Sikaraya 3:7 - Udél Dwata: Gna Kesfasad ne Lomi Kesfasad

⁷ “Ni se udél yóm Dwata laen dù là gbeken du, monen, Ke hol nmoem yóm dou kóyô ne ke hol loloem yó kem hlolou kóm, benlayu u kwalis mò mogot yóm dou Gónô dalang se yó kem dumu nmò bè yó. Gbekem tódô mógów ebéléu lómón yóm gel nmò ni kem hógów Dwata mdà bè ni nii.

Sikaraya 3:7 Referans Kwoze

Tekang Kbuten 26:5

Yó gónón lemwót yóm któbóngu kóm, lemwót bè yóm tehe tendo kimónen dou yóm kóm mà ne yóm là kuléhen du yóm dou gel hlau du ne yóm dou gel hmò du.”

Matyu 19:28

Mon Jisas se mò kul, “Tódô tulónu kuy ktahuhen, ke deng kól yóm lomi benwu, ne ke deng bangen myón bè yóm gónóhen myón kmamal yóm Ngà Tau, wen snéen gónó ye myón kmamal bè yó, yu kem sfolò lewu gel lemolò do ni. Angat ye fen mogot kukum bè yó kem sfolò lewu bung tau semfu gu bè yóm tehe Israél.

Deng Hegfan 3:21

Yó kem tau gel matù bè yó kem sidek gel sut, angat wen kwalis blayu kul anì gemyón le klohoku bè yóm gónóhu myón kmamal yóm klamangen. Yóm katù le yó, hol lómón se yóm deng dou katù, ne kyónu klohok Mà bè yóm gónóhen myón kmamal se kun.

Kun Snulat Jan 14:2

Bè benwu Mà, tey dê gónô nô. Yó nógówu etu naw e hemtifes bélê ye gónó ye angat nô. Là kô tulónu du kuy nim ni ke là tahuhen.

Kun Snulat Luk 22:30

Ke deng kól bè yóm dou kogot tau, angat ye seyón dou mken, ne angat ye gotu mogot kukum bè yó kem sfolò lewu but tau semfu gu bè tehe fù tekuy Israél.”

Sikaraya 6:5

Bnalaen o, monen, “Lu se yóm fat kem lenos gu bè longit. Deng le mdà bè solu yóm Dwata mogot yóm klamangen benwu ne lemwót le bè yó mógów ebè klamangen benwu na le e nmò yóm hmò Dwata kul.

Sikaraya 4:14

Ominen mon du mò do, “Yó hnigaden nim ni, duhen yóm lewu kem tau deng nélék Dwata mò tóbóng lówóhen, yóm Dwata mogot yóm klamangen benwu.”

1 Bok Kem Tau Hol Geta 2:3

Hol nmoem yóm hmoen kóm yóm sana kóm Dwata hol gónó mogot, ne hol loloem yóm kun klan. Hol nimónem yóm kdê hlauhen, ne yóm kdê dumu hloloen yó kem tauhen, yóm deng snulat bè Hlau Musis anì yó, sal wen gónón e kól kdê yó kem gel nmoem, ne balù kihu gónóm e solu, sal wen gendengem.

Hlolò 10:3

Omin Musis mon du mò ke Aron, “Nim hegfà Dwata kul ni, ni se gónón e gbak yóm tehe udélen, yóm monen, ‘Angat hegfanu bè yó kem tau blóng ebéléu yóm tey klaen dù belenu. Ne angat wen klikò le do yó kem tau Israél.’ ” Okóm tódô neb Aron.

1 Bok Kem Tau Hol Geta 3:14

Ne ke loloem ou, ne ke nimónem yó kem hlauhu kóm lómón yóm kun tehe nmò Dabid, yóm maem, angat htahau klowilem.”

Sikaraya 3:6

Ominen wen udél tebelen bè Jéswa yóm hógów Dwata yó, monen,

Sikaraya 6:15

Bè yóm angat kehdà le yóm Gónô Dwata, tey dê tau lemwót bè benwu mayuk semtóbóng hemdà du. Ke deng dohò yóm ni, bè ni gónó ye temngón du yóm Dwata laen dù là gbeken du yóm hógów do ebélê ye. Ke hteneb ye mimón du yó kem hloloen kuy yóm sana kuy Dwata hol gónó mogot, angat gotu dohò ni kem ni.’ ”