Sikaraya 13:1 - Udél Dwata: Gna Kesfasad ne Lomi Kesfasad

¹ Yó udél yóm Dwata laen dù là gbeken du, monen, “Bè yóm kdaw yó, angat wen sfut él mò gónó le molob yó kem sfu Dabid ne yó kem dumu tau bè Jirusalim, anì hol mkó bélê le kdê yó kem salà le ne yó kem dumu là mólósen bélê le.

Sikaraya 13:1 Referans Kwoze

Kem Lingón 51:2

Hol nolobem dou yó kem sidek deng nmou. Hol hólósem ou bè yó kem salau.

1 Kurin 6:11

Tehe wen se bélê ye mò du ekni ni kem monu ni koni. Okóm ni, deng ye baling mólós lan ye hkó yó kem salà ye. Deng ye baling kun tau Dwata, ne deng tedeng ne ktonen kuy hlanen bè Jisas Krays, yóm gónó tekuy mogot ne bè yóm Tulus yóm Dwata tekuy.

Kun Snulat Jan 1:29

Timbow hayahen bè yó, ton Jan Jisas mógów ebéléen. Bè yóm ktonen du, monen mò yó kem tau, “Ngem yó dé yóm Ngà Ubiha Dwata mò angat dsù Dwata mò mkó salà kdéen tau.

Isikél 36:25

Angat wen él mólós hetsiku ebélê ye anì baling ye mólós. Nolobu yó kem using ye ne là bud ye tmaba ebè yó kem dwata kéng.

1 Jan 5:6

Bè yóm tehe ksut Jisas Krays lem nim benwu ni, wen gónó tekuy dmilô du ke du yóm hol Ngà Dwata, duhen bè yóm tehe kehbabtaysen, ne bè yóm tehe kgamà litóen bè yóm katayen. Là olon du bè yóm kehbabtaysen yó, okóm yóm kgamà litóen snéen. Yó hol gemtanud du yóm ktahuhen nim monu ni koni, duhen yóm Tulus Dwata. Yóm Tulus Dwata, sok wen monen, deng duhen yó.

1 Jan 1:7

Okóm ke deng ye nô lem layag, lómón yóm kun knô lem layag Dwata, yó he gónón wen kesfulung tekuy. Ne yóm litô tehe namà Jisas, yóm Ngà Dwata, yó se fen tendo mkó du bélê tekuy yóm ket salà gel nmò tekuy.

Jirimaya 17:13

Ó Dwata, uu se yóm nefet nawa yó kem tau Israél. Angat le gotu mulék myak yó kem tau kmogol kóm. Angat le tódô lana lómón yóm boluy snulat le bè kfung, yakà deng tebel le kóm yóm tbul él hol gónó mowil.

1 Pitér 1:19

Okóm yó soken tekuy, duhen yóm litô Krays, yóm litô laen dù gembek mayad du. Yóm Krays, hol lómón yóm ubiha gel hnatay le mò dsù le ebè Dwata, yóm ubiha alì hyu, bà udì ke wen gónón sidek.

Sikaraya 12:3

Bè yóm kdaw yó, bud nmou Jirusalim lómón ke botu alì blat. Nô kihu benwu tô mkay du angat wen tey gfaen. Ne yóm kdéen benwu talak tonok angat le gotu stifun na le e nundug Jirusalim.

Kem Lingón 51:7

Hol kóhem dou salau anì balinge mólós. Hol denyohem ou anì laen dù bud usingu, balù udì.

Isikél 36:29

Angat nolobu yu bè kdê yó kem adat là mólós ye. Ne tey kehetbasu yóm kdê hulu ye, laen dù bud tau bitil bè klamang benwu ye.

Isikél 36:17

“Ó Tau Tonok, bè yóm tehe knô le bè yóm kul benwu yó kem tau Israél, gholuhen benwu le yó kem sidek gel nmò le. Kehlingónu du yóm alì ksideken yóm kmò le lómón yóm nes bolok tódô tfeng litô.

Jirimaya 2:13

“Yakà deng wen lewu salà nmò le béléu yó kem dou tau. Deng tebel le ou, yóm sfut él gónó le mowil ne deng wen sol nokol le nbeng le botu mò gónó le hemsù él, okóm deng mom molo yóm él sù le lemen.”

Jirimaya 29:26

‘Deng nélék Dwata uu mò tles ke Jihuyada yóm tau gel blóng ebè Dwata, mò mogot yóm Gónô Dwata. Kóm snolu ke wen tau lembù tmugod ke Dwata ke nfétem kdina ne hensuem bala tók bè liholen.

Jirimaya 33:8

Gotu bud hólósu lu bè kdê yó kem salà le béléu ne tódô gotu hnifótu yóm kdê salà le bè yóm là kimón le dou.

Isikél 47:1

Lemwót yóm tau hógów Dwata mit do yó, bud nwiten ou semfulék ebè bak dól yóm Gónô Dwata. Wen él tonu bè yó mlel laan yóm bak dól bè Gónô Dwata, bede mlel fi leged yóm bak dól yó ne hlós mlel etu fi dmata kdaw, loloen yóm gónón e smolu yóm Gónô Dwata. Niusen yóm gónó demsù, bede mlel fi legeden.

Sikaraya 12:14

Ket sfu yó kem dù tau tebel bè Juda, angat le gotu stifun honon lu, gotu le langag. Dalang se yó kem tuha libun le, tey klangag le se kul bè yóm gónó le nô sónen lu.”

Isaya 12:3

Yóm kul kligal yó kem tau deng lenwà Dwata, hol lómón kligal yóm tau alì sidek kleengen ke minum él tnaw.”

Mika 5:12

Nmou són le yóm kdéen mton bù ne laen dù bud tau hemgawang gónó ye bud smólók.

Kun Snulat Jan 5:4

Gel wen kdawen kun mógów elaan yóm hógów Dwata gu bè longit nan e gel hewók yóm busung. Yó se tau gegna kmó elemen igoen tolo lemwók, tódô mkó yóm desen, balù kihu kay desen.)