Sikaraya 2:4 - Udél Dwata: Gna Kesfasad ne Lomi Kesfasad

⁴ ne yó monen mò du yóm mógów ebéléen yó, “Hetlasiki, tulónem tum tau mit btes tu koni, monem mò du, ‘Lemwót bè yóm angat bud alì kwen tau lem yóm syudad Jirusalim, botong là kóyów le lemen. Lemwót yó kem dumu, tódô le nô bè lewà ne yó kem ógóf le ne laen se kô dù hemen le bè yó.

Sikaraya 2:4 Referans Kwoze

Sikaraya 1:17

Yó bud heglalagem, monem, ‘Yó udél yóm Dwata laen dù là gbeken du, monen, Yó kem benwu lemnek bè Israél, angat tey bud kehyu klowil le yó kem tauhen. Dalang se yó kem tau bè Sayun, angat tey bud ketgelu kul, angat bud néléku Jirusalim mò dou.’ ”

Jirimaya 33:22

Angat hbólu yó kem sfu Dabid yóm tau tóbóng lówóhu, dalang se yó kem sfu Libay mò blóng ebéléu. Yóm kmò kehbólu kul, hol lómó kwen le blotik bè longit ne lómón kwen le helek bè kilil mohin, là kô gbek msó kul.”

Sikaraya 12:6

Bè yóm kdaw yó, yó kmou yó kem tau malak bè Juda hol lómón ke bala ofi nô lem luduk koyu ne lómón ke dilóf ofi mken lami. Gotu kenen kdéen benwu hmilol du. Okóm kul yó kem tau bè Jirusalim tódô le henek, laen kô dù hemen le.

Jirimaya 31:27

Yó bud udél Dwata, monen, “Angat kól yóm kdawen bè ni bè Israél ne bè Juda bud hbólu yó kem dou tau dalang se yó kem ógóf le.

Isaya 49:20

Yó kem ngà sut bè yóm benwu gónó le e megef kul, angat wen kdaw le mon du mò kóm, ‘Tey udì yóm benwu ni. Yake wen bud dumu gónó kuy nô dé.’

Isaya 44:26

Okóm yóm dou tóbóng lówó, ke wen eles gel tulónen angat hdohou se yó. Ke wen tau hógówu mò tmulón yóm angat atulu, hol lemwót béléu se yóm tulónen yó ne angat hdohou. Ni udélu ebè yóm benwu Jirusalim, angat le bud mulék menwu bè yó, yó kem tauhen. Ne yó bud udélu ebè yó kem syudad bè benwu Juda, angat wen bud hmomi hemdà kul. Balù yóm deng tey kegbà le, botong bud baling lomi.

Jirimaya 31:24

Gotu le bud hligal nô bè Juda yó kem tauhen, yó kem tau mò hulu ne yó kem tau semgyok ógóf ne yó kem tau nô bè syudaden.

Isaya 33:20

Tenngel ye dé yóm benwu Sayun, yóm syudad gónó tekuy gel mò du yóm kehligal ebè Dwata. Ne tenngel ye yóm benwu Jirusalim, angat tey menek menwu du. Hol lómón ke yóm kamfù là bud nili du. Yó kem htegen, là kô le bud kdut ne yó kem féten là kô le bud hto.

1 Timuti 4:12

Hol gel tenngelem kdaem, Timuti, kô wen gónó le gemsanil kóm. Balù yóm hanà tolo klomihem lemnok, uu se mò senflénég kem dumum hemtahu bè kestulónem, bè kekdolem, bè kbong nawam kem dumuhem, bè kehtahuhem, bè kólós nawam.

Danyél 1:17

Tey keblay Dwata kul ketngón nim fat kem logi lomi lemnok ni bè kdê yó kem hefnagì le kul. Bong ke Danyél kun, wen kenhulung blay Dwata du, duhen yóm khulung tmulón lan yóm hton Dwata bè tau ne lan kna.

Jirimaya 1:6

Yó balau ke Dwata, monu, “Adéy Dwata yóm hol dandónen geta, là gbeku du ke ou mò hudélem. Yakà hanae lomi tau.”

Istér 9:19

Okóm yó kem Ju menwu bè yó kem benwu lemnek bè prubinsya, hlós gel hnigal le yóm gesfoloen fat kdaw bè yóm bulón Adar. Gel le mò ken ne gel le seblay.

Danyél 1:4

Yó monen mò du, “Nélékem yóm hyu klówó le ne knóón le logi, kem tau hulung hedem ne kem tau temngón ne mahil le megtolok ne yóm wen kenhulung le bè yóm angat kmò le nmò bè yóm gónô bongu. Tolokem ni kem lomi lemnok ni mudél yóm kut udél kem tau Babilun ne semfala yó kem dê kut snulat.”

Sikaraya 1:16

Yó gónóm mon, yó bud udél Dwata, monen, Denge bud mulék ebè Jirusalim lanu kmodu yó kem dou tau. Angat bud tenlob le yóm dou Gónô bè yó, dalang se yóm dou syudad, angat bud hdà le. Yóm Dwata laen dù là gbeken du nim mudél ni.’

Isaya 54:16

Yóm tau msól, ou se mò du. Nan lenubón lem ofi yóm nsólen, ominen mò du ngom sfatay. Bud ou se mò du yóm sendalù mit du yóm ngom sfatay yó mò hatayen tau.

Sikaraya 14:12

Wen des mit hatay angat heglumfak Dwata ebè yó kem tau bè yó kem benwu mit sgida bè benwu Jirusalim. Yóm igò le tolo mowil, tódô gotu lemdak lówó le dalang se mata le ne dilak le.