Sikaraya 2:10 - Udél Dwata: Gna Kesfasad ne Lomi Kesfasad

¹⁰ Yó udél Dwata, monen, “Hol ye hligal mensag kem tau bè Jirusalim, yakà móyóne kól elem blóng ye, tódóe nô bélê ye.

Sikaraya 2:10 Referans Kwoze

Matyu 28:20

Ne yóm kdê deng hlauhu kuy, hol tolok ye kul anì hol nimón le se kul. Ne laen kô mtukul sónen yóm knóu bélê ye efet kól bè yóm hol són kdaw.”

Sikaraya 8:3

Ne ni bud udél Dwata, monen, Angate semfulék ebè Bulul Sayun, angate nô bè Jirusalim. Ominen yó angat taba le yóm Jirusalim, Syudad Teneb. Ne yó angat taba le yóm kun bulul yóm Dwata laen dù là gbeken du, Bulul Dwata.

Kun Snulat Jan 1:14

Yóm Udél yó koni, deng baling tau, ne mnô bélê tekuy. Laen kô dù sónen yóm klinggel nawahen ebè tau, ne hono tahu yóm gel tulónen kul. Deng hyu na me ton se yóm kegeta deng blay Maen du, yóm kegeta hol knóón bè yóm Ngaen tek sotu.

Sikaraya 9:9

Yó bud udél Dwata, monen, “Ó kem tau bè Sayun, hol ye hligal dé. Hol ye hligal mensag dé, kem tau bè Jirusalim. Ngem, sut lem blóng ye yóm tau hol geta bélê ye. Tey tedeng kmoen ne gel gemmò bè yó kem hohonen, lelen hulung heglaan, tódô smakay kudà asnu, snakayen yóm ngà natihen.

Sifanaya 3:17

Yakà dengen nô bélê ye yóm sana kuy Dwata hol gónó mogot. Tey wen kfasangen lemwà kuy bè yó kem hohon ye. Tey angat kehligalen bélê ye. Lemwót bè kbong nawahen kuy, gotu kóhen bélê ye yóm dê knikò ye. Lemwót bè yóm tey kligalen bélê ye gónón tódô hewót semngal.

Isikél 37:27

Tódóe nô lem blóng le. Ou se mò kul Dwata ne lu se mò dou tau.

Deng Hegfan 21:3

Ne tódô gungolu se yóm mudél lemwót bè yóm bangkù gónón myón yóm fen kmamal, hgelen udélen, monen, “Ngem yóm kun gónó nô Dwata, deng eles nô lem blóng kem tau ne. Angat tódô hlós nô bélê le, ne lu se baling kem kun tau. Là kóen na a bud skó bélê le ne, yakà du se kul Dwata.

Kun Snulat Jan 14:23

Bnalà Jisas, monen, “Yó se tau kembong nawa dou, nimónen yóm dou tolok. Tey angat kbong nawa Mà du snéen kun, ne angat me tódô setnù béléen lewu me Mà.

Jirimaya 33:11

gungol ye tau hligal ne kmuli. Bud gungol ye se yóm udél le hligal yó kem tau syehen. Bud gungol ye se yóm kehligal le semngal yó kem tau bè yóm kógów le ebè yóm dou Gónô lan le mit du yóm gel dsù le ebéléu mò gónó le dmóyón do. Yó angat sngal le, mon le, ‘Hol dóyón tekuy yóm Dwata laen dù là gbeken du, abay se tey hyu kmoen. Laen kô dù nan e són yóm kbong nawahen tau.’ Yakà angat bud hen-guléku du nim benwu ni lómón yóm gnan,” mon Dwata.

Jirimaya 30:19

Yó kem tau angat bud nô lem Jirusalim, tey kesngal le dmóyón do, tey kehligal le mensag. Tey kehbólu kul yó kem dou tau, henbalingu lu sotu benwu tótól ne benwu nadat.

Isaya 12:6

Yu kem tau menwu bè Sayun hol ye mensag dé, hol ye lemingón yakà teyen geta yóm Dwata yó kem tau Israél. Hol du se yóm Dwata laen kô dù belenen ne tódô henek nô lem blóng yó kem tauhen.” Là gomongen bè nili yóm tsaptér 13. Bè yóm tsapter ni htulón Dwata ke Isaya bè yó kem tau yóm angat kegbaen yóm benwu Babilun. Nélék Dwata yó kem tau Mid mò hemdeng gembà du. Laen dù kô kodu le ni kem tau ni. Monen bè bérs 19-22, “Babilun yóm benwu alì heklóón senta yó kem dumu benwu, angat gebà lómón yóm tehe benwu Sodom ne Gomora ne là buden gebtik. Balù hilu bud lugod sut, okóm yóm benwu Babilun laen kô dù tau bud menwu du. Balù yó kem tau menwu mógów là kô le móyô kmamfù du. Ne yó kem tau mentey ubiha là móyô le nô bè yó kifu. Yó kem ógóf lem bnes temles nô bè yóm syudad gbà yó. Deng eles lenidan ne yóm kdaw Babilun. Deng móyón kól ne yóm udas kegbaen.”

Deng Hegfan 2:1

Bud monen mò do yóm mudél ebéléu yó koni, monen, “Ni smulati do ebè yóm fen gel malak yó kem tau hemtahu bè Ifisus, monem mò du, ni se udélen ebélê ye yóm mogot hitu blotik bè sigel kwananen, yóm gel mógów lem blóng yó kem hitu solok blówón sedà.”

