Sikaraya 13:9 - Udél Dwata: Gna Kesfasad ne Lomi Kesfasad

⁹ Yóm dù mowil yó, angat lómó kmou kul lómón yóm tau tmógó tahu blówón ne blówón bukay bè ofi, gotu kóhen ke wen boolen. Omin le yó tmaba bè boluyu ne angat bnalau lu, monu, ‘Lu se yó kem dou tau’ ne yó mon le se kul, ‘Dwata se yóm sana kum Dwata hol gónó mogot.’ ”

Sikaraya 13:9 Referans Kwoze

Kem Lingón 50:15

Ke wen gfà ye, tmaba ye ebéléu, lenwau yu mò gónó ye dmóyón dou.”

Kul Nmò 2:21

Duhen yó, kihu tau htóbóng bè yóm gónó tekuy mogot, angat gewà gu lem hatay.’ ”

Kem Lingón 91:15

Ke tmaba le ebéléu, bnalau lu. Ke wen gfà le, elese nô bélê le. Tendo gel lenwau lu, ne tey kadatu kul.

Deng Hegfan 21:7

Yóm tau gel matù bè yó kem sidek gel sut, ou se baling kun Dwata, ne du se baling dou ngà.

1 Pitér 4:12

Ó kem weu, dou dumu sogot nawa, bê ye tennga yóm tey keglayam ye nim kmoen ni lemwót bè yóm kehtahu ye. Sana ni ne kmoen bè yó kem tau hemtahu, sal wen gónó le glayam.

Jirimaya 30:22

Bè yóm kdaw yó, yu se mò dou tau ne ou se mò kuy Dwata.”

Isaya 43:2

Ke nifal ye yóm él nelem, elese gel mung kuy. Là kô ye limes bè yó kem mgel sut bélê ye. Ke mlan ye gu lem ofi, là kô ye na a mlób. Yó kem tilów mgel gel sut bélê ye, là kô nan e gehsidek kuy.

Sulat Jim 1:12

Hligal kun yóm tau ke hulung hembala yó kem tilów mgel gel sut béléen. Yó ofolen yóm khulungen hbala yó, duhen yóm klowil laen dù sónen, yóm deng fasad Dwata bè yó kem tau kembong nawa du.

Sikaraya 10:6

Yó kem tau Juda, angat ten-gelu lu, ne lenwau yó kem tau Israél. Lemwót bè yóm kkoduhu kul, bud hen-guléku klowil le, hol lómón ke tehe là kenbéu kul. Yakà ou du yóm sana kul Dwata hol gónó mogot, angat bnalau yó kem hni le.

Hibru 8:10

Bud mon yóm gónó le mogot, ni se angat nmou bè yó kem tau Israél elem hulin kdaw mò lan le hloni ebéléu. Suu lem hendem le yóm dou hlau, ne bud hnóu lem nawa le snéen. Ne ou se baling kul Dwata, ne lu se baling dou tau.

Sikaraya 8:8

Bud nwitu lu semfulék anì nô le bè ni bè Jirusalim. Lu se yó kem dou tau ne ou se kul Dwata. Là kóen na a monol yóm nawahu ebélê le ne angat hono tedeng yóm nmou bélê le.

Jirimaya 31:33

Okóm ke deng kól yóm kdawen, ni se yóm lomi senfasad me yó kem tau Israél. Angat suu lem nawa le yó kem hlolou kul ne snulatu lem hendem le. Angat bud ou se mò kul Dwata ne lu se mò dou tau.

Isaya 58:9

Ke mni ye ebéléu, gel bnalau yu. Ke tnaba ye ou, tnimulu yu. Hyu ke nmò ye sónen yóm kehegnok ye kem dumu ye ne yóm khisik ye kul ne yóm ksidek kbak ye ebélê le.

Sikaraya 12:10

Ne suu bè yó kem sfu Dabid ne bè yóm kdéen dumu tau bè Jirusalim yóm nawa kmodu ne yóm óyô mni bè Dwata. Angat le temngel ebéléu, yóm deng tehe tenbek le ne tey sidek klangag le, lómón klangag yóm tuha ke deng matay yóm tek sotu ngà le logi, duhen ke matay yóm ngà le logi twogu.

