Sikaraya 2:7 - Udél Dwata: Gna Kesfasad ne Lomi Kesfasad

⁷ Hgéhél ye gu dyo, semfulék ye ebè Jirusalim yu kem tau deng negef le bè Babilun.”

Sikaraya 2:7 Referans Kwoze

Isaya 48:20

Yó ne hewà ye gu bè Babilun, laen dù bud gónó ye gfét bè yó ne. Hol ye hligal mensag. Hol tulón ye bè klamangen yóm deng kehewà Dwata kuy kem kun tau Israél, kem tau tóbóng lówóhen.

Deng Hegfan 18:4

Ominu mungol yóm sotu mudél gu bè longit, monen, “Ó kem dou tau, mdó ye du ne yóm benwu yó. Hol bê ye abay gbót bè yó kem sidek nmoen anì là gomong ye bè yó kem glumfaken.

Kul Nmò 2:40

Tey dê he dumu tulón Pitér kul, ya tey kmonen du mò kul, monen, “Hol ye eles temgama anì laen dù kuy du yóm angat ktafak Dwata kul yó kem tau là hdon le.”

Isaya 52:11

Hol tebel ye ne yóm benwu Babilun, yu kem tau mulék ebè Jirusalim mit yó kem ngom bè Gónô Dwata. Béen wen dumu nogot ye yó kem kenbê Dwata. Hol ye hólós, omin ye yó lemwót.

Tekang Kbuten 19:17

Ominen wen sotu bè yó kem hógów Dwata mon du mò kul, “Hol ye hetlasik mlóy anì là matay ye. Hol bê ye abay temngel semfulék ne hol bê ye abay tlek hegsud bè yó bè datal. Géhél ye mlóy etu lem bulul anì là matay ye.”

Mika 4:10

Ó kem tau bè Jirusalim, hol ye mngawóy dé lómón yóm libun kmuleng blututen, abay se deng bang ktebel ye du ne yóm syudad ni, ditu gónó ye bud kmamfù bè yó kem lan. Angat negef le yu etu bè benwu Babilun. Okóm bè yó gónó Dwata bud lemwà kuy gu lem hólól yó kem hohon ye, ne bè yó bud gónón msok kuy.

Isaya 52:2

Mdai dé, Jirusalim, kenfungem knóem, béi bud myón lem kfung. Myóni bè yó dém gónóm myón kmamal. Lenkas ye yóm tehe kedina le kuy, yu se kem tau Sayun tehe negef le.

Lista 16:34

Gotu le mlóy yó kem dumu tau Israél nô bè yó bè yóm kungol le yóm langat yó kem tau geblos etlaan. Gotu le lemangat se kul yó kem tau mlóy, mon le, “Mlóy tekuy, déke gotu tekuy gomong geblos bélê le.”

Lista 16:26

Yó udél Musis ebè yó kem dumu tau mdà bè yó, monen, “Hol ye hlayuk bè gónô le ni kem tau mò sidek nii ne bê ye abay nogot yó kem kimu le. Ke nogot ye gotu ye gomong megtafak bélê le bè yó kem salà le.”