Sikaraya 14:10 - Udél Dwata: Gna Kesfasad ne Lomi Kesfasad

¹⁰ Yóm klamangen tonok lenwóten bè Giba fi bwak Juda efet kól bè Rimun fi leged Jirusalim, angat gotu sendatalen. Okóm yóm syudad Jirusalim, sana kdaen bè yóm kun gónó mdà malù geta. Yó klamangen, lenwóten bè Tikeb Bindyamin efet kól ditu bè yóm tehe gna tikeb ne efet kól ditu bè Tikeb Sokok ne bud lenwóten bè Gónô Tahà Hananél efet kól ditu bè gónó le gel mò tifas grép bè gónô yóm tau hol geta.

Sikaraya 14:10 Referans Kwoze

Sikaraya 12:6

Bè yóm kdaw yó, yó kmou yó kem tau malak bè Juda hol lómón ke bala ofi nô lem luduk koyu ne lómón ke dilóf ofi mken lami. Gotu kenen kdéen benwu hmilol du. Okóm kul yó kem tau bè Jirusalim tódô le henek, laen kô dù hemen le.

Jirimaya 37:13

Okóm tikóng kól bè Bak Tikeb Bindyamin, wen sotu tau mentey bè yó kemfô du boluyen Iriya yóm ngà Silimaya logi ne témê Hananiya. Yó monen mò du yóm tau mentey yó, “Uu se sotu tau deng mung bè yó kem sendalù Babilun.”

Jirimaya 30:18

Okóm yó udél Dwata, monen, “Bè yóm kwitu kuy semfulék gu bè yóm benwu deng gónó le megef kuy yó naw e bud kehgulék klowil ye, bud hdau snéen yóm syudad Jirusalim bè yóm sana gónóhen seblà, balù yóm tey kegbaen. Dalang se yóm gónô bong yóm tau hol geta bélê ye, bud hdau hol mkél bè yóm gnan.

1 Bok Kem Tau Hol Geta 15:22

Omin Asa mdók yóm kdéen tau bè Juda anì gotu nwa le yóm kdéen botu ne kdéen koyu tô ngom Baasa yóm beng botu tô bengen hmilol syudad Rama. Gotu nwit le mò ngom Asa yóm beng botu hdaen hmilol syudad Giba yóm benwu nô bè tonok Bindyamin, ne mò bud beng le yóm sotu benwu boluyen Mispa.

Sikaraya 2:4

ne yó monen mò du yóm mógów ebéléen yó, “Hetlasiki, tulónem tum tau mit btes tu koni, monem mò du, ‘Lemwót bè yóm angat bud alì kwen tau lem yóm syudad Jirusalim, botong là kóyów le lemen. Lemwót yó kem dumu, tódô le nô bè lewà ne yó kem ógóf le ne laen se kô dù hemen le bè yó.

Jirimaya 38:7

Okóm wen sotu tau boluyen Ibid-mélék yóm tau lemwót bè Ityupya, tau bong glalen lem yóm gónô bong yóm tau hol geta. Gungolen se kun yóm deng kehloyol le ke Jirimaya elem yóm sol hono hitok. Bè yóm kungolen du, tolo myón bè yóm gónón gel myón kmukum yóm tau hol geta bè Bak Tikeb Bindyamin.

Amus 9:11

Yó udél Dwata, monen, “Bè yóm kdaw yó, angat bud hen-gulék hdau yóm tehe kun nogot Dabid. Yóm kmoen ni, yóm benwu nogot Dabid yó, hol lómón ke yóm gónô deng gbà, okóm angat bud hdau yó kem bengen ne bud huléku yóm tehe tey keklóónen.

Isaya 2:2

Bè hulin kdaw, yóm bulul gónón mdà yóm dou Gónô alì bong muhen bè kdéen ne hol gónón kmulu yóm kdéen. Ne angat le gotu solo edu yó kem tau bè klamangen benwu.

2 Tutul Israél 25:23

Ne bè yó bè Bét-simés, kenfô Jihuas Amasaya ne nwiten mulék ebè Jirusalim. Ominen hegbà du bè yó kem sendaluen yóm beng hmilol Jirusalim lemwót bè yóm bak tikeb boluyen Bak Tikeb Ifraim efet kól bè yóm sotu bak tikeb boluyen Bak Tikeb bè Sokok Beng. Yó Ktahaen yóm beng genbà le yó, dô lewu latu mitruhen.

Jirimaya 20:2

yó nmoen, hekfóen Jirimaya yóm tugod Dwata, ominen hfes du ne hféten moni bè yóm bak tikeb boluy le du Bak Tikeb Bindyamin bè Gónô Dwata.

2 Tutul Israél 26:9

Wen kem gónô geta alì mbegel mò gónô mentey hefdà Usiya bè kem bak tikeb bè Jirusalim, hefdaen bè Bak Tikeb bè Sokok Beng, ne Bak Tikeb bè Datal, ne bè Bak Tikeb gónón Sigol Beng, gotu hefdaen.

Mika 4:1

Bè yó kem hol són kdaw, angat tey tótól bè klamangen benwu yóm bulul gónón nô yóm Gónô Dwata. Bè yó gónó le tmaba Dwata yó kem tau bè klamangen benwu.

Sikaraya 8:3

Ne ni bud udél Dwata, monen, Angate semfulék ebè Bulul Sayun, angate nô bè Jirusalim. Ominen yó angat taba le yóm Jirusalim, Syudad Teneb. Ne yó angat taba le yóm kun bulul yóm Dwata laen dù là gbeken du, Bulul Dwata.