Sikaraya 13:3 - Udél Dwata: Gna Kesfasad ne Lomi Kesfasad

³ Ke wen tau bud wen gel tugoden, yó angat mon maen mò du lewu le yéen, ‘Matayi se kóm abay se yóm gel tulónem, hlanem bè boluy Dwata.’ Ke wen bud tulónen yóm tau yó, kem kun tuha tembek hmatay du.

Sikaraya 13:3 Referans Kwoze

Dwata 18:20

Okóm ke wen tau tódô lembù tmugod dou, tódô hnatay kmò du. Senged se ke wen tau tmugod yó kem dumu dwata, tódô hnatay kmò du.’

Matyu 10:37

Yóm tau ke loloen o,” mon Jisas, “okóm ke alì henlom nawahen kem tuhahen, kéngen yóm kloloen do yó. Dalang se ke alì henlom nawahen kem ngaen, kéngen yóm kloloen do.

2 Kurin 5:16

Duhen yó, là bud hendeng me du ne kul kmò yó kem dumu tau. Balù yóm tehe kehdeng me du yóm kun kmò Krays ekni, okóm là ne ni du, là bud nmò me du.

Kun Snulat Luk 14:26

“Yóm tau ke loloen o, okóm ke alì gfét nawahen bè kem tuhahen ne bè yehenen, duhen bè yó kem ngaen kkólen bè yó kem dumuhen setwoli, dalang se bè yóm kun klowil, kéngen yóm kloloen do yó.

Dwata 33:9

Deng hegfan le yóm hol kget yóm kegfi le béléem senta yóm kegfi le bè yó kem tuha le ne bè yó kem dumu le setwoli ne bè kem ngà le. Deng gotu nimón le yó kem hlauhem kul ne tey kehteneb le lemolò du yóm deng senfasad ye.

Jirimaya 23:25

Deng gungolu yóm gel tulón yó kem tau tmugod kéng yó yóm gel mon le, ‘Deng wen hekna Dwata dou ebuteng.’