Sikaraya 14:11 - Udél Dwata: Gna Kesfasad ne Lomi Kesfasad

¹¹ Ne bè Jirusalim angat gónó le henek nô yó kem tey tau wen ne laen kô dù bud gemlà kul ne.

Sikaraya 14:11 Referans Kwoze

Deng Hegfan 22:3

Ne bè yóm syudad yó, laen kô dù bud tonem bè yó yóm gónó le glayam kem tau lemwót bè ktafak Dwata kul. Nô bè yó se yóm bangkù gónón myón kmamal Dwata lewu le yóm Ngà Ubiha. Ne gotu dóyón le Dwata yó kem tauhen.

Amus 9:15

Yó kem dou tau, lómón ke bud huluhu lu ta yóm tonok deng tehe blayu kul ne là kô wen bud kemdut kul bè yó. Ou se yóm sana kuy Dwata hol gónó mogot mon du nim ni.”

Deng Hegfan 21:4

Angat gotu nifuhen yóm lewok bè mata le. Laen kô dù bud tau matay ne, ne laen se dù bud knangag le, ne laen dù bud nkik le ne laen se dù bud tenduk le, yakà dengen gotu lana ne yóm gnan.”

Sikaraya 8:8

Bud nwitu lu semfulék anì nô le bè ni bè Jirusalim. Lu se yó kem dou tau ne ou se kul Dwata. Là kóen na a monol yóm nawahu ebélê le ne angat hono tedeng yóm nmou bélê le.

Sikaraya 8:4

Yó bud udél yóm Dwata laen dù là gbeken du, monen, Yó kem tuha deng tmuged, angat le bud mlan bè yó kem lan bè Jirusalim ne bud le seyón bè yó kem plasahen.

Sikaraya 2:4

ne yó monen mò du yóm mógów ebéléen yó, “Hetlasiki, tulónem tum tau mit btes tu koni, monem mò du, ‘Lemwót bè yóm angat bud alì kwen tau lem yóm syudad Jirusalim, botong là kóyów le lemen. Lemwót yó kem dumu, tódô le nô bè lewà ne yó kem ógóf le ne laen se kô dù hemen le bè yó.

Juwél 3:20

Okóm yóm benwu Juda kun, angat tendo wen tauhen dalang se yóm benwu Jirusalim, nan hol dê he lugod tauhen laen dù tul sónen.

Juwél 3:17

Yó bud udél Dwata, monen, “Bè yóm kdaw yó angat tngón ye ou se yóm sana kuy Dwata hol gónó mogot. Nóe bè Sayun yóm bulul deng htólóngu mò dou. Angat tey mólós yóm Jirusalim ne là kô bud gundug le du yó kem sendalù lemwót bè tólóng benwu.

Isikél 37:26

Yó fasadu kul yóm kenek kbenwu le, hol fasad laen dù sónen. Bud blayu kul yóm kul benwu ne angat tey kehbólu kul. Bud hdau lem blóng le yóm dou Gónô ne laen kô dù sónen yóm knóen lem blóng le.

Jirimaya 31:40

Yó klamangen, gomong yóm gónó le gel lembeng ne gónó gel mkok fól efet kól etu bè yó kem gónó le gel mò hulu bè Datal Kidron fi dmata kdaw ne efet kól etu bè Tikeb Kudà, hono dou funen. Yóm syudad ni, laen kô dù bud mundug edu ne laen kô dù bud gembà du.”

Isaya 60:18

Là bud gungolem du ne, Jirusalim, uni tau sgida. Laen dù bud gembà kóm ne. Lómón ke ou yóm beng hilolem, tendo bnenteyu u ne tendo nofinu u. Angat tey kdóyónem dou lemwót bè yóm kehewau kóm gu lem tdok yó kem hohonem.

Isaya 26:1

Angat kól yóm kdaw klingón le du yó kem tau nô bè Juda yóm lingón ni, yóm monen, Tey mbegel yóm syudad tekuy, Dwata se kemlung du mò henged beng hilolen.

Lista 21:3

Tahu se, gungol Dwata yóm hni le yó ne tnóbóngen lu anì gemmò le bè yó kem tau Kanan. Tódô gotu genlà yó kem tau Israél yó kem tau Kanan, gomong yó kem syudad le. Ne yó gónó le moluy du Hurma yóm benwu yó.

Jirimaya 32:37

Angat bud nwitu lu semfulék yó kem dou tau gu bè yó kem benwu deng gónóhu e semkla kul lemwót bè yóm tey kebutu. Hol ebè nim syudad ni se gónóhu bud e mit kul. Tódô menek ne kbenwu le ne laen kô dù hemen le.

Sikaraya 8:13

Ó kem tau bè Juda ne kem tau bè Israél, bè kton le kuy yó kem tau bè tólóng benwu, yu se yó kem tau deng henmulà Dwata. Okóm ni, là ne. Lenwau yu ne hlanu bélê ye yóm któbóngu yó kem dumu tau. Yó gónóm mon, bê ye abay hlikò, hol hgel ye nawa ye, henlel ye mò du yóm dou Gónô.

Dwata 33:28

Yó gónóm mon, menek kbenwu le yó kem sfu Jakub. Gsengel nawa le du yóm tonok le tódô hono hulu tahen, dalang se yó kem grép gónón lemwót yó kem tifas gel ninum le. Yóm tonok le yó, tendo hnéfê yóm amù lemwót gu bè longit.

Sikaraya 12:6

Bè yóm kdaw yó, yó kmou yó kem tau malak bè Juda hol lómón ke bala ofi nô lem luduk koyu ne lómón ke dilóf ofi mken lami. Gotu kenen kdéen benwu hmilol du. Okóm kul yó kem tau bè Jirusalim tódô le henek, laen kô dù hemen le.