Sikaraya 12:2 - Udél Dwata: Gna Kesfasad ne Lomi Kesfasad

² Yóm syudad Jirusalim, angat nmou hol lómón ke ninum lóbô mò hlengel yó kem tólóng benwu hmilol, yó kem benwu deng hógów yó kem sendalù na a mundug yóm syudad Jirusalim, lel le bud mundug yó kem dumu syudad bè Juda.

Sikaraya 12:2 Referans Kwoze

Sikaraya 14:14

Bè yó bè Jirusalim gónó kem tau Juda alì mit sfatay bè yó kem hohon le. Bè yóm kdéen benwu hohon le hmilol Jirusalim, gotu nuku kem sendalù Juda yó kem kendengen lemen, kem tahu blówón ne kem blówón bukay ne yó kem tey nes wen.

Kem Lingón 75:8

Yakà wen tegayan nogot Dwata, tódô hnok yóm ninum alì lóbô deng kmodok nô lemen, hningónen yóm alì kebuten. Gotu twélen nim ninum ni ebè yóm kdéen tau mò sidek, hinumen kul efet gotu le.

Deng Hegfan 18:6

Nmò ye béléen yóm sidek tehe gel nmoen bélê ye, bede hol hegulé ye yóm kbeles ye du. Hinum ye du yóm ninum alì lóbô senta yóm tehe gel hinumen kuy.

Deng Hegfan 16:19

Ne yóm tey syudad bong Babilun, botong tlu gónón mesdoli. Gotu gebà snéen yó kem dumu syudad talak tonok. Là kô na a klifót Dwata du yóm alì kegsalà le yó kem tau bè Babilun yó, ne hol hegnómen kul yóm tey kebuten kul, lómón ke wen ninum lóbô hinumen kul.

Deng Hegfan 14:10

angat tey kebut Dwata kul, hol lómón ke wen ninum alì lóbô laen dù bolen hinumen kul. Bè yóm angat ktafaken kul, sónmò le heslaf ditu lem lanaw ofi wen kbudahen tendo dmilóf. Yóm keheslaf le yó, hyu bud ton yó kem hógów Dwata gu bè longit ne yóm Ngà Ubiha.

Hbakuk 2:16

Okóm yu se bud angat mulék myak tles yóm tehe któtól ye. Yu se tles bud lengel ne heglénggé. Angat wen hinum Dwata kuy, duhen yóm tafaken kuy. Ne yóm tey tehe któtól ye, angat bud mulék yak ye.

Sikaraya 14:2

Bè yóm kdaw yó, gotu sentifun Dwata yóm kdéen benwu mò na a gmida bè Jirusalim. Angat gnô lem hólól le yóm syudad yó. Ne yó kem gónô bè yó, gotu nuku le yó kem kimu nô lemen ne gotu kneyek le yó kem libun. Gotu negef le sóól bè yó kem tau bè Jirusalim ne yóm sóólen fen tebel lem yóm syudad deng gbà.