Sikaraya 12:5 - Udél Dwata: Gna Kesfasad ne Lomi Kesfasad

⁵ Ominen yó angat hendem yó kem tau malak bè Juda, ‘Tey le kemgis yó kem tau bè Jirusalim lemwót bè ksalig le yóm Dwata laen dù là gbeken du, yóm kul Dwata.’

Sikaraya 12:5 Referans Kwoze

Sikaraya 10:12

Bud ten-gelu lu yó kem dou tau lemwót bè yóm ksalig le do ne ket nmò le sal hlan le bè dou boluy. Ou se Dwata yóm mudél ni.” Là gomongen bè nili yóm tsaptér 11. Yó eles htulón Dwata ke Sikaraya bè yóm tsaptér ni yóm angat keglaen yóm benwu Israél ne yó kem tau malak bè yó. Yó tulónen bè ni yóm kehmò Dwata du ke Sikaraya yóm nmò yóm tau hyu kesegyoken yó kem ubiha móyón hnatay le. Wen lewu tuged tau semgyok ubiha nô bè Sikaraya. Yó boluy yóm sotu, Nawa Dwata, hnigaden yóm kbong nawa Dwata yó kem tau Israél. Ne yóm sotu tuged boluyen Sesotu, hnigaden yóm kessotu yóm lewu kem benwu duhen Juda ne Israél. Okóm yó kem tau, deng mom kenbê le yóm tau hyu kesegyoken ubiha yó. Yóm nmò le yó, hnigaden yóm angat kekbê le ke Jisas Krays. Omin Dwata bud hmò du ke Sikaraya yóm kun nmò yóm tau alì sidek kesegyoken ubiha angat gdek lem blóng le elem hulin kdaw mò gemlà kul. Nim ni, là tagaden gotu dohò efet kól yóm tau bnoluy le Hohon Krays.

Juwél 3:16

Tey lungkulen gu bè Sayun yóm udél Dwata ne lemték gu bè Jirusalim. Tódô gotu msinsig tonok ne longit. Okóm bè yó kem kun tau Israél, Dwata se gónó le e mlo mò gónó le e heklung.”

Kem Lingón 18:32

Du se yóm Dwata tendo hekgis dou, ne tendo mentey dou bè lanu anì laen dù hemenu.

Kem Lingón 144:1

Tey kdóyónu ke Dwata, lómón ke du yóm botu bong gónów gel heklung. Toloken o mit sgida, ne wen kenhulung mit sfatay blayen do.

Kem Lingón 18:39

Deng hekgisem ou bè gida, Dwata. Lemwót béléem gónó le là gemmò béléu yó kem hohonu.

Isaya 28:6

Ne bud blayen yó kem tau malak kul yóm óyô le mit du yóm kukum tedeng. Ne benlayen klóbô se yó kem tau mentey yó kem bak tikeb yóm syudad le anì là gbek le kul yó kem hohon le.

Sikaraya 12:6

Bè yóm kdaw yó, yó kmou yó kem tau malak bè Juda hol lómón ke bala ofi nô lem luduk koyu ne lómón ke dilóf ofi mken lami. Gotu kenen kdéen benwu hmilol du. Okóm kul yó kem tau bè Jirusalim tódô le henek, laen kô dù hemen le.

Sikaraya 10:6

Yó kem tau Juda, angat ten-gelu lu, ne lenwau yó kem tau Israél. Lemwót bè yóm kkoduhu kul, bud hen-guléku klowil le, hol lómón ke tehe là kenbéu kul. Yakà ou du yóm sana kul Dwata hol gónó mogot, angat bnalau yó kem hni le.