Flipay 4:4

Hol ye tendo gel hligal dé lemwót bè yóm deng kessotu ye bè yóm gónó tekuy mogot. Bud nulitu bélê ye yóm monu yó koni, hol ye gel hligal dé.

Malakay 3:1

Yó balaen kul yóm Dwata laen dù là gbeken du, monen, “Ngem, angat wen hógówu elem blóng ye mò eles hemtifes yóm angat lanu. Ominen yó tódô mekto sut elem yóm kun Gónô yóm tendo nangat ye, duhen yóm Dwata hol gónó mogot. Yóm hógówu tendo gel nangat ye yó, dohò sut se kun mò hetngón du kuy yóm deng senfasad tekuy.”

Sikaraya 14:5

Angat ye mlan bè yóm datal ni bè yóm klóy ye, abay se gefet ditu bè Asal yóm datal ni. Tódô ye gotu mlóy lómón yóm tehe klóy yó kem tehe fù ye ekni bè yóm tehe kbel linol bong bè Juda bè yóm tehe kun kogot Usiya. Ominen yó, sut yóm sana dou Dwata hol gónó mogot, mung du yóm kdê gel hógówen.

Jirimaya 31:12

Angat le semfulék ebè benwu le ne tey kehligal le semngal ta yóm bulul bè Jirusalim gónó le tmaba ebéléu. Tey kehligal le lemwót bè yó kem deng basahu kul. Wen halay ne tifas grép le ne hnolo ulib ne wen tey ngà ubiha le ne kem ngà safì le. Yóm kmò klowil le hol mkél bè yóm tonok tendo wen élen. Laen kô dù bud gónó le élél. Ne laen dù bud knangag le.

Isaya 61:10

Tey kligalen kun yóm Jirusalim lemwót bè yóm deng nmò Dwata béléen. Hol lómó kligalen lómón yóm libun myehen deng hen-get le. Yó henged nes hesek Dwata du yóm syudaden yó, yóm kegewaen bè yó kem hohonen ne yóm kegmoen bélê le.

Isaya 54:1

Ó Jirusalim, hol lómón ke tehe uu yóm libun atil laen dù ngaen. Okóm ni, holi semngal ne holi hligal hegwoy, abay se angat tey dê ngaem senta yóm libun là tnagak yehenen du.

Isaya 42:10

Semngal tekuy ebè Dwata dé yóm sngal lomi. Kdéen tau bè klamangen benwu, hol sngal tekuy yóm gónón megdóyón. Yu kem tau gel mit kafal, hol dóyón ye Dwata. Dalang se yó kem mowil lem mohin, gbót dóyón ye Dwata. Ne yó kem benwu mayuk, hol ye semngal ne kdéen tau menwu bélê ye.

Kem Lingón 68:18

Bè yóm kegdekem ta bè yóm bulul geta yó, Dwata, tey kem tau negef nalakem mung kóm. Wen tey basa slong le kóm yó kem tau, balù yó kem tau deng matù kóm, sana kwen kul basa kóm. Duhen ni, deng nô lem blóng tekuy bè ni yóm sana kut Dwata hol gónó mogot.

Kem Lingón 40:7

Ne tahu se, gungolu uu, ne yó monu mò kóm, “Ni ou. Yó kem kóm hlolò dou, hono lemwót lem yóm bok gónón nô yó kem kóm hlau.

Isaya 35:10

Angat tey kligal le bè yóm kgefet le bè yóm benwu yó, tey kesngal le ne kehsag le lemwót bè kligal le. Ne laen kô dù sónen yóm kligal le yó. Là bud wen lenangag le ne laen dù bud kenblat nawa le.

Isaya 37:22

Yó monen mò du, “Yó udél Dwata ebè Sinakirib yóm tau hol geta bè Asirya, monen, Ó Sinakirib, tey kkuli le kóm yó kem tau bè Jirusalim ya tey kehnê le kóm.

Sikaraya 1:16

Yó gónóm mon, yó bud udél Dwata, monen, Denge bud mulék ebè Jirusalim lanu kmodu yó kem dou tau. Angat bud tenlob le yóm dou Gónô bè yó, dalang se yóm dou syudad, angat bud hdà le. Yóm Dwata laen dù là gbeken du nim mudél ni.’

Sikaraya 2:5

Yakà ou du yóm ofi beng hmilol yóm syudad Jirusalim ne bud ou yóm klóón tendo nô lemen. Dwata se mon du nim ni.’ ”

Sikaraya 2:11

Bè yóm kdaw kkólu, angat tey dê tólóng tau lemwót bè dumu benwu mung do ne baling le mò dou tau. Nóe lem blóng ye ne bè yó gónó ye temngón du yóm khógówen do yóm Dwata laen dù là gbeken du.

Dwata 28:64

Angat gotu senkla Dwata yu elem blóng yóm kdê but tau bè klamangen benwu talak tonok. Ne bè yóm knô ye bè yó, angat ye tmaba ebè yó kem dwata kéng nmò le bè koyu ne bè botu, yó kem dwata là deng kuy hnikót tnaba du dalang se yó kem tehe fù ye.

Isaya 48:20

Yó ne hewà ye gu bè Babilun, laen dù bud gónó ye gfét bè yó ne. Hol ye hligal mensag. Hol tulón ye bè klamangen yóm deng kehewà Dwata kuy kem kun tau Israél, kem tau tóbóng lówóhen.

Isaya 52:11

Hol tebel ye ne yóm benwu Babilun, yu kem tau mulék ebè Jirusalim mit yó kem ngom bè Gónô Dwata. Béen wen dumu nogot ye yó kem kenbê Dwata. Hol ye hólós, omin ye yó lemwót.