Sikaraya 14:1 - Udél Dwata: Gna Kesfasad ne Lomi Kesfasad

¹ Ngem, móyón kól yóm kdaw kkukum Dwata. Gotu nuku kem hohon ye yó kem kimu ye ne gotu sensólól le igò ye temngel.

Sikaraya 14:1 Referans Kwoze

Isaya 2:12

Bè yóm kdaw yó, gotu heglaan Dwata yó kem tau alì mfasang, yó kem tau hegmón, yó kem tau hegeta knô. Yó se angat nmò yóm Dwata laen dù là gbeken du.

Deng Hegfan 16:14

Ni kem tlu busaw ni, tey dê hentaw ton nmò le. Gotu le mógów ebè yó kem kdéen tau hol geta talak tonok, gotu sentifun le lu anì na le e mò gida bè yóm kdaw alì knikò tau deng tehe eles olu Dwata, yóm Dwata laen dù là gbeken du.

Kul Nmò 2:20

Tódô angat gseng nóng kdaw ne yóm nóng bulón, angat khulóen litô bè yóm kdaw yó. Nan gotu sut he ni kem ni gu laanen là deng sut yóm kun kdaw yóm gónó tekuy mogot, duhen yóm kdaw angat kkukumen kdéen tau.

Malakay 4:1

Yó bud udél yóm Dwata laen dù là gbeken du, monen, “Ke sut yóm kdaw kkukumu tau, lómó kmou kul lómón ofi gotu himot kenen kdéen. Yó kem tau heklabak ne yó kem tau gel mò sidek, angat le gotu mlób bè ofi lómón klób lami. Gotu ken ofi lu lómón kken ofi yóm koyu, gotu gomong dolilen ne kem hangahen laen kô dù tebel du.

Malakay 4:5

Ngem, gu laanen là deng sut yóm kun kdaw ktafak yóm sana Dwata hol gónó mogot, angat wen hwitu elem blóng ye duhen Ilaydya yóm sotu tau tugodu.

Juwél 3:14

Hilu libuhen tau hatan ditu bè datal na a mangat kukum. Abay se bè yó gónón sut yóm kun kdaw Dwata ne deng mdulen ne.

Juwél 2:31

Gu laanen là deng sut yóm kdaw alì knikò yó, yóm kun kdaw Dwata, angat baling kmifu yóm nóng kdaw ne yóm bulón angat tódô baling tógó hulô, lómón khulóen litô.

Juwél 2:1

Huni ye yóm féw bong eles hetgama tau bè Jirusalim. Huni ye ta yóm dou bulul. Yake gotu ye kenkel kem tau mungol du, lemwót bè klikò ye, abay se móyón kól ne yóm kun kdaw Dwata, bè ktahuhen deng mdulen ne.

Sikaraya 14:14

Bè yó bè Jirusalim gónó kem tau Juda alì mit sfatay bè yó kem hohon le. Bè yóm kdéen benwu hohon le hmilol Jirusalim, gotu nuku kem sendalù Juda yó kem kendengen lemen, kem tahu blówón ne kem blówón bukay ne yó kem tey nes wen.

Sifanaya 1:7

Bê ye abay mudél bè solu yóm Dwata hol dandónen geta, yakà móyónen kól ne yóm kdaw kkukum Dwata tau. Deng eles fan Dwata lu yó kem tauhen mò hfatayen ne deng eles tinoken yó kem hohon le mò gemlà kul.