Sikaraya 2:5 - Udél Dwata: Gna Kesfasad ne Lomi Kesfasad

⁵ Yakà ou du yóm ofi beng hmilol yóm syudad Jirusalim ne bud ou yóm klóón tendo nô lemen. Dwata se mon du nim ni.’ ”

Sikaraya 2:5 Referans Kwoze

Kem Lingón 3:3

Okóm, Dwata, uu se kemlung hmilol dou, uu se hegmò dou, bud uu se tendo hfól nawahu.

Deng Hegfan 21:23

Ne laen kô dù nóng kdaw duhen ke nóng bulón bè yóm syudad yó, abay se yóm layag Dwata tódô seflós mnóng bè yó, ne yóm Ngà Ubiha henged soloken.

Isaya 12:6

Yu kem tau menwu bè Sayun hol ye mensag dé, hol ye lemingón yakà teyen geta yóm Dwata yó kem tau Israél. Hol du se yóm Dwata laen kô dù belenen ne tódô henek nô lem blóng yó kem tauhen.” Là gomongen bè nili yóm tsaptér 13. Bè yóm tsapter ni htulón Dwata ke Isaya bè yó kem tau yóm angat kegbaen yóm benwu Babilun. Nélék Dwata yó kem tau Mid mò hemdeng gembà du. Laen dù kô kodu le ni kem tau ni. Monen bè bérs 19-22, “Babilun yóm benwu alì heklóón senta yó kem dumu benwu, angat gebà lómón yóm tehe benwu Sodom ne Gomora ne là buden gebtik. Balù hilu bud lugod sut, okóm yóm benwu Babilun laen kô dù tau bud menwu du. Balù yó kem tau menwu mógów là kô le móyô kmamfù du. Ne yó kem tau mentey ubiha là móyô le nô bè yó kifu. Yó kem ógóf lem bnes temles nô bè yóm syudad gbà yó. Deng eles lenidan ne yóm kdaw Babilun. Deng móyón kól ne yóm udas kegbaen.”

Kem Lingón 48:3

Dwata se nô bè yó kem gónó hofin bè Jirusalim. Gel hegfanen yóm kofinen yó kem kun tau.

Isaya 33:21

Bè yóm kdaw yó, hegfan Dwata bélê tekuy yóm tey kegetahen. Ne nô tekuy bè kilil yóm tey él lamang ne laen dù kafal yó kem hohon tekuy bud gemlan bè yó.

Kun Snulat Luk 2:32

Du henged layag mò hegfan yóm kóm kóyô bè yó kem dumu tau là Ju le, ne bud du se gónón lemwót yóm angat kdóyón le kum mi kem tau Israél.”

Kem Lingón 48:12

Ó kem tau Dwata, senibut ye Sayun, nsó ye yóm kdê gónô geta gónó le gel hofin bè yó.

Kem Lingón 46:5

Bè yóm syudad yó, yó se kun gónó nô Dwata, ne laen kô gembek gembà du yóm kun benwu. Hanà hlafus deng sana sut na a tmóbóng.

Kem Lingón 85:9

Bè ktahuhen, là buden legen ne kehewà Dwata yó kem tau wen klikò le du, anì gfan bè klamang benwu tekuy yóm tey keslinang Dwata.

Kem Lingón 125:2

Yóm Jirusalim, tódô snibut bulul. Lómón yó se tendo klibut Dwata yó kem kun tau kól bè laen kô dù tul sónen.

Isaya 31:9

Yóm tau hol geta bélê le angat mlóy se kun lemwót bè ksidek klikoen. Ne yó kem genlal bè sendalù le gotu le mlóy se kul lemwót bè yóm alì ksidek klikò le, botong gtebel le yó kem flag gel nwit le bè gida.” Yó se yóm deng udél Dwata, yóm Dwata gel tnaba yó kem tau bè Jirusalim, yóm Dwata wen ofihen gónó le gel mtem yóm gel dsù le ebéléen.

Isaya 32:18

Yó kem tau Dwata, angat laen dù bud tnafa nawa le. Tódô menek lem yóm kul gónô nô, laen dù bang knikò le.

Sikaraya 2:10

Yó udél Dwata, monen, “Hol ye hligal mensag kem tau bè Jirusalim, yakà móyóne kól elem blóng ye, tódóe nô bélê ye.

Sikaraya 2:11

Bè yóm kdaw kkólu, angat tey dê tólóng tau lemwót bè dumu benwu mung do ne baling le mò dou tau. Nóe lem blóng ye ne bè yó gónó ye temngón du yóm khógówen do yóm Dwata laen dù là gbeken du.

Sikaraya 9:14

Dwata se angat hegfan ta yó kem tauhen. Yóm kegtien yó kem hanaken, hol lómón kal ksilà. Angat huni yóm Dwata hol dandónen geta yóm féwen mò tabahen yó kem tauhen. Ominen mundug yó kem hohonen hol lómón ke lenos bong mbel gu leged gu bè yóm benwu là hyu menwu du.

Jirimaya 31:39

Yó kililen, lemwót bè yóm Tikeb Sokok yó knitayen yóm ngà bulul Garéb hlalak etu bè Guwa.

Isikél 47:3

Yó nmò me yóm tau mit do yó, nool me yóm él bede wen btes nwiten. Yóm igò me mool bentesen yóm deng lan me efet kól bè limu latu mitru klayuk me. Yóm él bè yó, tek són bè sokil me.

Sikaraya 1:16

Yó gónóm mon, yó bud udél Dwata, monen, Denge bud mulék ebè Jirusalim lanu kmodu yó kem dou tau. Angat bud tenlob le yóm dou Gónô bè yó, dalang se yóm dou syudad, angat bud hdà le. Yóm Dwata laen dù là gbeken du nim mudél ni.’