Sikaraya 14:2 - Udél Dwata: Gna Kesfasad ne Lomi Kesfasad

² Bè yóm kdaw yó, gotu sentifun Dwata yóm kdéen benwu mò na a gmida bè Jirusalim. Angat gnô lem hólól le yóm syudad yó. Ne yó kem gónô bè yó, gotu nuku le yó kem kimu nô lemen ne gotu kneyek le yó kem libun. Gotu negef le sóól bè yó kem tau bè Jirusalim ne yóm sóólen fen tebel lem yóm syudad deng gbà.

Sikaraya 14:2 Referans Kwoze

Mark 13:14

Bud mon Jisas, “Angat wen ton ye yóm alì sidek knikò, tódô mdà bè Gónô Dwata, yóm tô matù ke Dwata.” Yóm tau semfala du nim ni, hol hennagien kmò klanen. “Ke sok kól yóm kdaw yó, eles le mlóy elem bulul ne yó kem tau menwu bè prubinsya Judiya.

Matyu 22:7

Ya tey sidek kebut yóm tau hol geta. Tódô hógówen yó kem sendaluen nan e hfatay lu yó kem tau monok yó, gotu htemen yóm kul syudad.

Amus 7:17

Yó gónóm mon, Amasaya, ni se udél Dwata ebéléem yó monen, Lemwót bè yóm là kóyóem hmungol, angat baling libun hdóyón yóm yehenem lem nim syudad ni ne yó kem ngaem logi ne kem ngaem libun, tódô le gotu matay bè gida. Ne gotu sensólól le yóm tonokem ne blay le bè yó kem dumu tau. Lemwót kóm, feni matay bè tólóng benwu. Angat gotu negef le lu etu yó kem tau Israél ebè benwu mayuk.”

Juwél 3:2

angat gotu sentifunu yóm kdéen sendalù bè klamangen benwu ditu bè Datal Jihusafat. Ditu gónóhu tmafak kul lemwót bè yóm deng kehsidek le yó kem tauhu Israél, abay se deng gotu senkla le lu ebè tólóng benwu, lel le deng gotu semsólól yóm tonok bè Israél, yóm dou tonok.

Kun Snulat Luk 2:1

Bè yóm hanà tolo kegenen du Agustus ekni, yóm tau hol geta bélê le nô bè syudad Rom, wen udin lemwót béléen. Kwadagen tau bè klamangen yóm kun benwu nogot gotu le na a hsulat boluy.

Mark 13:19

Abay se angat tey hlayam bong sok sut bélê ye yóm hlayam monu ni. Ni he yóm hlayam alì sidek bè kdéen hlayam deng sut bè tau lemwót bè hol kbut kedlimun Dwata du yóm benwu, ne là se kô bud sneefen du ne.

Jirimaya 34:1

Bè yóm kgida Nibukadnisar bè Jirusalim ne bè yó kem dumu benwu glem lem Juda, mung du yóm kdê sendalù lemwót bè kdê yó kem benwu snakufen. Bè yóm kdaw yó wen udél Dwata ebè Jirimaya, monen,

Isaya 65:18

Angat tey kehyu nawa ye ne kligal ye bè yóm nmou yó ne laen kô dù sónen yóm kligal ye yó. Yóm lomi Jirusalim nmou yó, angat tey benwu hligal ne tey kligal le yó kem tau nô lemen.

Juwél 3:9

Ni se hol eles heglalag ye ebè klamangen benwu, mon ye, “Eles ye htifes bè yóm gida móyón sut. Sentifun ye yóm kdéen sendalù ye deng alì kemnalam bè gida. Hewót ye lu anì géhél le sundug.

Sikaraya 12:2

Yóm syudad Jirusalim, angat nmou hol lómón ke ninum lóbô mò hlengel yó kem tólóng benwu hmilol, yó kem benwu deng hógów yó kem sendalù na a mundug yóm syudad Jirusalim, lel le bud mundug yó kem dumu syudad bè Juda.

Sikaraya 12:3

Bè yóm kdaw yó, bud nmou Jirusalim lómón ke botu alì blat. Nô kihu benwu tô mkay du angat wen tey gfaen. Ne yóm kdéen benwu talak tonok angat le gotu stifun na le e nundug Jirusalim.

Sikaraya 12:9

Ni se atulu bè yóm kdaw yó, gotu genlau lu yóm kdê benwu mundug yóm syudad Jirusalim.