Sikaraya 12:12 - Udél Dwata: Gna Kesfasad ne Lomi Kesfasad

¹² Yóm kdéen tau bè Israél, angat le gotu langag. Yó kem kun sfu Dabid angat le gotu stifun honon lu, gotu le langag. Dalang se yó kem tuha libun le, tey klangag le se kul bè yóm kul gónó nô sónen lu. Yó kem kun sfu Natan, angat le gotu stifun honon lu, gotu le langag. Dalang se yó kem tuha libun le, tey klangag le se kul bè yóm kul gónó nô sónen lu.

Sikaraya 12:12 Referans Kwoze

Deng Hegfan 1:7

Ngem yóm Jisas Krays, angat bud kól mung bè lobun. Tódô kdéen tau angat gotu mton du. Ne gotu ton yó kem tau tehe tembek du ekni. Tódô kdéen kay tau talak tonok, angat le gotu dmumu mkik bè yóm kkólen yó, knikò le yóm kkukumen kul.

Kun Snulat Luk 3:31

Yóm Ilyakim, ngà Milya. Yóm Milya, ngà Mina. Yóm Mina, ngà Matata. Yóm Matata, ngà Natan. Yóm Natan, ngà Dabid.

Matyu 24:30

Ominen yó he angat gfan gu bè longit yóm kun ilô yóm Ngà Tau. Bè yóm kton le du, tódô kentihen tau talak tonok, gotu le dmumu mkik lemwót bè khuli sel le. Tódô ton le se yóm Ngà Tau htuntun gu tta mung bè lobun. Ne ton le se yóm tey kfasangen ne yóm tey kegetahen.

Sikaraya 7:3

Ne wen snólók le bè yó kem tau gel blóng ebè yóm sana Dwata laen dù là gbeken du ne bè yó kem tugod Dwata bè yó. Yó snólók le, “Tódô henlel me kô langag ne fasting bè yóm glimuhen bulón bud kehtulón du nawa yóm tehe kegbà yóm Gónô Dwata, lómón yóm deng gel nmò me lem yóm hilu halay?”

2 Samwél 5:14

Ni se boluy yó kem ngaen logi sut bè Jirusalim, Simya, Subab, Natan, Selumun,

1 Kurin 7:5

Yó gónóm mon, yu kem tau syehen, hol ye gel steneb stungô. Són yó dé gónó ye là stungô ke wen kdaw blay ye ke Dwata anì laen dù hmala kuy bè yóm kni ye béléen. Okóm eles sentngón ye gna, omin ye bud stungô kogolen. Ke ni se nmò ye, laen dù lan Seitan smindil kuy lemwót bè yóm là kegbek ye mafas nawa ye.

Juwél 2:16

Sentifun ye lu yóm kdéen tau. Eles tulón ye kul anì eles le hólós. Nwit ye yó kem tuha tau ne yó kem ngà kkólen bè yó kem hanà tolo tmutù. Balù yó kem tau lomi syehen na le tebel yóm gónó le nô anì mung le se kul.

Jirimaya 31:18

Deng gungolu yóm udél le hegsel yó kem tau Israél yóm kmon le du, ‘Ó Dwata, ke hningón me yóm kmoem kum, hol me mkél bè yóm safì là deng wen tmolok du dmadu. Okóm ni deng tolokem mi mimón. Hol bud hnomihem mi ne nwitem mi semfulék, yakà tek són du uu yóm sana kum Dwata hol gónó mogot.

Jirimaya 3:21

Wen tey mkik gungolu gu ta yó kem bulul geta, kik le hkodu yó kem tau Israél, abay se deng klifót le yóm sana kul Dwata hol gónó mogot ne deng le tey mayuk ne bè kun lan.

2 Samwél 12:1

Duhen yó, hógów Dwata Natan yóm tugoden, ebè Dabid. Yóm kkól Natan bè yó, monen mò ke Dabid, “Wen lewu tau nô bè yóm sotu benwu. Yóm sotu, wen kendengenen, ne fen élél yóm sotuhen.

Kehewà 12:30

Bè yóm kifu yó, gotu le gebtik le Faro ne yó kem genlalen ne kdê yó kem tau Idyip, bà mon tey dlumu kik bè klamangen Idyip, abay se laen dù gmónô ke laen dù ngà logi matay bélê le.

Sikaraya 12:11

Yóm alì klangag le bè Jirusalim bè yóm kdaw yó, hol lómón yóm tehe alì klangag le ke Hadad Rimun ditu bè datal Megidu.

Sikaraya 12:13

Yó kem kun sfu Libay, angat le gotu stifun honon lu, gotu le langag. Dalang se yó kem tuha libun le, tey klangag le se kul bè yóm gónó le nô sónen lu. Yó kem kun sfu Simi, angat le gotu stifun honon lu, gotu le langag. Dalang se yó kem tuha libun le, gotu le langag se kul bè yóm gónó le nô sónen lu.