:14 Referans Kwoze

Deng Hegfan 11:4

Yó kem lewu tugod Dwata yó, lu se hnigad yóm lewu koyu boluyen ulib ne yóm lewu solok deng eles nô bè solu yóm gónó mogot deng kmamal yóm klamangen.

Kehewà 40:15

Ominen yó, tenwélem hnolo ta kulu le lómón yóm ketwélem ke mà le anì baling le mò blóng tau ebéléu se kul. Nim ketwélem kul ni mò ilô yóm klaen dù sónen yóm keseblóng yó kem lugod le ebéléu.”

Sikaraya 6:13

Tahu se, du se angat hemdà du yóm kun Gónô Dwata ne tey kadat le du lómón kadat le yóm tau hol geta ne nogoten yó kem tauhen lemwót bè yóm gónón myón kmamal. Ne lenwóten bè yóm gónón myón kmamal, bud du se mò blóng le ebè Dwata ne tey tilob kessogot yóm lewu nmoen yó.

Mika 4:13

Yó udél Dwata, monen, “Ó kem tau bè Jirusalim, htigel ye ne gotu knusu ye lu yó kem hohon ye. Yó nmou bélê ye, hekgisu yu lómón kekgis safì tudu hmanga bala tók ne kmasingen tembaga futì anì gbek ye lemusok mdà kul yó kem benwu hmohon kuy. Omin ye yó mit du ebéléu yóm kdê kendengen deng tehe negef le mò blay ye do, blay ye ebè yóm Dwata kmamal yóm klamangen benwu.”

1 Samwél 16:1

Yó udél Dwata ebè Samwél, monen, “Geblaen yó ne yóm klangagem ke Sol. Deng kóhu yóm kegetahen bè Israél. Okóm ni, nlemem hnolo ulib yóm hanga ógóf, mógówi etu bè Bitlihim bè yóm tau boluyen Jisi menwu bè yó. Yakà deng wen sotu néléku bè yó kem ngaen mò angat tau hol geta bè benwu ye.”

1 Samwél 10:1

Omin Samwél ma yóm ngà sobuy gónón nô hnolo ulib ne twélen ta kulu Sol, henmung neleken ne monen, “Yó gónów mò du béléem nim ni abay se deng nélék Dwata uu mò malak yó kem tauhen Israél. Uu se mò lemwà kul lem tdok yó kem hohon le menwu hmilol kul. Wen ilô tonem kedeng mò gónóm temngón du yóm deng kélék Dwata kóm mò malak yó kem tauhen.

Dwata 10:8

Bè yóm kdaw yó kélék Dwata yó kem sfu Libay mò fen mit yóm Slungan Fasad ne mò fen gel blóng tau ebéléen ne mò fen gel muyag yó kem tau hlan le bè kun boluy. Ne yó se yóm hlós kul nmò efet nim kmoen ni.

Kun Snulat Luk 1:19

Ne bud mudél ebéléen yóm hógów Dwata, monen, “Ou se Gabrél. Gele mdà bè solu Dwata ne du yóm hógów do mò na a tmulón du kóm nim Tulón Hyu ni.

Sikaraya 6:5

Bnalaen o, monen, “Lu se yóm fat kem lenos gu bè longit. Deng le mdà bè solu yóm Dwata mogot yóm klamangen benwu ne lemwót le bè yó mógów ebè klamangen benwu na le e nmò yóm hmò Dwata kul.

Isaya 54:5

Yóm Dwata tehe dmimun kóm, hol lómó kmoen ebéléem hol lómón ke du yóm tuha logihem. Yó kun boluy, duhen yóm Dwata laen dù là gbeken du. Angat lenwaen uu yóm Dwata yó kem tau Israél yóm laen dù belenen. Du se yóm hol kmamal yóm klamangen.

Isaya 5:1

Hol hnungol ye dé, naw lemingón bélê ye. Yó utóm yóm lingónu, yóm sotu weu ne yóm huluhen. Wen gónón mò hulu yóm weu yó bè yóm sotu ngà bulul udì gónón alì hyu tonok.

Kem Lingón 110:4

Deng wen safà Dwata, ne là kô nan e bud hulék du lem baken, monen, “Uu se mò blóng tau ebéléu kól bè laen kô dù tul sónen lómón yóm tehe keseblóng Mélkisédék tau ebéléu.”

Kem Lingón 89:20

duhen Dabid se yóm deng néléku yó, sotu tau tóbóng lówóhu. Deng hetwélu hnolo te kuluhen mò ilô yóm deng kéléku du.

Kem Lingón 2:6

Yó udélen ebélê le, “Ngem yóm tau deng kenbê ye mò mogot kuy, deng hyónu bè yóm dou bulul Sayun mò mogot benwu.”

1 Bok Kem Tau Hol Geta 17:1

Wen sotu tugod Dwata boluyen Ilaydya lemwót bè Tisbi yóm sotu benwu snakuf Gilyad. Sotu kdaw, yó monen mò ke Ahab, “Mlan bè boluy yóm Dwata là matayen yóm Dwata yó kem tau Israél, yóm Dwata gel hógów do, wen tulónu kóm. Nbuten ni, laen dù amù duhen ke kulón lem yóm hilu halay efet bud monu mò kóm.”

Juswa 3:13

Lemwót yó kem tau gel blóng ebè Dwata fen mit yóm Slungan Fasad yóm Slungan yóm sana Dwata hol gónó mogot mfun yóm klamangen, ke dà le lem él ti le tódô teflok lel yóm él yó ne tódô segbusung ditu fi leged.”

Juswa 3:11

Ngem bè yóm kifal ye Él Jurdan eles tukô gna kuy yóm Slungan Fasad yóm Slungan yóm sana kuy Dwata hol gónó mogot mfun yóm klamangen.