Sikaraya 14:3 - Udél Dwata: Gna Kesfasad ne Lomi Kesfasad

³ Ominen yó nmò Dwata, du mit sfatay bè tu kem benwu tu koni lómón yóm tehe kwiten sfatay teganay.

Sikaraya 14:3 Referans Kwoze

Sikaraya 12:9

Ni se atulu bè yóm kdaw yó, gotu genlau lu yóm kdê benwu mundug yóm syudad Jirusalim.

Sifanaya 3:19

Bè yóm kdaw yó, tey angat sidek ktafaku kul yó kem tau gel hemgnok kuy. Lenwau yó kem tugô bélê ye ne gotu bud sentifunu yó kem tauhu deng sekla. Kóhu bélê le yóm tehe kyak le, tlesu du yóm gónó le megdóyón. Angat tey kadat le kul bè klamang yóm benwu tehe gónó le myak.

Juwél 3:2

angat gotu sentifunu yóm kdéen sendalù bè klamangen benwu ditu bè Datal Jihusafat. Ditu gónóhu tmafak kul lemwót bè yóm deng kehsidek le yó kem tauhu Israél, abay se deng gotu senkla le lu ebè tólóng benwu, lel le deng gotu semsólól yóm tonok bè Israél, yóm dou tonok.

2 Tutul Israél 20:15

Yó udélen bè yóm tau hol geta, monen, “Hmungoli, Jihusafat. Ne yu kem tau bè Juda ne kem tau bè Jirusalim, hol ye hmungol se kuy yóm kdê ye. Ni se udél Dwata ebélê ye, monen, ‘Hol bê ye abay hlikò. Hol bê ye abay hunu nawa ye bè yó kem tey genged sendalù yó, abay se Dwata mit kul sgida, là kô yu du.’

Juswa 10:10

Ya tey kehlangaf Dwata kul yó kem tau Amurayt bè yóm kton le yó kem sendalù Israél. Tey dê bélê le hnatay yó kem sendalù Israél bè yó bè syudad Gibyun ne ktes le mosol yó kem dumu lenwót le bè bulul Bét Horon efet kól etu bè benwu Asika ne etu bè benwu Makida ne tey dê bélê le hnatay le gu bè lan.

Juswa 10:14

Bè yóm kdaw yó, Dwata se mung kul sfatay yó kem tau Israél. Balù sulék bè gnan kdaw ne efet nim kmoen ni ke lómón ni yóm kmò kógów kdaw, bè yóm tódô kimón Dwata du yóm udél tau.

Nihimaya 4:14

Timbow deng tonu yóm mò kmoen, yó gónów gotu sembung kul yó kem tau ne yó kem malak kul ne yó kem genlal bélê le, yó monu mò kul, “Hol bê ye abay hlikò bè yó kem hohon tekuy. Hentulón ye nawa yóm tey kegbek yóm sana kut Dwata yóm Dwata hol knóón knikò. Hotu ye gel ye mofin kul yó kem dumu ye bè yóm benwu tekuy ni, yó kem ngà ye ne yó kem yehen ye ne yó kem gónô ye.”