Sikaraya 2:6 - Udél Dwata: Gna Kesfasad ne Lomi Kesfasad

⁶ Yó udél Dwata ebè yó kem kun tau deng negef, monen, “Géhél ye ne, tnagak ye yóm benwu fi bwak deng gónów e semkla kuy.

Sikaraya 2:6 Referans Kwoze

Isikél 17:21

Kdê yó kem tau alì hulung sfatay bè Israél, angat le gotu matay bè gida ne yó kem dù tau tebel bè yóm syudad bong yó, angat gotu senklahu lu bè klamang benwu. Bè yó he gónó ye temngón du ou yóm sana Dwata hol gónó mogot nim mudél ni.

Isaya 48:20

Yó ne hewà ye gu bè Babilun, laen dù bud gónó ye gfét bè yó ne. Hol ye hligal mensag. Hol tulón ye bè klamangen yóm deng kehewà Dwata kuy kem kun tau Israél, kem tau tóbóng lówóhen.

Deng Hegfan 18:4

Ominu mungol yóm sotu mudél gu bè longit, monen, “Ó kem dou tau, mdó ye du ne yóm benwu yó. Hol bê ye abay gbót bè yó kem sidek nmoen anì là gomong ye bè yó kem glumfaken.

Dwata 28:64

Angat gotu senkla Dwata yu elem blóng yóm kdê but tau bè klamangen benwu talak tonok. Ne bè yóm knô ye bè yó, angat ye tmaba ebè yó kem dwata kéng nmò le bè koyu ne bè botu, yó kem dwata là deng kuy hnikót tnaba du dalang se yó kem tehe fù ye.

Tekang Kbuten 19:17

Ominen wen sotu bè yó kem hógów Dwata mon du mò kul, “Hol ye hetlasik mlóy anì là matay ye. Hol bê ye abay temngel semfulék ne hol bê ye abay tlek hegsud bè yó bè datal. Géhél ye mlóy etu lem bulul anì là matay ye.”

Sikaraya 2:7

Hgéhél ye gu dyo, semfulék ye ebè Jirusalim yu kem tau deng negef le bè Babilun.”

Amus 9:9

Yakà deng monu du angat gotu hefsideku yó kem tólóng benwu yó kem tau Israél, lómó kmou kul, lómón yóm halay tneef anì mkó kafahen. Okóm balù sbotù halay hyu ke btang ebè tonok.

Jirimaya 31:10

Ó kem kdéen tau bè klamangen benwu, hol hnungol ye yóm udél yóm sana Dwata hol gónó mogot. Hol heglalag ye etu bè kem benwu mayuk kilil mohin. Yó udél Dwata, monen, Deng tehe senklahu lu yó kem tauhu, okóm angat bud sentifunu lu, sen-gyoku lu lómón yóm tau gel sen-gyok yó kem ubihahen.

Jirimaya 31:8

Tahu se,” mon Dwata, “angat bud nwitu lu semfulék lemwót gu tebwak ne bud sentifunu lu lemwót ditu bè són tonok. Angat le bud mung se kul yó kem tau butô ne yó kem tau tugô. Dalang se yó kem libun tolo mlutut ne yó kem libun móyón kmuleng blutut le. Angat tey kwen le bè yóm bud kesfulék le.

Jirimaya 15:4

Lemwót bè yó kem sidek tehe nmò Manasi yóm tau hol geta bè Jirusalim yóm ngà Hisikaya logi, bè yóm tehe kogoten yóm benwu Juda, yó gónóhu mò du bè yó kem dou tau ni kem monu ni koni. Ke ton yó kem dumu tau bè klamangen benwu yóm glumfak le ni, botong kenhisik le lu.

Jirimaya 3:18

Bè yóm kdaw yó, angat le slomong mulék yó kem tau tehe lemwót bè Juda ne yó kem tau tehe lemwót bè Israél, mulék le gu bè yóm benwu fi bwak tehe gónó le e megef kul. Gotu le mulék edini eta yóm tonok tehe fasadu yó kem fù le ekni mò hlós nfun le.

Jirimaya 1:14

Mon Dwata se, “Tahu se yóm tonem yó. Angat wen tey glumfak lemwót gu bè yóm benwu fi bwak gefet bè kdéen tau bè nim benwu ni.

Isaya 55:1

Yó udél Dwata, monen, “Ó kem tau meeng, géhél ye edini ne ni wen él mò ninum ye. Ó kem tau laen dù filak le, géhél ye edini ne ni wen mò ken ye. Géhél ye edini ne ni wen mò ninum ye. Là heblihu du kuy nim ni.

Rut 4:1

Lemwót ke Buas kun, mógów ebè yóm gónó le gel stifun bè bak tikeb yóm benwu yó ne bè yó gónón myón. Ominen mton yóm tau tehe monen hol moni bè Ilimélék, yóm tau tehe tulónen ke Rut ne tnabahen, monen, “Ó Wè, mógówi edini kun nam e myón.” Tahu se, mógów ebéléen, ne myón.

Matyu 24:31

Ne angat tey uni féw bong gu bè longit mò ilô yóm kehewóten yó kem hógówen gu bè longit mò na a semtifun yóm kdéen tau deng nélék Dwata bè klamangen benwu.”

Mark 13:27

Ominen hewót yó kem gel hógówen gu bè longit mò na a semtifun yóm kdéen tau deng nélék Dwata bè klamangen benwu.”

Kem Lingón 44:2

Yóm deng gotu kehdóhem yó kem tau là hemtahu béléem ta yóm kul tonok anì blayem bè yó kem fù me yóm tonok le. Gotu genlaem yó kem hohon yó kem fù me, okóm kul yó kem fù me yó, fen hbegelem lu.

Jirimaya 31:38

Angat wen kdawen he,” mon Dwata, “gotu bud hdà le yóm dou syudad Jirusalim lenwóten ditu bè yóm sotu gónô geta gónó le gel mentey boluyen Hananél efet kól bè yóm sotu tikeb mon le Tikeb Sokok.

Sikaraya 1:16

Yó gónóm mon, yó bud udél Dwata, monen, Denge bud mulék ebè Jirusalim lanu kmodu yó kem dou tau. Angat bud tenlob le yóm dou Gónô bè yó, dalang se yóm dou syudad, angat bud hdà le. Yóm Dwata laen dù là gbeken du nim mudél ni.’