Sikaraya 12:6 - Udél Dwata: Gna Kesfasad ne Lomi Kesfasad

⁶ Bè yóm kdaw yó, yó kmou yó kem tau malak bè Juda hol lómón ke bala ofi nô lem luduk koyu ne lómón ke dilóf ofi mken lami. Gotu kenen kdéen benwu hmilol du. Okóm kul yó kem tau bè Jirusalim tódô le henek, laen kô dù hemen le.

Sikaraya 12:6 Referans Kwoze

Ubadaya 1:18

Bè yóm kdaw yó, hol lómón ke tey ofi yó kem ból Jakub ne yó kem ból Jusif, okóm yó kem ból Iso hol lómón ke loob deng mékéng. Angat gotu ken yóm tey ofi yó yóm klamangen, balù udì ke wen tau bud tebel. Ou se yóm sana Dwata hol gónó mogot nim mudél ni.

Sikaraya 2:4

ne yó monen mò du yóm mógów ebéléen yó, “Hetlasiki, tulónem tum tau mit btes tu koni, monem mò du, ‘Lemwót bè yóm angat bud alì kwen tau lem yóm syudad Jirusalim, botong là kóyów le lemen. Lemwót yó kem dumu, tódô le nô bè lewà ne yó kem ógóf le ne laen se kô dù hemen le bè yó.

Sikaraya 9:15

Fen kenlungen yó kem tauhen yóm Dwata laen dù là gbeken du ne gotu genlà le yó kem hohon le gel hmasut kul botu. Tey angat kehsag le bè yóm kesgida le lómón kehsag yó kem tau lengel. Gotu namà le litô yó kem hohon le, tódô molo lómón kolo litô yó kem ógóf gel dsù le, yóm gel snilung le mò twél le ta yóm gónó demsù.

Mika 4:13

Yó udél Dwata, monen, “Ó kem tau bè Jirusalim, htigel ye ne gotu knusu ye lu yó kem hohon ye. Yó nmou bélê ye, hekgisu yu lómón kekgis safì tudu hmanga bala tók ne kmasingen tembaga futì anì gbek ye lemusok mdà kul yó kem benwu hmohon kuy. Omin ye yó mit du ebéléu yóm kdê kendengen deng tehe negef le mò blay ye do, blay ye ebè yóm Dwata kmamal yóm klamangen benwu.”

Jirimaya 30:18

Okóm yó udél Dwata, monen, “Bè yóm kwitu kuy semfulék gu bè yóm benwu deng gónó le megef kuy yó naw e bud kehgulék klowil ye, bud hdau snéen yóm syudad Jirusalim bè yóm sana gónóhen seblà, balù yóm tey kegbaen. Dalang se yóm gónô bong yóm tau hol geta bélê ye, bud hdau hol mkél bè yóm gnan.

Isaya 54:3

Bud lebétem du yóm gu hilol kililen. Bud tódô nwa yó kem tauhem yóm kul tonok deng nô lem hólól yó kem tólóng tau. Yó kem syudad deng tehe tnagak le, tódô bud henok tau.

Deng Hegfan 20:9

Tódô lenngeb le yóm benwu yó, ne gotu lenibut le yóm kamfù yó kem tau Dwata ne yóm syudad kenbong nawahen, duhen Jirusalim. Okóm tódô wen ofi gu bè longit btang eta le, gotu genlaen lu yóm kdê le.

2 Kurin 6:7

Ne sotuhen, duhen yóm gel ktolok me du yóm hol ktahuhen, ne yóm gel kehegfan Dwata bélê ye yóm kun kfasang. Yóm ktedeng nawa me, yó se henged tók eles tendo kulóng sigel kwanan me, ne lómón ke klung eles tendo nogot me sigel iwóng.

Sikaraya 2:12

Deng hetfing Dwata mò kun yóm benwu Juda glem bè kun tonok. Ne bud néléken Jirusalim mò hol kun syudad nfun.

Sikaraya 1:16

Yó gónóm mon, yó bud udél Dwata, monen, Denge bud mulék ebè Jirusalim lanu kmodu yó kem dou tau. Angat bud tenlob le yóm dou Gónô bè yó, dalang se yóm dou syudad, angat bud hdà le. Yóm Dwata laen dù là gbeken du nim mudél ni.’

Sikaraya 12:5

Ominen yó angat hendem yó kem tau malak bè Juda, ‘Tey le kemgis yó kem tau bè Jirusalim lemwót bè ksalig le yóm Dwata laen dù là gbeken du, yóm kul Dwata.’