Sikaraya 12:11 - Udél Dwata: Gna Kesfasad ne Lomi Kesfasad

¹¹ Yóm alì klangag le bè Jirusalim bè yóm kdaw yó, hol lómón yóm tehe alì klangag le ke Hadad Rimun ditu bè datal Megidu.

Sikaraya 12:11 Referans Kwoze

2 Tutul Israél 35:24

Tahu se, nwa yó kem kun tau gu lem yóm klitun tóken ne nili le ebè yóm sotu klitun tók, ne nwit le ebè Jirusalim. Bè yó gónón matay, ne lebeng le bè yóm gónó le lembeng yó kem fuen. Tódô kdê yó kem tau bè Juda ne bè Jirusalim, gotu lemangag ke Jusaya.

2 Bok Kem Tau Hol Geta 23:29

Yóm tolo kegeta Jusaya, lemwót Faro Niku yóm tau hol geta bè Idyip, mógów ebè Él Yufratis nan e tnóbóng yóm tau hol geta bè Asirya. Kewót Jusaya bè yó se kun, mung du yó kem sendaluen, nundugen lu. Okóm hnatay Faro Niku Jusaya bè yóm keston le bè Megidu.

Matyu 24:30

Ominen yó he angat gfan gu bè longit yóm kun ilô yóm Ngà Tau. Bè yóm kton le du, tódô kentihen tau talak tonok, gotu le dmumu mkik lemwót bè khuli sel le. Tódô ton le se yóm Ngà Tau htuntun gu tta mung bè lobun. Ne ton le se yóm tey kfasangen ne yóm tey kegetahen.

Deng Hegfan 1:7

Ngem yóm Jisas Krays, angat bud kól mung bè lobun. Tódô kdéen tau angat gotu mton du. Ne gotu ton yó kem tau tehe tembek du ekni. Tódô kdéen kay tau talak tonok, angat le gotu dmumu mkik bè yóm kkólen yó, knikò le yóm kkukumen kul.

Deng Hegfan 16:16

Bong yó kem busaw, gotu sentifun le yó kem tau hol geta ne yó kem sendalù le bè yóm benwu boluy le du bè Hibru, Armagidon.

Sikaraya 12:12

Yóm kdéen tau bè Israél, angat le gotu langag. Yó kem kun sfu Dabid angat le gotu stifun honon lu, gotu le langag. Dalang se yó kem tuha libun le, tey klangag le se kul bè yóm kul gónó nô sónen lu. Yó kem kun sfu Natan, angat le gotu stifun honon lu, gotu le langag. Dalang se yó kem tuha libun le, tey klangag le se kul bè yóm kul gónó nô sónen lu.

2 Tutul Israél 35:22

Okóm là kô hnungol Jusaya ke Niku yóm gónó Dwata deng hemlan udélen, ne là kóen mulék. Deng mom nwiten yó kem sendaluen na le e mit sgida bè datal Migidu. Kóhen yóm nes tau hol geta leseken anì laen dù tau dmilô du.