Sikaraya 2:9 - Udél Dwata: Gna Kesfasad ne Lomi Kesfasad

⁹ Ngem, deng tayalu eta le yóm dou henmù mò tmafak kul ne yó kem kimu le angat negef yó kem hesek le. Ke deng dohò yóm ni, yó he ketngón ye du deng duhen yóm Dwata laen dù là gbeken du, yóm deng hógów do.”

Sikaraya 2:9 Referans Kwoze

Isaya 19:16

Yó kem tau bè Idyip, angat kól yóm kdaw le lunog lómón klunog libun. Tódô setbol kkel le bè yóm tey klikò le bè yóm kegnóm le du, yóm deng kkuhay Dwata sigelen na a tmafak kul yóm Dwata laen dù là gbeken du.

Sikaraya 6:15

Bè yóm angat kehdà le yóm Gónô Dwata, tey dê tau lemwót bè benwu mayuk semtóbóng hemdà du. Ke deng dohò yóm ni, bè ni gónó ye temngón du yóm Dwata laen dù là gbeken du yóm hógów do ebélê ye. Ke hteneb ye mimón du yó kem hloloen kuy yóm sana kuy Dwata hol gónó mogot, angat gotu dohò ni kem ni.’ ”

Sikaraya 4:9

“Kun tdok Sirubabél se tehe mbut mò du yóm mò hembegel yóm dou Gónô ne angat bud kun tdok snéen hemdeng du. Ke sok deng nim ni, bè yó gónó ye temngón du yóm hógów do ebélê ye, yóm Dwata laen dù là gbeken du.

Isaya 14:2

Tey dê dumu benwu angat tmóbóng kul anì bud le gulék bè yóm benwu tehe blay Dwata kul. Ne bè yó, wen se kem dumu benwu angat baling ghesek bélê le. Ne angat tles negef yó kem tau Israél yó kem tau tehe megef kul. Ne angat tles nogot le yóm benwu tehe hemsidek kul.

Kun Snulat Jan 16:4

Eles tulónu kuy ni kem ni anì yó, là hentaw ye du ke sok sut yóm kdaw kmò le du bélê ye.” Bud mon Jisas, “Là kô deng tehe tulónu du kuy ni kem ni, abay se tolohe nô bélê ye.

Kun Snulat Jan 13:19

Eles tulónu kuy nim ni,” mon Jisas, “anì yó, ke sok dohò sut, hentahu ye ne yóm deng tulónu kuy gbak bè yóm dou ktau.

Sikaraya 2:8

Yó bud udél yóm hógów Dwata, monen, “Angat megdóyón bélê ye yóm Dwata laen dù là gbeken du, lemwót bè yóm khógówen do ebè tu kem benwu deng tehe megef kimu ye mò tmafak kul, abay se yóm tau deng hemsidek kuy, hol lómón ke deng hensideken yóm hol mebtes bè Dwata.

Sifanaya 2:9

Yó gónóm mon, lemwót bè yóm là katayu, yó gónón dohò yóm udél deng monu, Angat genlau yó kem tau Muab ne yó kem tau Amun, lómón yóm tehe tódô sulék keglau yó kem tau bè yóm benwu Sodom ne Gmura. Yó angat kmou yóm kul tonok ni kem tau genlau ni, angat tódô tfeng tahen bnes semnual ne angat baling hono sol gónó le ma kahì, tonok laen dù bud muhen kól bè laen dù tul sónen. Yó kem dou tau dù tebel, angat wen megef yó kem kimu le ne gotu nwa le yó kem tonok le.”

Hbakuk 2:17

Deng gotu nofok ye yó kem koyu dlag bè Libanun. Ne ni, bud yu tles nofok le. Ne yóm tehe gotu keglà ye yó kem ógóf lem bnes ne ni bud lu tles hmikò kuy. Ni se gfà ye lemwót bè yóm tey dê tau hnatay ye ne tey dê benwu genlà ye gomong yó kem syudaden ne yó kem tau nô lemen.

Hbakuk 2:8

Deng tey dê benwu nuku ye kimuhen. Okóm ni, yó kem tau dù mowil bè yó kem benwu yó, gotu bud nuku le yu se kuy lemwót bè yóm deng kbonok ye ne lemwót bè yóm deng keglà ye yó kem tau bè ket benwu ne deng gotu genbà ye yó kem syudad le snéen.

