Sikaraya 2:12 - Udél Dwata: Gna Kesfasad ne Lomi Kesfasad

¹² Deng hetfing Dwata mò kun yóm benwu Juda glem bè kun tonok. Ne bud néléken Jirusalim mò hol kun syudad nfun.

Sikaraya 2:12 Referans Kwoze

Sikaraya 1:17

Yó bud heglalagem, monem, ‘Yó udél yóm Dwata laen dù là gbeken du, monen, Yó kem benwu lemnek bè Israél, angat tey bud kehyu klowil le yó kem tauhen. Dalang se yó kem tau bè Sayun, angat tey bud ketgelu kul, angat bud néléku Jirusalim mò dou.’ ”

Dwata 32:9

Yakà deng néléken du yó kem sfu Jakub mò kun nfun.

Jirimaya 10:16

Yóm kun Dwata tehe Jakub, là kóen mkél bélê le. Du se mò du yóm kentihen. Deng néléken yó kem tau Israél mò hol kun tau nfun. Yó hol kun boluy, Dwata laen dù là gbeken du.

Kem Lingón 33:12

Ya tey kehligal yó kem tau bè kihu benwu ke Dwata hol kul gónó mogot. Hligal le se kul yó kem tau nélék Dwata mò kun tau.

Isaya 41:9

Deng gotu sentifunu yu lemwót gu bè hol són tonok, deng tnabahu yu lemwót gu bè doli benwu. Ne yó monu mò kuy, ‘Yu se yó kem mò tóbóng lówóhu.’ Là kô naw e kenbê kuy igò sem yu yóm dou nélék.

Kem Lingón 135:4

Abay se deng nélék Dwata Jakub mò kun, nfunen yó kem tau Israél mò hol gónón nô nawahen.

Kem Lingón 82:8

Ó Dwata, hgéhéli ne, nem e knukum yóm kdéen tau te tonok, abay se kdéen benwu talak tonok, hono kóm funen.

2 Tutul Israél 6:6

Okóm ni, deng néléku Jirusalim mò gónóhen nô yóm dou boluy, ne deng néléku Dabid mò kmamal yó kem dou tau Israél.’ Yó se deng fasad Dwata ke mà.”

Kem Lingón 132:13

Yakà deng nélék Dwata yóm benwu Jirusalim, kóyóen ke bè yó gónóhen nô.

Kem Lingón 132:14

Yó monen, “Ni se yóm benwu mò gónóhu nô kól bè laen dù sónen. Bè ni gónów nô, abay se ni se yóm benwu hol dou nóyô.

Isaya 14:1

Angat bud mulék kodu Dwata kul yó kem kun tau Israél. Angat bud néléken lu mò hol kun tau nfun. Angat bud huléken lu ebè yóm sana kul benwu ne wen se kem tólóng tau angat mung menwu bélê le bè yó.

Sikaraya 3:2

Ne yó udél yóm hógów Dwata yó ebè Seitan, monen, “Ou se Dwata mólów kóm, Seitan. Ou se deng mélék yóm syudad Jirusalim mò dou nfun. Yóm Jéswa kun, hol lómón ke ngà koyu dmilóf skot gu lem ofi.”

Dwata 32:10

Tehe tonen lu bè yóm benwu laen hol wen tauhen, yóm benwu balù udì ke wen mowil du. Són luk lenos gungolem bè yó. Bede yó nmò Dwata, kenlungen yó kem kun tau ne sen-gyoken lu. Lómó kesgifaen kul lómón ke kimu alì mebtes béléen.

Istér 6:13

Gotu tulónen ke yehenen ne yó kem ween yóm deng glumfaken yó. Ne yó mon yehenen mò du dalang se yó kem ween gel hmau du, “Ni se hanà buten yóm keglaanem bè Murdikay. Lemwót bè yóm ke Juhen laen kô dù bud gmoem béléen ne.”

Kem Lingón 105:15

“Hol bê ye abay hensidek lu yó kem dou tau nélék. Ne yó kem tugodu elem blóng le, bê ye abay hensidek lu.”

Jirimaya 30:16

Okóm bè yóm kdaw kwitu kuy semfulék yó, kdê yó kem tau gemlà kuy bud wen gemlà kul se kul. Kdê yó kem hohon ye bud wen se megef kul. Kdê yó kem tau muku kimu ye, bud wen se muku kimu bélê le. Kdê yó kem tau mundug kuy, bud wen se mundug kul.