Sikaraya 12:4 - Udél Dwata: Gna Kesfasad ne Lomi Kesfasad

⁴ Okóm bè yóm kdaw yó, mon Dwata, gotu hlangafu lu yóm kdê kudà le ne yó kem tau smakay kul, hlengelu mata le. Okóm tendo bnenteyu yó kem tau Juda, bede fen hbutóu yóm kdê kudà yó kem hohon le.

Sikaraya 12:4 Referans Kwoze

Sikaraya 12:3

Bè yóm kdaw yó, bud nmou Jirusalim lómón ke botu alì blat. Nô kihu benwu tô mkay du angat wen tey gfaen. Ne yóm kdéen benwu talak tonok angat le gotu stifun na le e nundug Jirusalim.

Dwata 28:28

Yó sotu bud tafak Dwata kuy, angat hlengelen mata ye. Angat hbutóen yu ne hesbewegen kehedem ye.

Sikaraya 12:6

Bè yóm kdaw yó, yó kmou yó kem tau malak bè Juda hol lómón ke bala ofi nô lem luduk koyu ne lómón ke dilóf ofi mken lami. Gotu kenen kdéen benwu hmilol du. Okóm kul yó kem tau bè Jirusalim tódô le henek, laen kô dù hemen le.

Kul Nmò 17:30

Tehe yu ekni,” mon Pol, “là snolò Dwata du yó kem sidek nmò tau bè yóm klawi le là setngón ebéléen. Okóm nim kmoen ni, deng hnauhen yóm kdéen tau bè klamangen benwu anì hol knogol le yó kem sidek gel nmò le.

Sikaraya 14:15

Yóm des mit hatay heglumfak Dwata yó kem hohon le, bud yó se heglumfak Dwata yó kem kudà le ne yó kem kudà asnu le kkólen bè yó kem kamél le ne yó kem dumu ógóf gel nô bè kamfù le.

Sikaraya 12:11

Yóm alì klangag le bè Jirusalim bè yóm kdaw yó, hol lómón yóm tehe alì klangag le ke Hadad Rimun ditu bè datal Megidu.

Sikaraya 10:5

Yó angat gónó le mkél yó kem tau bè Juda, lómón yó kem sendalù alì kemgis bè gida, gotu sninà ndà le yó kem hohon le, lómón mdà hitok. Lemwót bè yóm knô Dwata bélê le bè yóm kesfatay le, sal le gel gemmò bè yó kem hohon le, balù bè yó kem hohon le smakay kudà.

Danyél 9:18

Ó Dwata, hol henklinguhem o hol hnungolem o, temngeli gu dyó tenngelem nim glumfak me yóm kegbà yóm syudad mit yóm kóm boluy. Là yó du gónó me mni tóbóng béléem ke lemwót bè ktedeng me, okóm lemwót bè yóm alì khulungem kmodu.

Jirimaya 24:6

Yóm khegefu kul, kul kehyu. Angat tendo tnanudu lu ditu ne angat bud nwitu lu semfulék edini. Bè yóm bud kehesfuléku kul edini bud hdau lu, là kô naw e hnugón kul. Lómón ke bud huluhu lu, là kô naw e kendut kul.

Isaya 37:17

Hol hnungolem mi, Dwata, ne hol hnénégem yóm deng gefet bélê me ni. Hol hnungolem yóm alì kehnê Sinakirib kóm yóm tau hol geta bè Asirya. Tey kehnéen kóm igoen uu yóm kum Dwata là matayen.

Nihimaya 1:6

Kudungi do edini, Dwata, hol hnungolem do yóm hnihu. Knoyungu kdaw ne kifu mni bè yó kem tau Israél tóbóng lówóhem. Tódô benkasu béléem, deng me gemsalà béléem mi kem tau Israél. Denge gemsalà béléem dalang se yó kem gónóhu gu semfu.

2 Tutul Israél 7:15

Tendo knudungu yóm Gónô ni, hnungolu yóm kdê hni le bè yóm Gónô ni.

2 Tutul Israél 6:40

Duhen yó, Dwata, hol kenmónem yó kem hni le béléem lemwót bè Gónóem.

2 Tutul Israél 6:20

Hol tendo tnanudem ket kdaw ne ket kifu Gónóem, ni se yóm Gónô tehe monem mò gónóm hemsù yóm kóm boluy. Hol hnungolem ou ke gele mni béléem igou smolu ebè nim Gónóem ni.

2 Bok Kem Tau Hol Geta 6:18

Yóm igò le hemlel mundug yó kem sendalù Aram, bud mni bè Dwata Ilaysa, monen, “Ó Dwata, hol hbutóem lu.” Tahu se, bnalà Dwata yóm hni Ilaysa, gotu hbutóen lu.

2 Bok Kem Tau Hol Geta 6:14

Duhen yó, sotu kifu bè yó, tey kem sendalù wen hwit yóm tau hol geta bè Aram, mung kul yó kem kudà demyol klitun tók anì na le e snibut yóm benwu yó.

1 Bok Kem Tau Hol Geta 8:29

Hol tendo tnanudem ket kdaw ne ket kifu yóm Gónóem ni, ni se yóm gónô tehe monem mò gónóm hemsù yóm kóm boluy. Hol tnanudem anì gungolem o ke gele mni béléem igou smolu ebè nim gónóem ni.

Sikaraya 12:5

Ominen yó angat hendem yó kem tau malak bè Juda, ‘Tey le kemgis yó kem tau bè Jirusalim lemwót bè ksalig le yóm Dwata laen dù là gbeken du, yóm kul Dwata.’