Isaya 33:1

Deng le gotu golu elem hatay ne yó kem hohon tekuy. Deng tey wen hennagaw le ne tey wen gel snukat le, balù yóm klaen dù tau deng mnagaw bélê le ne laen dù tau smukat kul. Okóm yóm knagaw le yó ne yóm gel ksukat le wen sónen. Ne bud wen se hennagaw le bélê le ne smukat kul.

Sikaraya 2:11

Bè yóm kdaw kkólu, angat tey dê tólóng tau lemwót bè dumu benwu mung do ne baling le mò dou tau. Nóe lem blóng ye ne bè yó gónó ye temngón du yóm khógówen do yóm Dwata laen dù là gbeken du.

Isaya 12:6

Yu kem tau menwu bè Sayun hol ye mensag dé, hol ye lemingón yakà teyen geta yóm Dwata yó kem tau Israél. Hol du se yóm Dwata laen kô dù belenen ne tódô henek nô lem blóng yó kem tauhen.” Là gomongen bè nili yóm tsaptér 13. Bè yóm tsapter ni htulón Dwata ke Isaya bè yó kem tau yóm angat kegbaen yóm benwu Babilun. Nélék Dwata yó kem tau Mid mò hemdeng gembà du. Laen dù kô kodu le ni kem tau ni. Monen bè bérs 19-22, “Babilun yóm benwu alì heklóón senta yó kem dumu benwu, angat gebà lómón yóm tehe benwu Sodom ne Gomora ne là buden gebtik. Balù hilu bud lugod sut, okóm yóm benwu Babilun laen kô dù tau bud menwu du. Balù yó kem tau menwu mógów là kô le móyô kmamfù du. Ne yó kem tau mentey ubiha là móyô le nô bè yó kifu. Yó kem ógóf lem bnes temles nô bè yóm syudad gbà yó. Deng eles lenidan ne yóm kdaw Babilun. Deng móyón kól ne yóm udas kegbaen.”

Isaya 26:1

Angat kól yóm kdaw klingón le du yó kem tau nô bè Juda yóm lingón ni, yóm monen, Tey mbegel yóm syudad tekuy, Dwata se kemlung du mò henged beng hilolen.

Isaya 33:21

Bè yóm kdaw yó, hegfan Dwata bélê tekuy yóm tey kegetahen. Ne nô tekuy bè kilil yóm tey él lamang ne laen dù kafal yó kem hohon tekuy bud gemlan bè yó.

Isaya 60:18

Là bud gungolem du ne, Jirusalim, uni tau sgida. Laen dù bud gembà kóm ne. Lómón ke ou yóm beng hilolem, tendo bnenteyu u ne tendo nofinu u. Angat tey kdóyónem dou lemwót bè yóm kehewau kóm gu lem tdok yó kem hohonem.

Isaya 60:19

Bè yóm kdaw kehewau kóm yó, laen dù bud muhem du ne yóm nóng kdaw duhen ke nóng bulón. Abay se ou yóm gónóhem mogot mò layagem laen dù tul sónen. Yóm alì keslinangu, yó se tódô seflós mnóng ebéléem.

Jirimaya 8:19

Hol hnungolem dé yóm kik yó kem tauhu, botong gefet bè klamang yóm benwu me. Yó mon le, “Deng tahu tebel Dwata kô Jirusalim? Là buden nô bè yó ne kô, igoen du yóm hol geta bélê le?” Yó balà Dwata kul, monen, “Moen de ke alì hebut le ou yó kem tauhu bè yóm gel ktaba le ebè yó kem dwata kéng, dwata laen dù muhen?”

Juwél 2:27

Bè yó ne gónó ye angat temngón du yóm tendo knóu bélê ye kem dou tau Israél, tek són ou yóm sana kuy Dwata hol gónó mogot. Laen dù bud gónó le myak ne yó kem dou tau elem hulin kdaw lómón yóm gfà le ni.”

Sifanaya 3:15

Deng nmò Dwata sónen ne yóm ktafaken kuy ne gotu lohen yó kem hohon ye. Tódô nô bélê ye ne Dwata yóm hol geta bè Israél ne laen kô bang bud knikò ye ne.”

Sikaraya 9:15

Fen kenlungen yó kem tauhen yóm Dwata laen dù là gbeken du ne gotu genlà le yó kem hohon le gel hmasut kul botu. Tey angat kehsag le bè yóm kesgida le lómón kehsag yó kem tau lengel. Gotu namà le litô yó kem hohon le, tódô molo lómón kolo litô yó kem ógóf gel dsù le, yóm gel snilung le mò twél le ta yóm gónó demsù.