Sikaraya 2:13 - Udél Dwata: Gna Kesfasad ne Lomi Kesfasad

¹³ Yóm kkól Dwata bè ni gu bè yóm kun gónó nô hol mólós, hol bê le abay hebnes bè soluhen yóm kdéen tau.”

Sikaraya 2:13 Referans Kwoze

Hbakuk 2:20

Okóm kun yóm sana Dwata hol gónó mogot, deng nô bè yóm kun Gónô alì mólós. Yó kem kdéen tau talak tonok, bê ye abay bud mudél ke nô ye bè soluhen.”

Sifanaya 1:7

Bê ye abay mudél bè solu yóm Dwata hol dandónen geta, yakà móyónen kól ne yóm kdaw kkukum Dwata tau. Deng eles fan Dwata lu yó kem tauhen mò hfatayen ne deng eles tinoken yó kem hohon le mò gemlà kul.

Kem Lingón 68:5

Du se mà yó kem ngà hikit, ne du se gel mofin yó kem libun bolu. Yó se yóm kun kmò Dwata, tey mólós yóm gónóhen nô.

Sifanaya 3:8

Duhen yó, yó bud udél Dwata, monen, “Yó gónóm mon kem dou tau, nangat ye yóm kdawu mdà bè gónô skukum naw e klamo yó kem tau mò sidek bè ket benwu. Yó deng atulu, angat gotu sentifunu lu yóm kdéen benwu talak tonok, anì sulék koku ebélê le yóm sidek kebutu kul. Yóm kebutu kul yó, hol lómón ke ofi angat sulék kenen yóm klamangen.”

Kem Lingón 78:65

Omin Dwata yó he hetngón, lómón ke tau lomi btik, hol lómón kmoen yóm tau lóbô deng btik bè klengelen.

Sulat Pol Ebè Yó Kem Tau Hemtahu Bè Rom 9:20

Ni se balau du yóm monem yó, “Tmau kóm de tô gembek smabà ke Dwata? Là gbek yóm kuleng tonok smabà yóm tau mifil du, ke monen ‘Moen ke lómón ni kifilem do?’ ”

Kem Lingón 46:10

Yó udélen, monen, “Henek ye ne anì tngón ye ou se Dwata. Ou se yóm hol dandónen geta bè kdéen tau, yóm hol dandónen geta bè klamangen benwu.”

Kem Lingón 11:4

Okóm yóm Dwata, nô bè yóm kun Gónô hol mólós. Ditu bè longit gónón myón kmamal. Ditu gónón lemwót temngel yóm kdéen tau, tey keheklol ketngelen kul.

Dwata 26:15

Temngeli edini laan lemwót gu dyó bè yóm gónóm nô bè longit, nuyagem yó kem kóm tau Israél. Knudungem snéen yóm tey tonok hyu ne tonok tembas deng blayem kum, lómón yóm deng fasadem yó kem tehe fù me.’

Sulat Pol Ebè Yó Kem Tau Hemtahu Bè Rom 3:19

Nim udél Dwata ni koni, deng tngón tekuy se yóm kegbaken ebélê tekuy kem Ju, kem tau gónó Dwata hemsù yóm hlauhen. Angat gotu hdaen bè soluhen yóm kdéen tau bè klamangen benwu. Yó gónóm mon, laen dù lan tekuy kembê du ke tnafak Dwata tekuy bè yóm kulé tekuy yóm kun hlau.

Isaya 63:15

Ó Dwata, hol knudungem mi gu dyó bè yóm gónóhem nô bè longit. Tngón me yóm klaen dù belenem ne yóm tey kegetahem. Gónón nô se yóm alì kehedemem kum du? Ne yóm kfasangem, gónón nô de? Gónóhen nô se yóm kbong nawahem kum ne yóm kkoduhem kum? Hol béem tódô bayà mi sen.

Isaya 57:15

Ou se yóm Dwata hol geta yóm Dwata laen dù belenen yóm hlós mowil laen kô dù tul sónen. Nóe bè yóm hol gónón geta ne hol gónón mólós. Okóm bude nô bè yó kem tau heglaan le knô le ne gel hen-gsel le salà le anì bud huléku ebélê le yóm kgel nawa le do ne anì wen nefet nawa le elem hulin kdaw.

2 Tutul Israél 30:27

Yó kem tau gel blóng ebè Dwata ne yó kem sfu Libay, mni le ebè Dwata bè yó kem tau, ne hnungol Dwata ditu bè gónón nô bè longit yóm kni le yó.

Dwata 18:21

Déke hendem ye, ‘Kmò kdilô me du yóm tulón ke là lemwóten bè Dwata?’

Dwata 18:22

Yó mò ilô ye du ke wen tulónen yóm tau tmugod yó hlanen bè boluy Dwata, ne ke là dohoen yóm tulónen yó, bè yó gónó ye temngón du là lemwóten bè Dwata yóm tulónen. Yóm tau yó tódô lembù, bê ye abay likò béléen.”

Isaya 14:2

Tey dê dumu benwu angat tmóbóng kul anì bud le gulék bè yóm benwu tehe blay Dwata kul. Ne bè yó, wen se kem dumu benwu angat baling ghesek bélê le. Ne angat tles negef yó kem tau Israél yó kem tau tehe megef kul. Ne angat tles nogot le yóm benwu tehe hemsidek kul.

Isaya 19:16

Yó kem tau bè Idyip, angat kól yóm kdaw le lunog lómón klunog libun. Tódô setbol kkel le bè yóm tey klikò le bè yóm kegnóm le du, yóm deng kkuhay Dwata sigelen na a tmafak kul yóm Dwata laen dù là gbeken du.

Sifanaya 2:9

Yó gónóm mon, lemwót bè yóm là katayu, yó gónón dohò yóm udél deng monu, Angat genlau yó kem tau Muab ne yó kem tau Amun, lómón yóm tehe tódô sulék keglau yó kem tau bè yóm benwu Sodom ne Gmura. Yó angat kmou yóm kul tonok ni kem tau genlau ni, angat tódô tfeng tahen bnes semnual ne angat baling hono sol gónó le ma kahì, tonok laen dù bud muhen kól bè laen dù tul sónen. Yó kem dou tau dù tebel, angat wen megef yó kem kimu le ne gotu nwa le yó kem tonok le.”

Sikaraya 4:9

“Kun tdok Sirubabél se tehe mbut mò du yóm mò hembegel yóm dou Gónô ne angat bud kun tdok snéen hemdeng du. Ke sok deng nim ni, bè yó gónó ye temngón du yóm hógów do ebélê ye, yóm Dwata laen dù là gbeken du.

Sikaraya 6:15

Bè yóm angat kehdà le yóm Gónô Dwata, tey dê tau lemwót bè benwu mayuk semtóbóng hemdà du. Ke deng dohò yóm ni, bè ni gónó ye temngón du yóm Dwata laen dù là gbeken du yóm hógów do ebélê ye. Ke hteneb ye mimón du yó kem hloloen kuy yóm sana kuy Dwata hol gónó mogot, angat gotu dohò ni kem ni.’ ”