Sikaraya 3:1 - Udél Dwata: Gna Kesfasad ne Lomi Kesfasad

¹ Omin yóm hógów Dwata gel stulón do hton du dou yóm geta bè yó kem gel blóng ebè Dwata boluyen Jéswa, mdà bè solu yóm hógów Dwata. Bè kwanan yóm hógów Dwata yó, mdà bè yó Seitan ne tey dê tifuen ke Jéswa.

Sikaraya 3:1 Referans Kwoze

1 Pitér 5:8

Bê kuy abay gel hlingay, hol ye eles htigel. Abay se wen Seitan yóm hohon ye, sónmoen mebel yóm tau mò hensideken, lómón yóm liyun, sónmoen mebel kenfóen mò nséken.

Kun Snulat Luk 22:31

Mon Jisas mò ke Pitér, “Hol ten-gamahem, Simun. Deng bal Seitan bè Dwata yóm angat ktilówen kuy. Hol lómó kmoen kuy, lómón kmusu halay.

Kem Lingón 109:6

Méléki sotu tau gel mò sidek mò hohonen. Mebeli sotu tau mò tmifù du bè kukum.

Kun Snulat Luk 21:36

Yó gónó ye eles hol temgama, ne bê ye senkó yóm tendo gel mni bè Dwata anì gbek ye hembala du yóm kdê tulónu kuy ni, ne angat laen kô dù gónó ye myak sok ye mdà bè solu yóm Ngà Tau.”

Malakay 3:1

Yó balaen kul yóm Dwata laen dù là gbeken du, monen, “Ngem, angat wen hógówu elem blóng ye mò eles hemtifes yóm angat lanu. Ominen yó tódô mekto sut elem yóm kun Gónô yóm tendo nangat ye, duhen yóm Dwata hol gónó mogot. Yóm hógówu tendo gel nangat ye yó, dohò sut se kun mò hetngón du kuy yóm deng senfasad tekuy.”

Hagay 1:1

Tehe yu ekni, wen tau hol geta kmamal bè Pérsya boluyen Daryus. Bè yóm hol tanay kdaw bè gnemen bulón bè yóm gewuhen halay kmamal bè yóm benwu yó, wen udél Dwata hlanen bè yóm sotu tugoden boluyen Hagay. Yóm udélen yó, hwiten ebè yóm gubérnor bè prubinsya Juda boluyen Sirubabél yóm ngà Syaltil logi ne ebè yóm geta bè yó kem gel demsù ebè Dwata boluyen Juswa ngà Jihusadak.

1 Tutul Israél 21:1

Wen sidek atul Seitan ne hsóhen lu ke Dabid yó kem tau Israél.

Sikaraya 6:11

Nwahem yóm hwit le yó ne nmoem kuruna. Ominem smuub du bè kulu Jéswa yóm geta bè yó kem gel blóng ebè Dwata yóm Jéswa ngà Jihusadak.

Sikaraya 3:8

Ni mò hol hnungolem, Jéswa, yóm geta bè yó kem tau gel blóng ebéléu, dalang se kuy kem dumu tau gel blóng ebéléu, hol hnungol ye. Yu se hmigad du yó kem hyu móyón sut. Móyón nwitu elem blóng ye yóm dou tóbóng lówó, yóm bnoluy Hanga.

Hagay 2:4

Okóm ni, béen abay sidek kegnóm ye du. Tódô henlel ye mò nmò, yakà tendohe eles nô bélê ye.

Hagay 1:12

Duhen yó, lemwót Sirubabél ne Juswa ne kdê yó kem tau deng mulék gu bè Babilun yóm benwu tehe megef kul, tódô gotu nimón le yóm dók Dwata kul. Tey klikò le, ne nimón le yóm udél Dwata ebélê le hlanen bè Hagay yóm tugoden.

2 Tutul Israél 29:11

Yó gónóm mon kem ngau sfu Libay, deng nélék Dwata yu mò mdà bè soluhen, ne mò du yóm hmoen kuy, ne mò malak yó kem tau bè ktaba le ebéléen ne bè yóm gel kedsù le ebéléen. Hol nmò ye yóm hmoen kuy.”

Tekang Kbuten 48:16

Yó hem hógów Dwata tehe gel lemwà dou bè yó kem gónón mgel hol tmóbóng kul. Hol mlan bè ni kem ngà ni gónóhen là lana yóm dou boluy ne boluy yóm téméu Abraham ne mau Isak. Dwata he hol hwen yó kem ngà le ne yó kem angat ból le.”

Sikaraya 2:3

Ominen tmagak dou yóm hógów Dwata gel stulón do, senlongen yóm sotu hógów Dwata mógów ebéléen

Sikaraya 1:19

Snólóku yóm hógów Dwata gel stulón do, “Boluyen se yó du?” Bnalaen se ou, monen, “Yó kem hanga yó, hnigad le yó kem benwu alì mfasang fen semkla yó kem tau bè benwu Juda ne bè benwu Israél ne bè Jirusalim.”

Sikaraya 1:13

Timbow deng knihen, ominen mudél ebè yóm hógów Dwata gel stulón do, hono yóm udél mò temgel nawahen.

Sikaraya 1:9

Ominu smólók yóm hógów Dwata gel stulón do, “Ó Sér, tedu nmò le yó kem kmudà yó?” Bnalaen se o, monen, “Toloku kóm.”

Jirimaya 15:19

Yó balà Dwata do bè nim ni, monen, “Ke hegseli, henmóyóu uu ne budi baling tóbóng lówóhu. Ke tulónem yó kem udél wen muhen bélê le, budi baling tau mò tugodu. Lemwót bè udélem ebélê le, uu se mit kul yó kem tau. Là hyuhen ke lu mit kóm.

Kem Lingón 106:23

Yó gónóm mon, tô genlà Dwata lu. Okóm kendel hsóól Musis yóm tau nélék Dwata. Hkodu Musis bè Dwata anì knogolen yóm alì kebuten kul, ne là genlaen kul.

1 Samwél 6:20

Yó udél yó kem tau bè Bit-sémés, mon le, “Tau du se gembek mdà bè solu Dwata yóm Dwata laen kô dù belenen ni? Gónó tekuy tô e hógów du yóm Slungan Dwata anì glayuk bélê tekuy?”

Dwata 18:15

Yó angat nmò Dwata bélê ye kuy, wen tugoden mò hógówen elem blóng ye lemwót bè kuy kwen ne hol skél yóm nmò me. Ke deng kól lem blóng ye yóm tugod Dwata yó, hol nimón ye.

Dwata 10:8

Bè yóm kdaw yó kélék Dwata yó kem sfu Libay mò fen mit yóm Slungan Fasad ne mò fen gel blóng tau ebéléen ne mò fen gel muyag yó kem tau hlan le bè kun boluy. Ne yó se yóm hlós kul nmò efet nim kmoen ni.

Tekang Kbuten 3:15

Hlós senfohonu yu yóm libun. Yóm kun lugod ne yóm kóm lugod sónmò le tendo sfohon. Ne wen bè kun lugod yóm libun angat lemuna kuluhem. Ne yóm kóm lugod, fen mékét bè tekeden.”

Sikaraya 4:14

Ominen mon du mò do, “Yó hnigaden nim ni, duhen yóm lewu kem tau deng nélék Dwata mò tóbóng lówóhen, yóm Dwata mogot yóm klamangen benwu.”