Jirimaya 33:26

Là kô naw e kenbê kul yó kem sfu Jakub dalang se Dabid yóm tau tóbóng lówóhu. Angat wen néléku bè kun sfu Dabid mò mogot yó kem sfu Abraham, Isak ne Jakub. Yó nmou bélê le, angat bud huléku lu ebè yóm kul benwu ne tey kkoduhu kul bè yó.’ ”

Jirimaya 30:21

Yóm tau malak kul lemwót bè kul kwen, là kô tólóng tau du. Tinoku yóm tau yó anì hloni ebéléu, mon Dwata. Ke là lemwóten bè yóm ktinoku du, laen kô dù tau mlos hloni ebéléu.

Isaya 60:17

Angate mit ebéléem tahu blówón mò tles yóm tembaga gel tenwélem. Ne mite ebéléem blówón bukay ne tembaga mò tles yóm bala tók ne yóm koyu gel wen muhem du. Ne wen bala tók nwitu ebéléem mò tles yóm botu gel wen muhem du. Là bud hen-gnok le kóm ne yó kem tau mogot kóm. Ne henbalingu lu tau tedeng kogot le kukum ne kem tau menek kogot le benwu.

Isaya 32:1

Bè hulin kdaw angat wen tau hol dandónen geta laen dù kéngen mogot klamang benwu. Ne yó kem smugung béléen, hono tau tedeng kwit le kukum.

Isaya 1:26

Angat wen he kem tau tedeng knawa le bud blayu kuy mò malak kuy ne mò hmau kuy, hol lómón yó kem tau gna tehe gel malak kuy. Ne ominen yó he angat bud taba le yóm syudad Jirusalim, Benwu Tedeng Knawa Kem Tauhen, ne Benwu Teneb Klolò Le ke Dwata.”

Isaya 1:23

Yó kem tau malak kóm hono tau kmogol ke Dwata, swè le bè yó kem tau mnagaw. Sal gel henmóyô le yóm filak gel blay le kul mò wa nawa le dalang se yó kem dumu gel blay le kul. Ke wen senkukum le, là kô nfi le kul yó kem ngà hikit ne là kô hnungol le du ke wen klamo yó kem libun bolu.

Isaya 1:10

Ó Jirusalim, yó kem tau mogot kóm ne yó kem tauhem deng le mkél bè kul alì ksidek nmò yó kem tau tehe menwu bè Sodom ne Gomora. Hol hnungol ye dé yóm kdê ye yóm udél Dwata ebélê ye. Hol kenmón ye dé yóm hdalangen kuy.

Kem Lingón 46:1

Són Dwata yóm gónó tekuy e mlo, ne béléen gónón lemwót yóm kgis tekuy. Anien ke wen gfà sut bélê tekuy, eles nô bè yó se kun mò tmóbóng kut.

Kmukum 5:9

Tey kegmung nawahu kul yó kem kmandér bè yó kem tau Israél, dalang se yó kem tau tódô lemwót bè nawa le yóm kmung le bè gida. Hol dóyón tekuy Dwata.

Sikaraya 12:4

Okóm bè yóm kdaw yó, mon Dwata, gotu hlangafu lu yóm kdê kudà le ne yó kem tau smakay kul, hlengelu mata le. Okóm tendo bnenteyu yó kem tau Juda, bede fen hbutóu yóm kdê kudà yó kem hohon le.

Sikaraya 14:14

Bè yó bè Jirusalim gónó kem tau Juda alì mit sfatay bè yó kem hohon le. Bè yóm kdéen benwu hohon le hmilol Jirusalim, gotu nuku kem sendalù Juda yó kem kendengen lemen, kem tahu blówón ne kem blówón bukay ne yó kem tey nes wen.

Isaya 28:5

Okóm angat kól yóm kdaw Dwata htótól yó kem dù tau tebel bè Israél, hol lómón ke du yóm bulók là menesen suub bè kulu le. Yó se nmò yóm Dwata laen dù là gbeken du.

Isaya 45:24

Ne yó angat mon le, ‘Són uu, Dwata, gónón mlan yóm kegmò me bè kem hohon me, són uu bemlay kum kgis.’ Okóm kdê yó kem kmutó nawa dou, angat tey sidek kehyaku kul.