Sikaraya 3:10 - Udél Dwata: Gna Kesfasad ne Lomi Kesfasad

¹⁰ Bè yóm kdaw yó, tódô sotu kun tminok ebè yóm kun dumu sebét na le e hligal, hnigal le yóm kenek kbenwu le ne yóm kehyu klowil le, udél yóm Dwata laen dù là gbeken du.”

Sikaraya 3:10 Referans Kwoze

1 Bok Kem Tau Hol Geta 4:25

Bè yóm klawi Selumun mogot benwu, tey menek kbenwu le yó kem tau bè Juda ne kem tau bè Israél. Lenwóten bè benwu Dan hol fi bwak efet kól etu bè Birsiba yóm benwu hol fi leged. Ket kmuleng wen mdengen gónó le nô ne gónó le mò hulu.

Mika 4:4

Tódô sotu kun htinof bè yóm kun gónó hmulu grép ne kun gónó mulu koyu fig ne laen kô dù bud knikò le. Ni se deng fasad yóm sana Dwata laen dù là gbeken du.

Sikaraya 2:11

Bè yóm kdaw kkólu, angat tey dê tólóng tau lemwót bè dumu benwu mung do ne baling le mò dou tau. Nóe lem blóng ye ne bè yó gónó ye temngón du yóm khógówen do yóm Dwata laen dù là gbeken du.

Husiya 2:18

Bè yóm kdaw yó angat wen senfasad me yó kem ógóf lóbô liwà lem bnes ne yó kem onuk koyu ne kdéen mowil manaf talak tonok anì là hensidek le kuy. Bè yóm kuy benwu yó, gotu kóhu bè yó, yó kem ngom sfatay, kdê yó kem sudeng ne kem hanak, abay se laen dù bud gida bè benwu ye, anì yó tódô ye henek laen dù hemen ye.

Isaya 36:16

Hol bê ye abay hnungol Hisikaya.’ Yó udélen ebélê ye yóm tau hol geta bè Asirya, hol ye géhél hewà gu lem yóm syudad ye na ye e heglaan béléen. Ke ni se nmò ye, angat bud gken ye he bungu yó kem grép ne yó kem bungu fig ye. Ne angat bud ginum ye yóm sana kuy él lemwót bè kuy kokol

Isaya 32:18

Yó kem tau Dwata, angat laen dù bud tnafa nawa le. Tódô menek lem yóm kul gónô nô, laen dù bang knikò le.

Jirimaya 32:15

Yakà yó udél yóm Dwata laen dù là gbeken du yóm Dwata yó kem tau Israél, monen, elem hulin kdaw bè nim benwu ni, angat wen sebli gónô ne sebli gónó mulu grép ne sebli tonok.”

1 Bok Kem Tau Hol Geta 5:5

Ne yó gónón hol nô bè nawaw hemdà du yóm Gónô Dwata mò mit du yóm kun boluy yóm sana do Dwata hol gónó mogot, lómón yóm deng hloloen ke mà, yakà deng mon Dwata du mò du, ‘Yóm ngaem logi mò tlesu kóm bè yóm gónóm myón kmamal, du fen hemdà du yóm dou Gónô mò mit du yóm dou boluy.’