Kem Udél Hlalak Tehe Selumun 17:3

Bè ofi gónó tau tmilów du yóm tembaga futì ne yóm tahu blówón ne Dwata se fen tmilów du yóm nô lem but blutut tau.

Kem Lingón 144:15

Tey kehligal le yó kem tau ke lómón ni klowil le. Tey kehligal le kul yó kem tau ke yóm Dwata hol gónó mogot yóm kul Dwata.

Juwél 2:32

Yó se htóbóng bè boluy yóm sana Dwata hol gónó mogot angat gewà. Angat wen gewà bè yó kem tau nô bè Bulul Sayun bè Jirusalim, lómón yóm deng tehe mon Dwata. Yó kem tau gewà yó, lu se yó kem tau deng kun nélék Dwata.”

Isikél 37:27

Tódóe nô lem blóng le. Ou se mò kul Dwata ne lu se mò dou tau.

Isikél 36:28

Ne angat ye nô bè Israél, yóm benwu tehe blayu yó kem tehe fù ye ekni. Angat ye baling mò dou tau ne ou se baling Dwata ye.

Jirimaya 32:38

Lu se mò dou tau ne ou se mò kul Dwata.

Deng Hegfan 8:7

Ne mféw yóm tanayen. Sennganen se mulók kulón ne ofi nbol litô tódô htantang ete tonok. Botong gbut gónón mlób tonok, ne gbut se bè yó kem koyu. Ne kentihen yó kem bnes, tódô gotu mlób.

Deng Hegfan 8:8

Ominen mféw yóm gewuhen. Tódô tonu se yóm lómón ke bulul bong, bede hono dilóf gtudà elem mohin.

Deng Hegfan 8:9

Ne botong gbut bè él mohin tódô baling litô. Ne gbut bè yó kem kentihen mowil lemen, gotu matay. Ne gbut se bè yó kem kafal te mohin, gotu gbà.

Deng Hegfan 8:10

Ominen mféw yóm getluhen. Tódô tonu yóm tey blotik bong mosok gu bè longit, lómón ketomen solok lunay. Botong gbut bè yóm kdéen él mlel gónón e gdek, ne bud gbut se bè yó kem tbul él.

Deng Hegfan 8:11

Ne yó boluy yóm blotik btang yó, “Héét.” Tahu se, botong gbut kdéen él mlel baling héét, ne tey dê tau matay lan le gemginum yóm él héét yó.

Deng Hegfan 8:12

Ominen mféw yóm gfaten. Ne tódô gbut bè yóm kdaw, là kóen bud mnóng. Ne gbut bè yóm bulón ne bè yó kem blotik, là kô le bud mnóng. Yó gónóm mon, tódô gbut bè yóm sendaw laen kô dù layagen. Dalang se yóm kifu, tódô gbut bè yóm sotu kifu, laen kô dù layagen.

Jirimaya 24:5

“Ni se udél Dwata yóm Dwata yó kem tau Israél. Yó kem fig hyu tonem hnigaden yó kem tau Juda deng negef le ebè Babilun.

Danyél 12:10

Lemwót bè yóm tey keglayam yó kem tau bè yóm kdaw yó, yó gónón dê tau baling mólós, laen dù bud belen le. Okóm yó kem tau mò sidek tódô hlós yóm kul kmò sidek, là getnef le du kul yóm deng sut lem blóng le. Tek són yó kem tau hulung hedem temngón du.

2 Samwél 7:24

Ne deng hbegelem yó kem tauhem Israél mò hol kóm nfun ne laen dù tul sónen, ne deng uu se baling hol kul Dwata.

Kem Lingón 43:4

Ke lómón yó nmoem béléu, Dwata, angate gógów ebè yóm gónó me gel demsù ebéléem. Tek són uu gónóhen lemwót yóm kligalu. Angate gel hemglung ne semngal mò lanu dmóyón kóm, Dwata. Uu se yóm Dwata dou hentahu.

Jirimaya 9:6

Sónmoen temnù yóm kéng gel tulón le. Là kô le bud móyô mulék ebéléu,” mon Dwata.