Sikaraya 10:9 - Udél Dwata: Gna Kesfasad ne Lomi Kesfasad

⁹ Balù yóm deng gotu keseklahu kul bè yó kem tólóng benwu, okóm bè yó kem benwu mayuk deng gónó le nô yó, sana tolo kehedem le do bè yó. Tolo le mowil, mung kul kem ngà le ne gotu le slomong mulék ebè yóm sana kul benwu bè Israél.

Sikaraya 10:9 Referans Kwoze

Mika 5:7

Ominen lemwót yó kem dù mowil bè yó kem tau Israél menwu lem blóng yó kem tólóng benwu, hol lómón kmò le ke amù hwit Dwata ebè yó kem dumu tau, duhen ke kulón mò hméfê bnes. Són Dwata snalig le, là kô le smalig bè tau.

Husiya 2:23

Bè yóm kdaw yó, hol lómón ke huluhu lu yó kem tau Israél ta yóm dou tonok mò hol dou nfun. Yó kem tau tehe bnoluyu ‘Là kenbong nawa’ hol hegfanu bélê le yóm kbong nawahu kul. Ne yó kem tau tehe bnoluyu ‘Là dou tau du’ yó se angat monu mò kul, ‘Yu se kem dou tau.’ Ne yó se kul balà do, mon le, ‘Uu se yóm kum Dwata.’ ”

Jirimaya 31:27

Yó bud udél Dwata, monen, “Angat kól yóm kdawen bè ni bè Israél ne bè Juda bud hbólu yó kem dou tau dalang se yó kem ógóf le.

Isaya 65:23

Tey bong gendeng le bè yó kem nmò le ne laen kô dù gfà sut bè yó kem ngà le. Laen kô dù sónen yóm któbóngu kul kkólen bè yó kem angat lugod le.

Istér 8:17

Bè ket syudad ne ket prubinsya gónón e glalag yóm lomi udin yóm tau hol geta yó ya tey kehligal yó kem Ju nô bè yó. Gotu le hligal mò ken. Bè ktahuhen, bè yóm kdaw yó tey dê tólóng tau hbaling Ju lemwót bè klikò le kul.

Nihimaya 1:9

Okóm ke bud ye semfulék ebéléu ne nimón ye yó kem deng hlauhu kuy, bud nwitu yu semfulék ebè yóm benwu deng néléku mò gónó ye tmaba ebéléu. Baluen he ke deng negef le yu ebè tu kem benwu són tonok, kaem bud nwitu yu mulék he.’

Amus 9:9

Yakà deng monu du angat gotu hefsideku yó kem tólóng benwu yó kem tau Israél, lómó kmou kul, lómón yóm halay tneef anì mkó kafahen. Okóm balù sbotù halay hyu ke btang ebè tonok.

Sulat Pol Ebè Yó Kem Tau Hemtahu Bè Rom 11:24

Yu kem tau là Ju le, lómón ke hanga koyu ulib tmowok lem dlag nwa Dwata bud hlowilen bè lówó yóm koyu huluhen. Ke gbek Dwata lembù hlowil du bè yó yóm hanga tólóng koyu, sélét là gbek bud hlowilen du bè yó yó dum sana kun hanga.

Kul Nmò 8:4

Yó kem tau hemtahu bè Jisas deng sekla yó koni, balù kihu benwu gónó le e mlóy, là kóen skó tendo kehetngón le du yóm tulón lemwót bè Jisas.

Kul Nmò 8:1

Wen se kem tau ngelem kehtahu le bè Dwata ne tilob klolò le yó kem hlau Musis, lu fen lembeng ke Stéfén ne tey klangag le du snéen. Okóm ke Sol kun, tey kehyu nawahen bè yóm khatay le ke Stéfén. Tódô kewóten bè yóm kdaw yó, sónmò le tendo hemsidek kul yó kem tau hemtahu bè Jisas bè Jirusalim. Gotu le sekla mlóy gu bè Jirusalim yó kem tau hemtahu bè Jisas, mlóy le etu bè klamangen prubinsya Judiya ne klamangen Samarya. Són yó kem sfolò lewu tehe nélék Jisas tagak bè Jirusalim.

Isaya 44:21

Yó mon Dwata, “Yu kem tau Israél, hol bê ye abay klifót nim monu ni, yu se yó kem dou tau tóbóng lówó. Deng nmou yu mò tóbóng lówóhu, là kô naw e klifót kuy.

Isaya 64:4

Laen kô deng tau mton du yóm Dwata lómón uu, duhen ke deng wen gmungol du yóm Dwata gembek mò du yóm tennga nmò bè yó kem tau kemgel du nawa.