Sikaraya 3:9 - Udél Dwata: Gna Kesfasad ne Lomi Kesfasad

⁹ Ngem, Jéswa, wen botu suu bè soluhem ne wen hitu matahen. Angat wen udél hdanau tahen ne bè tek olo sotu kdaw angat gotu kóhu salà yóm kdéen tau lem yóm benwu ni, udél yóm Dwata laen dù là gbeken du.

Sikaraya 3:9 Referans Kwoze

Sikaraya 4:10

Hol bê ye abay senlón ke udì yóm ton ye mò buten, yakà hligal Dwata du bè yóm ktonen du yóm kbut kehdà ye du yóm kun Gónô, hligal bè yóm ktonen yóm tuntun nogot Sirubabél. Yóm hitu solok hnigaden yóm hitu mata Dwata, gotu tenngelen yóm klamangen.”

Deng Hegfan 5:6

Ominu yó mton yóm Ngà Ubiha mdà bè solu yóm myón bè yóm gónón myón kmamal, ne lem blóng yó kem fat mtulus, ne lem blóng yó kem tau tuha. Okóm bè yóm ktonu du, hol lómón ke deng wen tehe hmatay du. Wen hitu hangahen ne hitu se matahen. Yóm hitu yó, hnigaden yóm hitu kay kfasang yóm Tulus Dwata deng hógówen ebè klamang benwu.

Isaya 28:16

Ne ni se udél yóm Dwata hol dandónen geta gónó tekuy mogot, monen, “Wen yó kem botu alì mbegel mò gónón myón yóm beng deng suu bè Sayun mò hol hembegel du yóm Gónô angat hdau bè yó. Wen sotu botu suu bè yó mò hdengen ne wen snulatu du yóm monen, ‘Yóm tau mbegel kehtahuhen, hanayen nawahen.’

Kem Lingón 118:22

Yóm botu tehe senkbê yó kem tau hdà gónô, ofo kul ke botu laen dù muhen, anì monem, hol botu bong muhen bè kdéen mò hembegel yóm gónô hdà le.

Sulat Pol Ebè Yó Kem Tau Hemtahu Bè Rom 9:33

yóm tehe tulónen bè sulaten, yóm monen, “Ngem deng wen botu suu lem blóng le bè syudad Sayun. Yó se yóm botu geslob yó kem tau, ne hlós le glokob du. Okóm yóm tau hemtahu béléen, là kô wen gónón gsel du.”

Jirimaya 31:34

Là bud tnolok le kul ne yó kem dumu le sebét ne yó kem fes lówó le ke mon le, ‘Yake hol tngón ye Dwata.’ Abay se angat tódô kdê le temngón dou lenwóten bè leneken kkólen bè lebangen. Angat gotu hnifótu yó kem sidek deng nmò le ne là kô bud hendemu du ne.”

Hibru 7:27

Là kóen na a mkél bè yó kem dumu tau tehe gel blóng le ebè Dwata. Ke bélê le kul, sal gel wen dsù le ket kdaw. Tanay gónó le gel demsù bè yóm kul salà, omin le tmodol demsù bè salà yó kem dumu tau. Okóm là ke Jisas kun. Tek suléken demsù, bede yó dsuen, kun lówó. Yóm kun kedsù yó, laen kô bud seefen.

2 Timuti 2:19

Okóm yóm ktahuhen lemwót bè Dwata, là kóen na a monol. Wen deng hsulat Dwata, yó monen, “Tngón yóm gónó tekuy mogot yó kem kun tau.” Ne sotuhen, “Ke yó udél yóm sotu tau, ke monen, Tauhe yóm gónó tekuy mogot dou, yake hol hlayuk du sen yóm sidek.”

2 Kurin 1:22

ne deng blayen tekuy yóm Tulusen mò ilô yóm deng kfunen tekuy, ne mò ilô yóm angat kdohò kguta tekuy du yóm kdê deng eles hentifesen bélê tekuy.

1 Jan 2:2

Hol du se mò lanen yóm gónó Dwata hmifót du yó kem salà tekuy. Là sónen du yóm salà tekuy hnifóten, okóm hnifóten snéen yóm kentihen salà tau bè klamangen benwu.

2 Kurin 3:3

Nim sulat monu ni, mahil dmilô du ke Krays fen smulat du, ne olon heted du kum. Bede là kô lan tdok du, kaem Tulus Dwata mò du, yóm Dwata laen dù tul katayen. Ne là se kô snulaten du bè botu kufil, kaem lem hendem ye gónón smulat du.

Kul Nmò 4:11

Du se yóm gónón e gbak yóm tehe mon Dwata bè sulaten, yóm monen, ‘Wen botu deng senkbê yó kem tau hemdà gónô, ofo kul ke laen dù muhen. Anì monem tek sónen yó se yóm botu mò hembegel du yóm gónô hdà le.’

Kun Snulat Jan 6:27

Bê ye kat alì sen-galu yóm ken wen sónen. Yó dé hol sen-galu ye yóm ken gónó ye gmuta du yóm klowil laen dù sónen. Yóm ken monu ni, ni se yóm ken angat blayen kuy yóm Ngà Tau, abay se yóm Dwata, kun Mà, deng bemlay du béléen yóm kfasangen mò du.”

Kun Snulat Jan 1:29

Timbow hayahen bè yó, ton Jan Jisas mógów ebéléen. Bè yóm ktonen du, monen mò yó kem tau, “Ngem yó dé yóm Ngà Ubiha Dwata mò angat dsù Dwata mò mkó salà kdéen tau.

Sikaraya 13:1

Yó udél yóm Dwata laen dù là gbeken du, monen, “Bè yóm kdaw yó, angat wen sfut él mò gónó le molob yó kem sfu Dabid ne yó kem dumu tau bè Jirusalim, anì hol mkó bélê le kdê yó kem salà le ne yó kem dumu là mólósen bélê le.

Sikaraya 3:4

Duhen yó, yó udél yóm hógów Dwata ebè yó kem dumu mdà bè yó, monen, “Kó ye béléen yóm nes nusingen.” Ominen beklil ebè Jéswa ne monen mò du, “Ngem, deng kóhu béléem yó kem salaem ne ni blayu kóm yóm nes lomi là nusingen nii.”

2 Tutul Israél 16:9

Abay se yóm Dwata, tendo temngel etalak tonok, tenngelen yó kem tau tendo mimón du. Ungel bong yóm nmoem ni. Lenwóten ni ne sónmoen wen dumum sgida.”

Kem Lingón 103:12

Lómón klayuken dmata kdaw kól e desdef, yóm gónó Dwata e mbot yó kem salà tekuy.

1 Bok Kem Tau Hol Geta 1:20

Ne ni, gónóhu mogot, tódô kdê yó kem tau bè klamangen Israél gotu mangat du yóm ktulónem du kul ke tau du yóm mò temles kóm.